1 Johan 3:24 - Santali Common Language New Testament

²⁴ Okoe uniakʼ hukume bataoetʼkan uni do unireye tahenkana ar acʼ hõ unireye tahenkana. Ar okoeṭakʼ sonot Jiue emakatʼ bon uni sonot Jiu hotete bon bujhạu daṛeakʼa, uni do aboakʼ ontorreye tahenkana mente.

সান্তালী বাইবেল

²⁴ Okoe uniyakʼ hukume bataoetʼkan uni do unireye tahenkana ar acʼ hõ unireye tahenkana. Ar okoeṭakʼ sonot Jiue emakatʼ bon uni sonot Jiu hotete bon bujhạu daṛeakʼa, uni do aboakʼ ontorreye tahenkana mente.

1 Johan 3:24 Referans Kwoze

1 Korinthiko 3:16

Ape do cetʼ bape baḍaea, ape do Isorakʼ mundil kanape ar Isorren Jiu do apeakʼ ontorreye girobasokʼkana mente?

2Timothi 1:14

Isor okaṭakʼ rukhiyại lạgitʼe emakatʼme ona horho doho akae tahenme aboreye girobas akan sonot Jiu hotete.

1 Johan 2:6

Noa hotetege bon baḍae daṛeakʼa, abo do uni tulucʼ jopoṛao menakʼ bona mente.

1 Korinthiko 6:19

Se bape baḍaea, apeakʼ ontorre okoeye tahenkan ar okoe do Isor ṭhen khonpe ńamakade, uni sonot Jiuakʼ tahen mundilge apeakʼ hoṛmo hạṭińko kana mente?

1 Johan 4:7

Dulạṛiạ gidrạko, abo mimitʼko jemon bon dupulạṛ, ente dulạṛ do Isor ṭhen khonge hijukʼ kana. Okoeakʼ ontorre dulạṛ menakʼtako, onko do Isor khongeko janamakana ar Isorko baḍae akadea.

Johan 17:21

E Baba cetʼleka ińre jopoṛao menam ar ińhõ amre minạń onkage onko hõ jemon alaṅ soṅge jopoṛaoko tahen. Onate dhạrtiren hoṛkoko pạtiạukʼa je, amgem kolakadińạ.

1 Johan 3:22

Onate okaṭakʼ bon khojokʼ uni ṭhen khon ona dobon ńamgea, ente uni okakoe hukum akatʼ onako bon manao ar okako kạmiye kusiakʼ onako bon kạmi.

2 Korinthiko 6:16

Isorakʼ mundilre boṅga murtikoakʼ jaega do okare? Aboge coṅ jiwetʼ Isorakʼ tahen oṛakʼkan bon. Sonot sostore meneda, “Iń do ińren hoṛko talareń girobasokʼa, ar onko tulucʼ iń dãṛãna. Iń do onkoren Isorriń hoyokʼa, ar onko do ińren hoṛko hoyokʼa.”

Johan 10:38

Menkhan ińiń kạmikan khan iń bape pạtiạuạńre hõ ińakʼ kạmiko baṛe pạtiạuakʼpe. Onatepe baḍaea arpe bujhạu daṛeakʼa, Baba do ińre menaea ar iń do Babare minạńa.”

Johan 14:17

Uni sohotʼicʼ kangeae sạriakʼren Jiu do. Dhạrtiren hoṛko uni do ohoko ataṅ daṛelea, ente onko do ńelhõ bako ńelekana ar baḍae hõ bako baḍae akadea. Menkhan ape dope baḍae akadea, ente uni do ape são sãoteye tahẽkana ar apeakʼ ontorreye girobasokʼa.

1 Thessalonikikko 4:8

Onate okoe noa cecetʼakʼ bae hetawakʼ uni do manwa do baṅ, bickom okoe acʼren sonot Jiue dan akatʼpe uni Isorge bae hetawae kana.

1 Johan 2:3

Uniakʼ sanam hukumko leka bon senlen khan, enḍekhan khạṭige bon bujhạua, abo do uni bon baḍae akadea.

1 Johan 2:5

Menkhan okoe uniakʼ kathae manaoetʼkan uni do sạrige Isorakʼ dulạṛreye sạbitʼ akana. Ar jãhãye men acʼ do unire menaea, enḍekhan uni cetʼ lekae colonetʼ tahẽkan onkage acʼ hõ colon lektaea.

1 Johan 2:24

Pạhil khon okaṭakʼpe ańjom ạguakatʼ ona apeakʼ ontore tahen khan, enḍekhan ape do Hopon ar Baba tulucʼ jopoṛao akanpe tahena.