1 Johan 3:21 - Santali Common Language New Testament

²¹ Dulạṛiạ gidrạko, aboakʼ ontor bae dusile bon khan, enḍekhan Isor samaṅre aboakʼ dil do tahengea.

সান্তালী বাইবেল

²¹ Dulạṛiạ gidrạko, aboakʼ ontor bae dusile bon khan, enḍekhan Isor samaṅre aboakʼ dil do tahengea.

1 Johan 3:21 Referans Kwoze

1 Johan 2:28

E gidrạko, onateń metapekana, ape do Mạsirege tahenpe jemon uniye sodorokʼre dil akae bon tahen are hijukʼre uni samaṅre lajaore alo bon paṛaokʼ.

Ibriko 4:16

Onate dela, dil salakʼ Isorakʼ daya reakʼ siṅghạson ṭhen bon sen sorokʼma, jemon jạruṛa bon oktere onḍe khon uniakʼ daya ar goṛo bon ńam daṛeakʼ.

2 Korinthiko 1:12

Ale oka lạgitʼle sarhaokʼkan ona do noage, aleakʼ bibek do noa gohae emeda je, Isor reakʼ sonot ar soṛatetʼ iạte ale do sanam manwako talare, bạ̃ṛtikaete ape talare jionle khemao akada. Ar ona jion do jel reakʼ akelte do baṅ bickom Isorakʼ daya reakʼ ạyurtele khemao akada.

1 Johan 5:14

Isorre aboakʼ khạṭitetʼ do noage, uniakʼ monejoṅakʼ leka jãhãnakʼ bon koe lekhan, enḍekhan uni do aboakʼ kathae ańjoma.

1 Johan 4:17

Nonkatege dulạṛ do aboakʼ ontorre purạte hoeakana jemon bicạr hilokʼ dil bon ńam, ente noa dhạrtire aboakʼ jion do uniakʼ jion lekagea.

Ibriko 10:22

Onate pạtiạu talate oka khạṭitetʼ hijukʼkan, ona sạbit utạrakʼ khạṭi ontorte Isor samaṅre bon calakʼma; ente dusi bibek reakʼ ti khon aboakʼ ontor do mãyãm chiṭạukate sapha ocoakana ar phạriạ dakʼte hoṛmo do um sapha akan tabona.

1 Korinthiko 4:4

Ińakʼ bibek do saphagea, menkhan onate noa do baṅ sạbudokʼ kana je, iń doń dhoromgea. Probhuge ińakʼe bicạrtińạ.

1Timothi 2:8

Ińakʼ monejoṅakʼ do noage herel hopon do sanam jaegare edre se jhogṛa baṅkate sapha monte sonot ti tulkate jemonko koejoṅ.

Romiko lạgitʼ Pạul Apostolakʼ ciṭhi 14:22

Noa reaṅ am okaṭakʼ bhage mentem pạtiạukʼkan ona do Isor ar am talarege dohoeme. Ar bhageakʼ menkate jãhãnakʼ kạmi jokhecʼ jãhãeakʼ bibek hõ uni bako dusiye khan enḍekhan uni doe bhạgangea.

Ephesiko lạgitʼ Pạul Apostolakʼ ciṭhi 3:12

Mạsi tulucʼ mitʼkate ar unire biswạs hotete abo do Isor samaṅre sohosate hạjirokʼ reakʼ ạidạri bon ńamakada.

1 Johan 2:7

E dulạṛiạ gidrạkotiń, ape ṭhen jãhãn nawa hukum reakʼ katha do bạń oleda, bickom pạhil khonge okaṭakʼ hukum tahẽkan ona mare hukum reakʼ kathageń oleda. Ar okaṭakʼ katha lahatepe ańjomakatʼ ona kangea ona mareakʼ hukum do.

1 Johan 3:2

E dulạṛiạ gidrạko, ńitokʼ do Isorren gidrạko kana bon, menkhan tayomte cetʼ hoyokʼa ona do ńit hõ baṅ sodor akana. Menkhan bon baḍaea, Mạsiye sodorokʼre abo do uni lekage bon hoyokʼa, ente uni doe okalekanicʼ kana, ona muṭhạntege bon ńelea.