2Timothi 3:12 - Santali Common Language New Testament

¹² Okoe Mạsi Jisu tulucʼ joṛao mitʼkate Isor bhoktite din khemaoko menjoṅkan onko do jotogeko khed ocokʼa.

সান্তালী বাইবেল

¹² Okoe Mạsi Jisu tulucʼ joṛao mitʼkate Isor bhoktite din khemaoko menjoṅkan onko do jotogeko khed ocokʼa.

2Timothi 3:12 Referans Kwoze

1 Patras 3:14

Isorakʼ sana leka calakʼre dukpe jomle khan, enḍekhan ape dope bhạgangea. Okoe duk ar kosṭoko emapekan onko do alope botorakoa se duk sasetre alope torasokʼa,

Mathae 16:24

Ona tayom Jisu do acʼren celakoe metatʼkoa, “Jãhãe ińakʼ horte hijukʼ sanayede khan uni do acʼakʼ kusi sanaleka aloe calakʼma; menkhan acʼakʼ kruse gogma ar ińe pańjańma.

Johan 16:2

Sunạgog khonko oḍok idipea; ar nonkan okte hijukʼ kana one okoe apeko gocʼpe onko doko monejoṅa, Isorgeko sewawae kana mente.

Johan 16:33

Iń do noakoń lạiatʼpea jemon iń tulucʼ mitʼ akanpe tahente monre sulukpe ńam. Noa dhạrtire ape do harkhet ar sasetre menakʼpea, menkhan khạtirokʼpe; ińge dhạrti doń jitạuakada.”

Mark 10:30

uni do niạ purire mitʼ sae doboṛ ḍher oṛakʼ-duạr, boeha-misera, eṅgat-apat, gidrạko ar ot-baṛgekoe ńama ar ona são sãote uni doe santao ocokʼa; ar hana purire jaejug jione ạidạri joṅa.

Titus lạgitʼ Pạul Apostolakʼ ciṭhi 2:12

Noa dayage aboye cetʼabon kana jemon Isor bebhokti ar dhạrti reakʼ lalockobon baṅakʼte nahakʼ jugre apnar bon sambṛaokʼte Isor bhokti salakʼ dhorom jion bon khemao,

2 Patras 3:11

Sanamakʼge nonka marao lạgidokʼkan khan enḍekhan cetʼ lekanko hoyokʼ lektapea? Ape do gagojokʼ tulucʼ Isorakʼ din koyokʼ horre tahente sonot ar Isor bhoktite jion khemao lektapea.

1 Korinthiko 15:19

Mạsire asjoṅakʼ do eken niạ jion bhorge hoelen khan enḍekhan sanam manwako modre aboge joto khon bạ̃ṛti mãyãwan lek kanabon.

Johan sodor 12:4

Uni do acʼakʼ canḍbolte sermaren pe hạṭiń reakʼ mitʼ hạṭiń ipilkoe or ạguketʼkote dhạrtiteye lebda giḍikatʼkoa. Ar okoe maejiuren gidrại hoy lạgidokʼkan tahẽkan uni samaṅre biń doe teṅgoyena jemom gidrại janam lekhangeye utʼgotʼkae.

Johan sodor 7:14

Adoń metadea, “Ńelme, ona do amgem baḍaea.” Uni doe metadińạ, “Ona maraṅ saset khon okoeko hecʼakan onko doko noko kangea. Onko do akoakʼ kicricʼko Bheḍa Hoponakʼ mãyãmte ạrupʼkateko ponḍ akatʼtakoa.

Titus lạgitʼ Pạul Apostolakʼ ciṭhi 1:1

Iń Pạul do Isorren golam ar Jisu Mạsiren mitʼṭen apostoliń hoeakana, jemon Isorre bachao hoṛko biswạs reakʼ horteń ạgu daṛeako, ar Isor bhokti sãote oka sạriakʼtetʼ menakʼ ona baḍae lạgitʼ iń goṛo daṛeako.

1Timothi 6:3

Jãhãe hoṛ judạwakʼe lại cecetʼ khan ar sạriakʼ kathako, metakʼme aboren Probhu Jisu Mạsiakʼ kathako ar Isor bhokti sikhạunako bae aṅgoc enḍekhan uni do bạḍạiteye phulạu akana.

1Timothi 3:16

Isor bhokti reakʼ sạri okoakʼ je maraṅge ona do jotokogeko aṅgoca. Ona sạritetʼ do noage, Uni do manwa lekateye sodorena; ar Jiureye dhorom ocoyena; serma goḍet do uniko ńelledea; sanam jạtko ṭhen uni reaṅ porcarlena; dhạrtiren hoṛko do unireko pạtiạuena; ar serma ṭhonokre uni doe rakapʼ ocoyena.

1Timothi 2:2

Nonka leka rapajko ar napṛakʼ hudạwanko lạgitʼ hõ koejoṅ hoyokʼa, jemon Isor bhokti ar dhoromte man salakʼ khạtir ar sulukte din bon khemao daṛeakʼ.

2 Korinthiko 1:12

Ale oka lạgitʼle sarhaokʼkan ona do noage, aleakʼ bibek do noa gohae emeda je, Isor reakʼ sonot ar soṛatetʼ iạte ale do sanam manwako talare, bạ̃ṛtikaete ape talare jionle khemao akada. Ar ona jion do jel reakʼ akelte do baṅ bickom Isorakʼ daya reakʼ ạyurtele khemao akada.

Johan 17:14

Am okakom menakawạdiń onakogeń baḍae ocoakatʼkoa. Dhạrtiren hoṛ do onkoko kurud akatʼkoa, ente iń do cetʼleka noa dhạrtiren iń baṅkan onkage onko hõ noa dhạrtiren doko baṅkana.

Mathae 23:34

Onate iń do nạbiko, ạkilanko, ar sostor baḍaeko ape ṭheniń koletʼkoa. Ar ape do onko modren adomko dope gocʼkoa ar adomko dope kruskoa. Ar adomko do apeakʼ sunạgogkorepe cạbukkoa ar mitʼ nagraha khon eṭakʼ nagrahatepe laga baṛakoa.

2 Korinthiko 4:9

khed ocokʼkan rehõle Isor do bae bạgi giḍiale kana; arle kaṛgo bindạṛ ocokʼkanre hõ bale marao akana.