Aposkạmi 10:43 - Santali Common Language New Testament

⁴³ Ar sanam nạbikoge uni reaṅ noa gohako emetʼkana, unire pạtiạukʼ mitʼke mitʼ hoṛ do uniakʼ ńutumte kại reakʼ ikạko ńama.”

সান্তালী বাইবেল

⁴³ Ar sanam nạbikoge uni reaṅ noa gohako emetʼkana, unire pạtiạukʼ mitʼke mitʼ hoṛ do uniyakʼ ńutumte kại reakʼ ikạko ńama.”

Aposkạmi 10:43 Referans Kwoze

Aposkạmi 2:38

Patrase roṛ ruạṛatʼkoa, “Kại khon mon ạcurtape ar Jisu Mạsi ńutumte bạptisokʼpe. Ar ape do dan lekate sonot Jiupe ńamea.

Romiko lạgitʼ Pạul Apostolakʼ ciṭhi 10:11

Sonot sostorreye meneda, “Jãhãege unireye pạtiạukʼ uni do bae lajao ocokʼa.”

1 Patras 1:11

Onkoakʼ ontorre Mạsiren Jiu do laharege gohae emleda je, Mạsi do duk jojom hoyokʼtaea ar ona tayom do ṭhonoke ńama. Nạbiko baḍae sanaletʼkoa Mạsiren uni Jiu do oka okte ar oka dosa reakʼ kathae baḍae ocoyetʼkoa.

Romiko lạgitʼ Pạul Apostolakʼ ciṭhi 5:1

Biswạs hotetege bon dhorom ocoakana ar ona iạtege Probhu Jisu Mạsi hotete Isor ar abo talare suluk hoeakana.

Romiko lạgitʼ Pạul Apostolakʼ ciṭhi 8:1

Okoe Jisu Mạsireko kolom mitʼakan Isor do onko sạjạyokʼ lek mente bae hudiskoa.

Johan 5:24

“Sạrigeń metapekana, Ińakʼ katha okoeye ańjom ar kol akadińicʼreye pạtiạukʼ uni do jaejug jion menakʼtaea. Uni do dusi mente bae lekhakʼa, ente uni do moron khon jionteye parom akana.

Romiko lạgitʼ Pạul Apostolakʼ ciṭhi 8:34

Ar okoe hale onko do dusi menteye ṭahraokoa? Okoeye gocʼlen ar gocʼko khone jiwetʼ beretʼ ocoyen uni Mạsi Jisu do ńitokʼ Isorakʼ jojomsa aṛere menaea ar abon lạgitʼe nehõrokʼ kana.

Aposkạmi 26:22

Menkhan Isor do teheń hạbicʼe goṛo akawạdińa ar onate nonḍe teṅgokate kạṭicʼ lạṭu sanamko ṭhen gohań emeda. Nạbiko ar Mose hõ okaṭakʼ hoyokʼgea menteko roṛakatʼ ona bahre do cetʼ hõ bạń roṛeda.

Aposkạmi 15:9

Uni do abo ar onko talare jãhãn begar do bae dohoakada, ente onkoko pạtiạu akante uni do onkoakʼ ontore sapha akatʼtakoa.

Aposkạmi 3:16

Nuipe ńelekan arpe baḍaeyede kan hoṛ do, Jisureye pạtiạuente, uniakʼ ńutumte daṛeye ńamkeda. Ar Jisu hotete oka pạtiạu hijukʼkan ona pạtiạuge uni do sanamko samaṅreye bogekedea.

Johan 20:31

Menkhan noako olena jemonpe pạtiạukʼ, Jisu do Mạsi, Isorren Hopon kanae mente, arpe pạtiạukʼte uni hotete jion tahentape.

Mark 16:16

Ar jãhãegeye pạtiạukʼ are bạptis ocokʼ unige kại khon bańcaoe ńama; menkhan okoe bae pạtiạukʼ uni do sạjạiyokʼ lạgitʼe bicạr ocokʼa.

Johan sodor 19:10

Unre iń do uni serma goḍetakʼ jaṅga ṭhen ombakʼenteń sewawadea. Menkhan uni doe metadińạ, “Noa do cetʼem cekayeda? Iń do amren são kạmiyạicʼ kạnạń. Isorge sewawaeme. Amren biswạsi boehako, okoe do Jisuakʼ cecetʼakʼko sapʼ dohoakatʼ, iń do onko modren mitʼ hoṛ kạnạń. Jisuakʼ cecetʼakʼge tahẽkana nạbikoakʼ asol katha do.”

Galathiko lạgitʼ Pạul Apostolakʼ ciṭhi 3:22

Menkhan sonot sostor do sanamkoge kại iạte dusi menteye ṭarhao akatʼkoa, jemon Jisu Mạsire pạtiạukʼko do akoakʼ ona biswạs hotete gokʼ akawatʼko reakʼ bhorko ńam daṛeakʼa.

Ibriko 13:20

Oka mãyãmte sulukren Isorakʼ jaejug bondobos doho akan ona hotete Isor do aboren Probhu Jisu Mạsi, metakʼme bhiḍikoren maraṅ gupiyicʼ do gocʼko khone jiwetʼ beretʼkedea.

Kolossiko lạgitʼ Pạul Apostolakʼ ciṭhi 1:14

Hopon tulucʼ bon kolom mitʼakante abo dobon chaḍao ocoakana, metakʼme kại ikạ bon ńam akada.

Ephesiko lạgitʼ Pạul Apostolakʼ ciṭhi 1:7

Isorakʼ bin mucạtʼ dayate Mạsi tulucʼ bon jopoṛao akante uniakʼ mãyãm hotete bon chaḍao ocoakana, metakʼme kại reakʼ ikạ bon ńam akada.

Romiko lạgitʼ Pạul Apostolakʼ ciṭhi 6:23

Kại reakʼ kuṛại do moron kana, menkhan Isorakʼ daya dan do aboren Probhu Mạsi hotete jaejug jionge.

Aposkạmi 3:18

Menkhan Isor do ḍher din lahare sanam nạbiko hoteteye roṛleda Mạsi do duk jojom hoyokʼtaea; ar Isor do ona katha nonkageye purạukeda.

Johan 1:45

Philip do Nathanaele sendra ńamkedeteye metadea, “Mose do okoeakʼ katha ạn-ạrikoreye ol oṭo akatʼ ar nạbiko hõ okoe reaṅko olakatʼ uni do alele ńam akadea. Uni do Nasareth atoren Josephren hopon Jisu kanae.”

Luk 24:47

Arhõ ol menakʼa, Jerusalem khon ehopʼkate sanam jạtko ṭhen kại ikạkʼ lạgitʼ mon ạcur porcarokʼa.

Romiko lạgitʼ Pạul Apostolakʼ ciṭhi 3:21

Isor do manwako ạn begorte cetʼlekate dhorom menteye ataṅkoa ona do ńitokʼ sodor akana. Moseakʼ ạnre ar nạbiko hõ ona reaṅ gohako emakada.