Aposkạmi 1:11 - Santali Common Language New Testament

¹¹ E Gạlilren hoṛko nonḍe teṅgokate serma secʼ do cedakʼpe beṅgetʼ akada? Okoe ape ṭhen khone rakapʼ ocoyen ar cetʼleka sermate calakʼkanpe ńelkede onkage uni doe ruạṛ hijukʼa.”

সান্তালী বাইবেল

¹¹ E Gạlilren hoṛko nonḍe teṅgokate serma secʼ do cedakʼpe beṅgetʼ akada? Okoe ape ṭhen khone rakapʼ ocoyen ar cetʼleka sermate calakʼkanpe ńelkede onkage uni doe ruạṛ hijukʼa.”

Aposkạmi 1:11 Referans Kwoze

Johan sodor 1:7

Ńelpe, uni do rimilteye hijukʼkana. Ar mitʼke mitʼ mẽtʼ do uniko ńelea; ar okoeko sobokʼ bhugạkʼlede onko hõ uniko ńelea ar dhạrtiren sanam jạtko uni iạte koṛamko ceṭagokʼa. Onage hoyokʼ ma, Amen.

1 Thessalonikikko 4:16

Ar ãṭ aṛaṅte hukum são sãote maraṅ utạricʼ goḍetakʼ hoho ar Isorakʼ siṅgạ reakʼ saḍe soṅgete Probhu do serma khone pheḍ hijukʼa. Ar okoe Mạsi tulucʼ mitʼkateko gocʼ akan onkoge pạhilreko jiwetʼ beredokʼa.

Mark 13:26

Unre hoṛko do Manwa Hopon maraṅ daṛe ar ṭhonokante rimilte hijukʼko ńelea.

Johan 14:3

Ar senkate ape lạgitʼ jaegań benaole khan arhõń ruạṛ hijukʼa ar iń ṭheniń ataṅ idipea, jemon iń okareń tahen ape hõ onḍepe tahen.

Mathae 25:31

“Manwa Hopon do acʼren serma goḍetko sãote acʼakʼ ṭhonokanteye hecʼlenre uni do ṭhonok reakʼ siṅghạsonreye duṛupʼa.

Mathae 24:30

Unre Manwa Hopon reakʼ cinhạ do sermare ńelokʼa. Ar dhạrtiren sanam gusṭirenko dukte koṛamko ceṭagokʼa. Onko do Manwa Hopon daṛe ar ṭhonokante rimilte hijukʼkanko ńelea.

Mathae 16:27

Manwa Hopon do acʼren goḍetko soṅgekate apat reakʼ ṭhonokanteye hijukʼa. Ar mimitʼ hoṛ akoakʼ kạmi lekae halawakoa.

1 Thessalonikikko 1:10

serma khon uniren Hoponakʼ hijukʼpe ńel hor akae tahen. Uni Hopongeye hoyokʼ kana Jisu, one okoe do gocʼko khone jiwetʼ beretʼkede. Ar Isorakʼ oka sạjại pheḍ hijukʼkan ona sạjại khon uni Jisuge abo doe rukhiyạ bona.

Luk 21:27

Unre Manwa Hopon do ạḍi daṛe ar ṭhonokante rimilre hijukʼkanko ńelea.

Aposkạmi 13:31

Gạlil khon okoeko uni sãote Jerusalemteko hecʼlen, onko do aema din hạbicʼ uniko ńelledea. Ar onkoge ńitokʼ do aboren hoṛko ṭhen uni reaṅ gohako emeda.

Luk 24:5

Onate maejiuko do botorteko ombakʼena. Unkin dokin metatʼkoa, “Jiwetʼicʼ do gocʼko talare cedakʼpe ńam baṛayede kana?

Aposkạmi 3:12

Unre onko do Solomonakʼ pinḍạreko tahẽkana. Ar Patras do onae ńelketʼ khan hoṛkoe metatʼkoa, “E Israelko, noa iạte cedakʼpe hahaṛakʼ kana? Ạlińakʼ daṛete se Isorakʼ bhoktite nui liń taṛam daṛe ocokedete cedakʼpe beṅgetʼ uricʼ ạliń kana?

Aposkạmi 2:7

Onko do ạḍi hahaṛayenteko menkeda, “Katha roroṛkanko do cetʼ jotoge Gạlilren doko baṅkana?

Mark 14:70

Patras do arhõe baṅkeda. Ado thoṛa ghạṛicʼ tayom sorre okoeko teṅgo akan tahẽkan onko hõ Patrasko metadea, “Khạṭige am do onko modren mitʼ hoṛ kanam, ente am dom Gạlilren kana.”

Mathae 16:28

Sạrigeń metapekana, nonḍe teṅgo akanko modre adom hoṛ menakʼkoa onko do Manwa Hopon acʼakʼ rajre ạuriko ńele hạbicʼ bako gujukʼa.”

Mark 16:19

Ado joto kathae galmaraoatʼko tayom, Probhu Jisu do sermateye rakapʼ ocoyena. Ar uni do onḍe Isorakʼ jojomsa aṛereye duṛupʼena.

Aposkạmi 1:9

Noa kathae lạiatʼko khan celako samaṅrege Jisu doe rakapʼ ocoyena ar mitʼṭen rimil reakʼ danaṅteye calaoena.

Aposkạmi 3:21

Isor do lahate leka sanamakʼ arhõe beretʼ ruạṛa mente ḍher laha khonge sonot nạbiko hoteteye roṛletʼa. Ar tin hạbicʼ acʼakʼ onako katha bae purạu unạkʼ hạbicʼ Jisu do sermare tahen hoyokʼtaea.

Ibriko 9:28

Ṭhik onkage ạdi utạr hoṛakʼ kại reakʼ bojha gokʼ idi lạgitʼ Mạsi hõ mitʼ dhãogeye dãṛẽyena. Uni do dosar dhaoe hijukʼa, menkhan unre kại ńutumte gujukʼ lạgitʼ do baṅ, bickom acʼ ńel horekanko bańcaoko lạgitʼgeye hijukʼa.