Aposkạmi 13:27 - Santali Common Language New Testament

²⁷ Jerusalemren hoṛko ar onkoren mukhiyạko do Jisu bako oromledea. Noa chaḍa nạbikoakʼ okaṭakʼ katha jirạukʼ mãhãre jaoge paṛhao idikʼkan tahẽkan, ona katha hõ onko do bako bujhạu daṛeada; onate Jisuko dusikedete ona kathako purạukeda.

সান্তালী বাইবেল

²⁷ Jerusalemren hoṛko ar onkoren mukhiyạko do Jisu bako oromledea. Noa chaḍa nạbikoakʼ okaṭakʼ katha jirạukʼ mãhãre jaoge paṛhao idikʼkan tahẽkan, ona katha hõ onko do bako bujhạu daṛeada; onate Jisuko dusikedete ona kathako purạukeda.

Aposkạmi 13:27 Referans Kwoze

Aposkạmi 3:17

“E boehako, ńitokʼ ińiń baḍaea aperen murubiko leka ape hõ begor bujhạutege Jisupe krusledea.

Romiko lạgitʼ Pạul Apostolakʼ ciṭhi 11:25

E boehako, apnarte jemon budanko alope monejoṅ onate iń do mitʼṭen sạri okowakʼ baḍae ocopeń menjoṅ kana. Ona sạriakʼ do noage, boṅgan hoṛ jạtrenkoakʼ lekha ạuri purạukʼ hạbicʼ ḍher bhag Israelkoakʼ ontor do keṭecʼge tahena.

Aposkạmi 15:21

Noa hukum emakoge bhagea, ente Mose okae menakatʼ ona do mimitʼ nagrahakore ạḍi laha khonge porcarokʼ kana ar uni okae ol oṭoakatʼ ona do mimitʼ jirạukʼ mãhãre sunạgogkore paṛhao idikʼkana.”

Luk 24:20

Aleren maraṅ naekeko ar sostor baḍaeko do Romren hoṛkoakʼ tireko soprotledea jemon bicạrete gujukʼ sạjạiko emae. Ar Jihudi mukhiyạko do uniko kruskedea.

2 Korinthiko 4:4

Bin pạtiạukʼ hoṛkoakʼ mon niạ jugren Deb doe kãṛã akatʼtakoa jemon onko do bhage sombat reakʼ marsal aloko ńelńam. Noa bhage sombatre do Mạsiakʼ ṭhonok bamberokʼ kana, ar nui Mạsi kangeae Isorakʼ muṭhạn reakʼ sodorokʼtetʼ.

2 Korinthiko 3:14

Menkhan onko hoṛkoakʼ mon do keṭecʼlen takoa. Onate teheń hạbicʼ hõ ona mare bondobos reakʼ katha paṛhao jokhecʼ onkoakʼ ontorre inạ mitʼ lekanakʼ bedokʼakʼ orwal do tahenkangea, ente eken Mạsi tulucʼ mitʼlen khange ona orwal do ocogokʼa.

1 Korinthiko 2:8

Menkhan niạ jugren cakʼlaoko modre okoe hõ ona do bako baḍaeleda; enteko baḍaele khan ṭhonokren Probhu do ohoko kruslea.

Aposkạmi 28:23

Onko do Pạul são ńapamokʼ lạgitʼ mitʼṭen dinko goṭakeda. Ar Pạul okareye tahẽkan onḍe do onko chaḍa arhõ aema hoṛko hecʼena. Unre Pạul do setakʼ khon ạyupʼ hạbicʼ Isorakʼ raj reaṅe galmaraoatʼkoa are bujhạuatʼkoa. Uni do Moseakʼ ạn-ạri ar nạbikoakʼ puthi khon hõ Jisu reaṅe bujhạu akokan tahẽkana.

Johan 15:21

Onko do iń iạteko onkapea, ente iń okoeye kolakadiń uni do bako baḍaeyedekana.

1Timothi 1:13

Lahate Mạsiyiń opomane kan ar khekhedicʼ ar ṭhok hoṛiń tahẽkanre hõ uni do noa kạmireye bahalkedińa. Uni do ińe daya akawạdińa, ente bepạtiạukʼ ar bin baḍae iạte iń do onakoń kạmikan tahẽkana.

Johan 16:3

Onko do noa iạtegeko onkaea ente Baba hõ bako baḍaeakadea ar iń hõ bako baḍae akadińạ.

Johan 8:28

Onate Jisui metatʼkoa, “Manwa Hopon tinre coṭtepe rakabea unrepe baḍae daṛeakʼa, iń doń uni kangea. Ar noa hõpe bujhạu daṛeakʼa iń do ińte cetʼge bạń kạmikana, bickom Baba okae cetʼ akawạdiń onageń roṛeda.

Luk 22:34

Jisui roṛ ruạṛadea, “E Patras, ińiń metam kana, teheń sim sạnḍi ạuriye ragre am do pe dhaoem baṅeńa.”

Mathae 22:29

Jisui roṛ ruạṛatʼkoa, “Bhuletʼ kanape, ente ape do sostor hõ bape baḍaea, ar Isorakʼ daṛe reaṅ hõ bape baḍaekana.

Luk 23:13

Unre Pilạt do maraṅ naekeko, mukhiyạko ar sanam hoṛko hoho jarwakateye metatʼkoa,

Johan 5:39

Ape do sonot sostorkope ḍunḍhạueda, entepe hudiseda ona hotetege jaejug jionpe ńama. Menkhan ona sostor ma coṅ iń reaṅge gohae emetʼkan;