2Timothi 1:15 - Santali Common Language New Testament

¹⁵ Noa dom baḍaegea, Ạsiạ disạmren sanamkoge ińko dea giḍiakadińa. Onko modre Phugelus ar Hermogenes hõ menakʼkinạ.

সান্তালী বাইবেল

¹⁵ Noa dom baḍaegea, Ạsiạ disạmren sanamkoge ińko dea giḍiakadińa. Onko modre Phugelus ar Hermogenes hõ menakʼkinạ.

2Timothi 1:15 Referans Kwoze

2Timothi 4:16

Pạhil dhaoiń bicạr ocolenre okoe hõ bako goṛo ạdiń tahẽkana, bickom sanamkogeko bạgi giḍiwạdiń tahẽkana; ona do alo baṛe lekhakʼtako ma.

Philipiko lạgitʼ Pạul apostolakʼ ciṭhi 2:21

Ente eṭakʼ sanamkoge Jisu Mạsi reakʼakʼko ńam baṅkate apnar reakʼakʼko ńam baṛakana.

Aposkạmi 19:10

Ado bar bochor hạbicʼ onkage hoe idiyena. Onate okoe Jihudi ar Junạniko Asiạ Prodesreko tahẽkan onko sanamkoge Probhuakʼ kathako ańjomkeda.

1 Korinthiko 16:19

Ạsiạ reakʼ manḍerrkoren hoṛko do apeko joharape kana. Akuilạ, ar Priskilạ do Probhure ạḍikin joharapekana, ạkinakʼ oṛakʼre menakʼ manḍerrenko salakʼ.

Aposkạmi 19:27

Noate eken aboakʼ ạsulokʼakʼ rojgar cabakʼa ona do baṅ, bickom maraṅ debi Artemis reakʼ mundil hõ ạuṛiagokʼa. Ar Asiạ disạmren sanam hoṛko, se dhạrtiren sanamkoge okoe debko sewawaekan uni hõ maraṅ do bae tahena.”

Aposkạmi 16:6

Pạul ar uni sãotenko do sonot Jiu hoteteko mana ocoyente Asiạre do bako porcarleda. Unre onko do Phrugiạ ar Galatiạ Prodes reakʼ sanam jaegateko calaoena.

Aposkạmi 20:16

Asiạ Prodeshre Pạul jemon aloe bilomokʼ onate uni do Ephesusre teṅgo baṅkate ona aṛete parom calakʼe goṭa akatʼ tahẽkana. Uni do Jerusalemte seṭerokʼ lạgitʼe usạrayetʼ tahẽkana jemon hoedaṛeakʼ khan penṭekosṭ hilokʼ do onḍeye tahẽdaṛeakʼ.

Aposkạmi 19:31

Ona disạmren adom raj kạmiyạko do Pạulren gateko tahẽkana. Onko hõ Pạul ṭhen khoborko kolketʼte uniko nehõradea jemon bạisite aloe calakʼ.

Aposkạmi 2:9

Parthiko, Mediko, Elamiko ar Mesopotamiare berelakan hoṛko, Jihudạ ar Kapadokiạren, Pontos ar Asiạren,