2Timothi 4:3 - Santali Common Language New Testament

³ Nonkan okteko hijukʼa tinre hoṛko do sạriakʼ reakʼ sikhnạt bako sahaoa, bickom akoakʼ sana purạu lạgitʼ nonkan aema gurukoko ḍạṅjoṅa okoe do onko kusi ocoko leka sikhnạtko emokʼ.

সান্তালী বাইবেল

³ Nonkan okteko hijukʼa tinre hoṛko do sạriyakʼ reakʼ sikhnạt bako sahao daṛeakʼa, bickom akoakʼ sana purạu lạgitʼ nonkan aema gurukoko ḍạṅjoṅa okoe do onko kusi ocoko leka sikhnạtko emokʼ.

2Timothi 4:3 Referans Kwoze

1Timothi 1:10

loṭghuṭiko, jojognako, hoṛ kiriń-ạkhrińko, eṛe katha roroṛko, eṛe goha emokʼko, sạri sikhnạt birudre eṭakʼ jãhãnakʼko kạmikan onkanko lạgitʼge noa do emakana.

Galathiko lạgitʼ Pạul Apostolakʼ ciṭhi 4:16

Ar ńitokʼ do cetʼ sạri katha roṛte aperen bạiriń hoeakana?

Luk 6:26

Hae ape do, joto hoṛ ape reaṅ bogeko roṛlere. Ente nokoren mare hapṛamkoge bhõnḍ nạbikoko sarhaoetʼkokan tahẽkana.

Johan 8:45

Menkhan sạri kathań roṛetʼte ape do bape pạtiạuạń kana.

1 Korinthiko 2:1

E boehako, ape ṭheniń senlenre ar Isorakʼ bhage sombat iń jạhirape oktere mońj katha se ạḍi akelan hoṛ leka do bạń galmarao akatʼpea.

Aposkạmi 17:21

Onko do noa iạtegeko menkeda, ente Athensren sanam hoṛko ar ona nagrahare okoe upriạko tahẽkan onko do nawa nawanakʼ babotre katha roṛ ar ańjomte okteko khemaoetʼ tahẽkana.

1 Korinthiko 2:4

ińakʼ porcar ar ińakʼ roṛre hoṛko rạmjạu ocoko leka akelte perecʼ bidiyạ hõ baṅ tahẽkana, bickom onare sonot Jiuakʼ daṛege ńelokʼkan tahẽkana,

Luk 20:19

Unre sostor baḍaeko ar maraṅ naekeko do Jisu sabeko menwana, enteko bujhạu daṛeada, Jisu do ako birudrege noako kathae roṛetʼ kana; menkhan onko do hoṛkoko botoratʼkoa.

2Timothi 1:13

Iń ṭhen khon okam ańjomakatʼ ona sạriakʼ reakʼ sikhnạt do nạmuna lekate sapʼ dohoeme; ar Mạsi Jisu tulucʼ jopoṛao iạte aboakʼ ontorre oka dulạṛ ar biswạs janamakan ona sapʼ dohojoṅme.

Jihudạwakʼ ciṭhi 1:18

Onko do noa kathako lạiape kan tahẽkana, “Okoe doko siṛog baṛayetʼ tahẽkan onko do mucạtʼ dinreko hijukʼa ar Isor bebhokti ar bạṛicʼ sanako senakʼa.”