1 Johan 3:19 - Santali Common Language New Testament

^19-20 Khan noate bon baḍae daṛeakʼa, abo do sạriakʼren kana bon mente. Ona chaḍa jãhãnakʼ babotre aboakʼ ontor aboe dusi bon khan, enḍekhan Isor samaṅre aboakʼ ontorre jiwi raṛecʼ bon em daṛeaea. Isor do aboakʼ ontor khone maraṅgea ar jotowakʼgeye baḍaea.

সান্তালী বাইবেল

^19-20 Khan noate bon baḍae daṛeakʼa, abo do sạriyakʼren kana bon mente. Ona chaḍa jãhãnakʼ babotre aboakʼ ontor aboe dusi bon khan, enḍekhan Isor samaṅre aboakʼ ontorre jiwi raṛecʼ bon em daṛeaea. Isor do aboakʼ ontor khone maraṅgea ar jotowakʼgeye baḍaea.

1 Johan 3:19 Referans Kwoze

Ibriko 10:22

Onate pạtiạu talate oka khạṭitetʼ hijukʼkan, ona sạbit utạrakʼ khạṭi ontorte Isor samaṅre bon calakʼma; ente dusi bibek reakʼ ti khon aboakʼ ontor do mãyãm chiṭạukate sapha ocoakana ar phạriạ dakʼte hoṛmo do um sapha akan tabona.

1 Johan 3:21

Dulạṛiạ gidrạko, aboakʼ ontor bae dusile bon khan, enḍekhan Isor samaṅre aboakʼ dil do tahengea.

Johan 18:37

Pilạt do Jisui metadea, “Enḍekhan am do cetʼ raj kanam?” Jisui roṛ ruạṛkeda, “Am do ṭhikgem menakada, iń doń raj kana. Iń do sạri goha emokʼ lạgitʼgeń janam akana ar ona lạgitʼge dhạrtiteń hecʼakana. Ar okoeye sạriakʼren kan uni do ińakʼ kathae ańjoma.”

1 Johan 1:8

Ar abore kại bạnukʼa mentebon menle khan enḍekhan abo do apnarge bon bulạukʼ kana. Onate noage bujhạukʼ kana je, aboakʼ ontorre Isorakʼ sạritetʼ do bạnukʼa.

2Timothi 1:12

Ar ona iạte noako dukiń jomakada; ar enrehõ bạń lajaokʼ kana, enteń baḍaea okoereń bhorsa akana mente. Iń doń khạṭi akawana, uni ṭhen okań dohoakatʼ ona do Mạsiakʼ hijukʼ din hạbicʼ rukhiyạ lạgitʼ daṛe menakʼtaea mente.

Romiko lạgitʼ Pạul Apostolakʼ ciṭhi 4:21

Abraham do purạte noae pạtiạukʼkan tahẽkana je, Isor okaṭakʼe gokʼakawade ona purạu lạgitʼ daṛe do menakʼgetaea mente.

Johan 13:35

Nonkage ape apere dulạṛ tahen khan sanamkoko bujhạu daṛeakʼa ape do ińren celako kanape mente.”

1 Johan 3:14

Abo do boehako bon dulạṛetʼkote, moron khon jionte parom hecʼakana mente bon bujhạu daṛeakʼ kana. Ar okoe bako dulạṛkan onko do gocʼko talareko tahenkana.

Ibriko 11:13

Noko hoṛko do pạtiạu talate jion khemao kateko gocʼena. Isor okaṭakʼ emokʼ reakʼe gokʼatʼko tahẽkan ona do bako ńamleda, menkhan sạṅgiń khon onako ńelleda ar kusi hõko kusiyada. Noa dhạrtire bedisiạ ar upriạ lekako tahẽkan ona doko aṅgocletʼgea.

Romiko lạgitʼ Pạul Apostolakʼ ciṭhi 8:38

Iń do noa katha bes okocʼtegeń baḍaea, moron se jion, serma goḍet se Soetanren goḍet, menakʼakʼko se darakanakʼko se eṭakʼ jãhãn daṛeko,

1 Johan 2:21

Sạriakʼ bape baḍae akatʼte apeń ol ape kana ona do baṅ, menkhan ape do noa hõpe baḍaea, sạriakʼ khon eṛeakʼ do baṅ hijukʼa; ar ona iạtegeń olatʼpea.