1 Johan 4:9 - Santali Common Language New Testament

⁹ Abo lạgitʼ Isorakʼ dulạṛ do nonkate sodor akana, uni do acʼren eskar janam Hopon noa dhạrtiteye kolkedea jemon uni hotete jion bon ńam.

সান্তালী বাইবেল

⁹ Abo lạgitʼ Isorakʼ dulạṛ do nonkate sodor akana, uni do acʼren eskar janam Hopon noa dhạrtiteye kolkedea jemon uni hotete jion bon ńam.

1 Johan 4:9 Referans Kwoze

Johan 3:16

“Isor do manwa nunạkʼe dulạṛketʼkoa acʼren eskar janam Hopongeye emkedea, jemon unire pạtiạukʼ mitʼke mitʼ hoṛ aloko nosṭokʼ bickom jaejug jion tahentako.

1 Johan 5:11

Ona goha do noage, Isor do jaejug jione emakatʼ bona ar ona jion do acʼren Hoponre menakʼa.

Romiko lạgitʼ Pạul Apostolakʼ ciṭhi 8:32

Isor do acʼren Hopon hõ bae mãyãwadea bickom abo sanamko lạgitʼ gujukʼ tireye emkedea. Enḍekhan uni do cetʼ Hopon sãote ar sanamakʼko bae danabona?

Johan 6:57

Iń do jiwetʼicʼ Babageye kolakadińạ ar uni iạtege jiwetʼ minạńa. Onkage iń jojomicʼ hõ iń hotete jiwetʼe tahena.

1 Johan 4:10

Isor do aboge bon dulạṛ akadea ona do baṅ, menkhan unigeye dulạṛketʼ bonte acʼren Hopone kolkedea, jemon Hopon do acʼakʼ jiwiye alaete aboakʼ kạiko meṭaokate Isore kusi ocoye. Ar noa kangea dulạṛ do.

1 Johan 3:16

Mạsi do abon lạgitʼ acʼakʼ jiwiye emena, onate dulạṛ do cetʼkana mente bon baḍae oromakada. Enḍekhan boeha lạgitʼ apnar jiwi emokʼ aboakʼ hõ lek kan tabona.

Johan 10:10

Kombṛo do eken kombṛo, khũn ar nonosṭo lạgitʼe hijukʼa. Iń doń hecʼakana jemon jionko ńam, ar ona jion jemon sareṛokʼtako.

Johan 6:51

Ińge ona jiwetʼ reakʼ piṭhạ oka do serma khon pheḍ hecʼakan. Ar okoe noa piṭhại jom uni do jaejug hạbicʼ jione ńama. Ińakʼ hoṛmoge ona piṭhạ do. Manwa jemon jionko ńam ona lạgitʼ iń do ińakʼ hoṛmoń emokʼa.”

Johan 3:18

Okoe uni Hoponreye pạtiạukʼ uniakʼ do jãhãn bicạr baṅ hoyokʼtaea, menkhan okoe bae pạtiạukʼ uni do dusi kanae mente laharegeye lekha ocoakana, ente uni do Isorren eskar janam Hoponre bae pạtiạu akana.

Ibriko 1:5

Isor do jãhãtis cetʼ jãhãe serma goḍet noa kathae menakawadea, “Am do ińren hopon kanam, teheńge amren apatiń hoyena?” Arhõ uni do cetʼ noae menakada, “Iń do uniren apatiń hoyokʼa ar uni do ińren hopone hoyokʼa?”

Johan 8:42

Jisui metatʼkoa, “Isor do sạrige aperen babae hoelentape khan ińpe dulạṛkińạ, ente iń do Isor khoniń hecʼ akana ar ńitokʼ do ape talare minạńạ. Iń apnarte do bạń hecʼakana, menkhan unigeye kolakadińạ.

Luk 4:18

“Probhuren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombat iń porcarako. Ar bondi akanko ṭhen chaḍaoko reakʼ katha, kãṛã hoṛko ṭhen ńeńel reakʼ katha baḍae ocoko lạgitʼ uni doe kolakadińạ. Ar khed ocokʼkanko hõ, chaḍaoko lạgitʼe kolkedeńa.

Mark 12:6

“Ado onḍe kole lạgitʼ kisạ̃ṛren do eken mitʼ goṭengeye sarecʼena. Uni do acʼren dulạṛiạ hoponge. Ar mucạtʼre acʼren hopongeye kolkedea; are hudisana; ‘onko do nahakʼ ińren hoponko manotea.’

1 Johan 4:16

Baḍaegea bon Isor do aboe dulạṛetʼ bona, ar uniakʼ dulạṛre aboakʼ biswạs menakʼ tabona mente. Isor do acʼtetʼgeye dulạṛ kana. Ar dulạṛre okoeye tahen kan, uni do Isorregeye tahenkana ar Isor do unireye tahenkana.

Johan 14:6

Jisu do Thomae metadea, “Ińge hortetʼ, sạriakʼtetʼ ar jion. Iń hotete baṅkhan okoe hõ Baba ṭhen ohoko calao daṛelena.

Johan 6:29

Jisui metatʼkoa, “Isor okoeye kolakade unire pạtiạukʼge hoyokʼ kana Isorakʼ kạmi.”

Johan 8:29

Okoe ińe kolakadiń unige iń sãote menaea. Uni do eskar bae bạgi akawạdińạ, ente okaṭakʼ kạmiye kusiyakʼkan onage siń sạṭupʼ iń kạmiyeda.”

Johan 5:23

Baba cetʼlekako manotede onkage jemon Hopon hõko manote. Hopon okoe bae manotede, uni do kolakadińicʼ Baba hõ bae manotea.

Johan 9:3

Jisui roṛ ruạṛkeda, “Nui hõ bae kại akada, ar nuiren go-baba hõ baṅ. Noa do hoeakana jemon Isorakʼ kạmi uni bhitrite sodorokʼ.

1 Johan 5:13

Ape okoeko Isorren Hoponrepe biswạs akan, ape ṭhen iń do noakoń olkeda jemonpe baḍae daṛeakʼ, ape do jaejug jionpe ńam akada mente.