Aposkạmi 11:19 - Santali Common Language New Testament

¹⁹ Ado Stephan babot hoyen santao iạte okoekoko chir chạtur akan tahẽkan onko do Phoenikiạ, Kupros ar Siriạ disạm reakʼ Antiokiạ hạbicʼ senkate eken Jihudiko ṭhenge Isorakʼ kathako lạikeda.

সান্তালী বাইবেল

¹⁹ Ado Stephan babot hoyen santao iạte okoekoko chirchạtur akan tahẽkan onko do Phoenikiạ, Kupros ar Siriạ disạm reakʼ Antiokiạ hạbicʼ senkate eken Jihudiko ṭhenge Isorakʼ kathako lạikeda.

Aposkạmi 11:19 Referans Kwoze

Aposkạmi 21:2

Unre ale do ona jahajre decʼkatele mohnḍayena.

Aposkạmi 15:35

Menkhan Pạul ar Barnabas do Antiokiạrege kin tahẽyena. Onḍe unkin do arhõ aemako ṭhen Probhuakʼ katha cetʼako ar porcarkin dhurạuena.

Aposkạmi 15:22

Unre apostolko, manḍerren murubiko ar manḍerren eṭakʼ sanam hoṛkoko goṭakeda je, onko do akoren adom hoṛko bachaokate Pạul ar Barnabas sãote Antiokiạteko kolkoa. Onko do Jihudạ ar Silạs tạkinko bachaoketʼkinạ. Nui Jihudạge Barsabako metaekan tahẽkana. Ente biswạsi boehako modre nukin bana hoṛge mukhiyạkin tahẽkana.

Aposkạmi 15:3

Antiokiạ manḍerrenko do onkoakʼ calakʼ reakʼko bebostakeda. Ado Phoenikiạ ar Samariạ Prodes talate calakʼ jokhecʼ Pạul ar Barnabas do hoṛkokin baḍae ocoketʼkoa, boṅgan hoṛ jạtrenko do Isor secʼ cetʼlekako ạcurokʼ kana mente. Ar noa khobor ańjomkate sanam biswạsikoge ạḍiko kusiyena.

Aposkạmi 4:36

Lewi bõsren Joseph ńutuman mitʼṭen hoṛe tahẽkana. Uni do Kupriko metakʼ dipre oṛakʼ tahẽkantaea. Apostolko do Barnabasko bahnakedea torjomate do jiwi raṛecʼren hoponko hohoaekan tahẽkana.

Galathiko lạgitʼ Pạul Apostolakʼ ciṭhi 2:11

Patras do Siriạ Prodes reakʼ Antiokiạteye hecʼen khan, samaṅregeń roṛ daramkedea, ente uni doe behok akatʼ tahẽkana.

Aposkạmi 21:16

Kạisạriạren adom celako hõ ale sãoteko calaoena ar Manason ńutuman Kupros dipren mitʼ hoṛakʼ oṛakʼteko idiketʼlea. Ar aleakʼ tahen reakʼ katha do uniakʼ oṛakʼrege tahẽkantalea. Uni do pạhil celako modren mitʼ hoṛe tahẽkana.

Aposkạmi 18:22

Ado Kạisạriạ nagrahateye seṭeren khan jahaj khon pheḍekate uni do Jerusalemteye calaoena. Ar onḍe manḍerren hoṛkoe joharatʼko tayom uni do Antiokiạteye senena.

Aposkạmi 15:39

Unre Pạul ar Barnabas do mot baṅ mitʼlente unkin dokin begarena. Onate Barnabas do Marke soṅgekedete jahajte Kupros dipteye calaoena, ar Pạul do Silạse bachaoana.

Aposkạmi 13:46

Unre Pạul ar Barnabas do dilkate kin roṛ ruạṛatʼkoa, “Pạhilre ape ṭhen Isorakʼ katha lạlại jạruṛ tahẽkan tạlińa, menkhan tinre ape do bape moneada ar jaejug jion ńam lạgitʼ apete lek bape bujhạulena unre ạliń do boṅgan hoṛ jạtrenko secʼliń ạcurokʼkana.

Aposkạmi 13:4

Ado sonot Jiu hotetekin kol ocoyen khan Barnabas ar Sạul do Seleukiạtekin rakapʼ calaoena. Ar onḍe khon jahajte unkin do Kupros diptekin senena.

Aposkạmi 13:1

Antiokiạ manḍerre do thoṛa nạbi ar cecetʼkoko tahẽkana. Onkoakʼ ńutum do Barnabas, Nigerko metaekan Simeon, Kurene nagraharen Lukius, disạm cakʼlaoicʼ Herod sãoteye ạsul haralen Manaen ar Sạul.

Aposkạmi 3:26

Ar ape mimitʼko apeakʼ bạṛicʼ hor khon ạcurokʼte bhorape lạgitʼge Isor do ape ṭhen acʼren Guti Jisui kolledea.”

Johan 7:35

Jisuakʼ noa kathate Jihudi mukhiạko do ako talareko menkeda, “Nui hoṛ do okateye calakʼte babon ńam daṛeaea? Baṅ do Junạniko talare chir chạtur akan Jihudiko ṭhen senkate Junạnikoe cetʼako?

Mathae 10:6

menkhan Israel jạtren atʼakan bhiḍiko ṭhen calakʼpe.

Aposkạmi 6:5

Ado dolren sanamkoge noa katha do mońjko metatʼa. Onko do biswạs ar sonot Jiute perecʼakan Stephanko bachaokedea. Ona chaḍa Philip, Prokhorus, Nikanor, Timon, Parmenas ar Antiokiạren Nikolas hõko bachaokedea. Nui Nikolas do boṅgan jạtrene tahẽkanre hõ Jihudi dhorome pańjayetʼkan tahẽkana.

Aposkạmi 11:20

Menkhan onko modre adomko do Antiokiạte senkate Junạni pạrsiren hoṛko ṭhen hõ Probhu Jisu reaṅ bhage sombat porcarko dhurạuena. Noko do Kupros dip ar Kurene nagraharen hoṛko tahẽkana.

Aposkạmi 11:22

Ado Jerusalem manḍerren hoṛko noa sombatko ańjomketʼ khan onko do Antiokiạte Barnabasko kolkadea.

Aposkạmi 14:26

Ar Attaliạ khon jahajte Siriạ disạm reakʼ Antiokiạ tekin ruạṛ hecʼena. Ar oka kạmi ńitkin mucạtʼketʼ ona kạmi lạgitʼge noa Antiokiạ khonge Isorakʼ dayarekin jimạ ocolena.

Aposkạmi 15:30

Ado Pạul, Barnabas ar unkin hoṛko kolketʼkin khan onko do Antiokiạteko calaoena. Onḍe onko do manḍerren hoṛko mitʼ ṭhenko jarwaketʼkote ona ciṭhiko ematʼkoa.