1 Johan 5:14 - Santali Common Language New Testament

¹⁴ Isorre aboakʼ khạṭitetʼ do noage, uniakʼ monejoṅakʼ leka jãhãnakʼ bon koe lekhan, enḍekhan uni do aboakʼ kathae ańjoma.

সান্তালী বাইবেল

¹⁴ Isorre aboakʼ khạṭitetʼ do noage, uniyakʼ monejoṅakʼ leka jãhãnakʼ bon koe lekhan, enḍekhan uni do aboakʼ kathae ańjoma.

1 Johan 5:14 Referans Kwoze

Johan 14:13

Jãhãnakʼge iń ńutumtepe koe iń do onań onkaea, jemon Babawakʼ ṭhonok Hopon hotete sodorokʼtae.

Johan 15:7

Ińrepe tahẽlen khan ar ińakʼ kathako apeakʼ ontorre tahẽnlen khan enḍekhan jãhãnakʼge sanape, onage koepe; ar ona do hoeapea.

Mathae 21:22

Ape do jãhãnakʼge pạtiạukatepe koe enḍekhan ona dope ńamgea.”

Jakob 4:3

Ape dope koeyetʼkanre hõ bape ńameda, ente bạṛicʼ monsubạ iạtepe koeyeda, jemon apeakʼ rij roṅ purạukʼtape.

Johan 9:31

Baḍaegea bon Isor do kại hoṛakʼ katha bae ańjoma. Menkhan jãhãege Isor sewa hoṛe hoyokʼ ar uniakʼ sanalekae kạmi enḍekhan Isor do uniakʼe ańjomtaea.

Ephesiko lạgitʼ Pạul Apostolakʼ ciṭhi 3:12

Mạsi tulucʼ mitʼkate ar unire biswạs hotete abo do Isor samaṅre sohosate hạjirokʼ reakʼ ạidạri bon ńamakada.

Johan 16:24

Ape do ńit hạbicʼ iń ńutumte jãhãnakʼge ạuripe koea. Koepe, adope ńama jemon apeakʼ rạskạ purạukʼtape.

1 Johan 2:28

E gidrạko, onateń metapekana, ape do Mạsirege tahenpe jemon uniye sodorokʼre dil akae bon tahen are hijukʼre uni samaṅre lajaore alo bon paṛaokʼ.

Jakob 5:16

Onate ape apere kạiko aṅgocpe ar ape ape lạgitʼ koejoṅpe, jemonpe bogekʼ. Isorakʼ sana leka okoeye calakʼkan uni do koejoṅ reakʼ daṛe menakʼtaete onae hoe ocoea.

Ibriko 10:35

Onate ape do dil alope aṛakʼ giḍitapea, ente noa reakʼ kuṛại do maraṅgea.

Ibriko 3:14

Ente pạhilre okaṭakʼ bhorsa tahẽkan, onare mucạtʼ hạbicʼ teṅgo ṭak akan bon tahẽlen khan, abo do Mạsi tulucʼ bakhradarko bon hoyokʼa.

Johan 11:42

Ińiń baḍaea am do jaoge ińakʼ katham ańjometʼtińa. Menkhan okoeko hoṛ beṛhaeteko teṅgo akan onko jemonko pạtiạukʼ amem kolakadińạ mente, ar onatege noa katha doń menkeda.

Ibriko 3:6

Menkhan Mạsi do ona gharońj reakʼ dạyike ńamakatʼ Hopon lekate pạtiạricʼe tahẽkana. Aboakʼ sạri as iạte monre oka dil ar rạskạ hijukʼ, onare mucạtʼ hạbicʼ teṅgo ṭak akan bon tahen, enḍekhan aboge Isorakʼ gharońjren hoṛ bon hoyokʼa.