Aposkạmi 13:30 - Santali Common Language New Testament

³⁰ Menkhan Isor do gocʼko khon uniye jiwetʼ beretʼkedea.

সান্তালী বাইবেল

³⁰ Menkhan Isor do gocʼko khon uniye jiwetʼ beretʼkedea.

Aposkạmi 13:30 Referans Kwoze

Aposkạmi 2:24

Menkhan Isor do gujukʼ reakʼ bedon khon khalaskate uniye jiwetʼ beretʼkedea, ente uni sapʼ dohoye reakʼ ektiạri gujukʼakʼ do bạnukʼtaea.

Aposkạmi 17:31

ente uni do nonkan mitʼṭen dine nenḍa akada one ona dinre acʼe bahal akade mitʼṭen hoṛ hotete manwako dhoromteye bicạrko. Uni do gocʼko khone jiwetʼ beretʼ akadete sanam manwako ṭhen noae sạbud akada.”

Mathae 28:6

Nonḍe do bạnuea. Uni do cetʼlekae menletʼ onkageye jiwetʼ beretʼ akana. Dela, hijukʼte oneye giticʼlen jaega ńelben.

Ibriko 13:20

Oka mãyãmte sulukren Isorakʼ jaejug bondobos doho akan ona hotete Isor do aboren Probhu Jisu Mạsi, metakʼme bhiḍikoren maraṅ gupiyicʼ do gocʼko khone jiwetʼ beretʼkedea.

Aposkạmi 10:40

Menkhan Isor do pe din hilokʼre gocʼko khon uniye jiwetʼ beretʼkedea ar sodorokʼ reakʼe danadea.

Aposkạmi 4:10

Enḍekhan ape ar sanam Israelko noa katha baḍae dohokakʼpe je, Nasaretren Jisu Mạsi, okoe dope kruslede ar okoe do gocʼko khon Isore jiwetʼ beretʼkede, uniakʼ daṛetege nui hoṛ doe bogeyente ape samaṅreye teṅgo akana.

Aposkạmi 3:26

Ar ape mimitʼko apeakʼ bạṛicʼ hor khon ạcurokʼte bhorape lạgitʼge Isor do ape ṭhen acʼren Guti Jisui kolledea.”

Aposkạmi 3:15

Okoe doe jionren mạlik kan unigepe gocʼkedea, menkhan Isor do gocʼko khon uniye jiwetʼ beretʼakadea; ar ale do onaren gohako kanale.

Aposkạmi 3:13

Abraham, Isạhak ar Jakobren Isor, metakʼme aboren hapṛamkoren Isorge noa kạmi hotete acʼren golam Jisuakʼ ṭhonoke sodor akada. Ape ma goje lạgitʼ mukhiyạkoakʼ tirepe soprotlede. Pilạt do aṛakʼkaegeye menleda, menkhan Pilạt samaṅre unipe baṅkedea.

Aposkạmi 2:32

Uni Jisuge Isor doe jiwetʼ beretʼkedea, ar ale do sanamkoge uniren gohako kanale.

Johan 10:17

Baba do noa iạteye dulạṛedeń kana, ente iń do ińakʼ jiwiyiń alayetʼtińa jemon arhõ onań ruạṛ ạgu daṛeakʼ.

Johan 2:19

Jisui roṛ ruạṛatʼkoa, “Isorakʼ oṛakʼ dhaṅ dhaserpe, ar pe mãhãte ona do arhõń beretʼ ruạṛa.”

Aposkạmi 13:33

ona do onkoren hoponko lạgitʼ, metakʼme abo lạgitʼ Jisu gocʼko khone jiwetʼ beretʼkedeteye purạu akada. Noa reaṅ do dosarakʼ sereńre olakana: Am dom ińren hopon kana, teheńge amren apatiń hoyena.

Aposkạmi 13:34

Isor do gocʼko khon uniye jiwetʼ akadea ar uniakʼ hoṛmo do tishõ baṅ nosṭokʼtaea, ona kathakore Isore menakada, ‘Sonot ar sạriakʼ bhor reakʼ Dạud ṭhen okań kiriyạlen, ona do amiń emama.’

Aposkạmi 13:37

Menkhan Isor do okoe gocʼko khone jiwetʼ beretʼkede, uniakʼ hoṛmo do baṅ sealena.