1 Johan 3:16 - Santali Common Language New Testament

¹⁶ Mạsi do abon lạgitʼ acʼakʼ jiwiye emena, onate dulạṛ do cetʼkana mente bon baḍae oromakada. Enḍekhan boeha lạgitʼ apnar jiwi emokʼ aboakʼ hõ lek kan tabona.

সান্তালী বাইবেল

¹⁶ Mạsi do abon lạgitʼ acʼakʼ jiwiye emena, onate dulạṛ do cetʼkana mente bon baḍae orom akada. Enḍekhan boeha lạgitʼ apnar jiwi emokʼ aboakʼ hõ lek kan tabona.

1 Johan 3:16 Referans Kwoze

Ephesiko lạgitʼ Pạul Apostolakʼ ciṭhi 5:2

Mạsi cetʼlekae dulạṛaketʼ bon ar abon lạgitʼ Isor ńutumte jut so lạgitʼ samaṅokʼakʼ lekate acʼtetʼgeye emen, ṭhik onkage ape hõ dulạṛ horte taṛampe.

Johan 13:34

Mitʼṭen nawa hukumiń emape kana dupulạṛpe. Cetʼleka iń do apeń dulạṛakatʼpe onkage ape hõ dupulạṛpe.

Johan 3:16

“Isor do manwa nunạkʼe dulạṛketʼkoa acʼren eskar janam Hopongeye emkedea, jemon unire pạtiạukʼ mitʼke mitʼ hoṛ aloko nosṭokʼ bickom jaejug jion tahentako.

Romiko lạgitʼ Pạul Apostolakʼ ciṭhi 5:8

Menkhan Isor je aboe dulạṛetʼ bon ona reakʼ cinhạ do noage, kại hoṛ bon tahẽkanrege Mạsi do abo lạgitʼ jiwiye emkeda.

Johan sodor 1:5

Jisu kangeae pạtiạricʼ goha do ar gocʼko khon unige pạhil dhaoe jiwetʼ beretʼlena, ar dhạrtiren rapajkoren raj doe uni kangea. Uni do aboe dulạṛetʼbona ar acʼakʼ mãyãmte kại khone chaḍaoketʼbona.

1 Patras 3:18

Mạsi hõ kại iạte mitʼ dhaogeye gocʼlena. Isor ṭhen idibon lạgitʼ uni dhorom hoṛ do kại hoṛko lạgitʼ, metakʼme, abo lạgitʼe gocʼlena. Uni do hoṛmo secʼteye gocʼ ocolena, menkhan Jiu secʼteye jiwetʼ beretʼ ocoyena ar bondi akan jiuko ṭhen hõ senkateye porcarleda.

Mathae 20:28

Manwa Hopon do sapʼsor ocokʼ do bae hecʼakana, bickom sapʼsosor lạgitʼge, ar ạḍi uṭạr hoṛko bodolte chaḍao reakʼ dam menkate acʼakʼ jiwi emokʼgeye hecʼakana.”

Aposkạmi 20:28

Ape do apnar lạgitʼ sontor akae tahenpe, ar okoe sonot Jiu biswạsikoren horhoyicʼ lekate ape cetanreye emakan onko lạgitʼ hõ sontor akae tahenpe. Gupiyicʼ do cetʼleka acʼakʼ palren bhiḍikoe ńel todarotetʼko onkage ape hõ Isorakʼ manḍerko ńel todarotpe. Ente Isor do acʼakʼ mãyãmte onako manḍerre kirińakada.

Ephesiko lạgitʼ Pạul Apostolakʼ ciṭhi 5:25

E jãwãeko, Mạsi cetʼ leka manḍere dulạṛletʼ ar ona lạgitʼ apnare emen ṭhik onkage ape hõ aperen bạhuko dulạṛkope.

Titus lạgitʼ Pạul Apostolakʼ ciṭhi 2:13

ar aboren maraṅ Isor ar babańcaoicʼ Jisu Mạsiakʼ ṭhonok reakʼ sodorokʼ do rạskạte bon ńelhor akae tahen.

Romiko lạgitʼ Pạul Apostolakʼ ciṭhi 16:4

Unkin do ińakʼ jiwi rukhiyạ khạtirte ạkinakʼ hoṭokʼkin alaeletʼa. Eken iń eskar do baṅ, menkhan sanam boṅgan hoṛ jạtrenkoakʼ joto manḍerrenko hõ unkinko gunmanao johar ạkin kana.

1 Johan 2:6

Noa hotetege bon baḍae daṛeakʼa, abo do uni tulucʼ jopoṛao menakʼ bona mente.

Philipiko lạgitʼ Pạul apostolakʼ ciṭhi 2:17

Oka biswạs reakʼ samaṅokʼakʼte Isorpe sewawaekan onare ińakʼ mãyãm do dãṛẽ mente coḍorlen khan hõń kusikokʼa ar ape tulucʼ iń rạskạkokʼa.

Johan sodor 5:9

Onko do noa nawa sereńko sereńetʼkan tahẽkana: “Amge ona puthi hataokate mohor chapako raṛae reakʼ lek kanam, ente am dom gocʼ ocolena. Amge amakʼ mãyãmte mimitʼ bõsko, pạrsiko, disạmrenko ar jạtko mod khon Isor lạgitʼ hoṛkom kiriń akatʼkoa.

1 Patras 2:24

Krus cetanre acʼakʼ hoṛmore uni do aboakʼ kạiko reakʼ bojhae ladeana, jemon kạiko secʼ gocʼ kate Isorakʼ monejoṅ leka senakʼ lạgitʼbon bańcao tahen. Ente acʼakʼ hoṛmo reakʼ ghạlkote uni do aboe boge akatʼbona.

1 Patras 1:18

Baḍaegeape, jion horte calakʼ lạgitʼ aperen hapṛamko ṭhen khonpe ńamakatʼ bạṛicʼ colon khon sona se rupạ leka heṛokʼ jãhãn jiniste do bape kiriń chaḍao akana;

Philipiko lạgitʼ Pạul apostolakʼ ciṭhi 2:30

Mạsiakʼ kạmi lạgitʼ uni do gujukʼ dạkhille hoelena. Ar hạjir bape tahẽkante iń lạgitʼ oka bape ceka daṛeakatʼ tahẽkan ona lạgitʼ uni do acʼakʼ jiwi sudhạ emokʼ hõ rạjigeye tahẽkana.

Johan 10:11

“Boge gupiyicʼ do ińge. Boge gupiyicʼ do acʼren bhiḍiko lạgitʼ acʼakʼ jiwiye alaetaea.

1 Thessalonikikko 2:8

Apere khạndri dulạṛ menakʼtalete eken Isorakʼ bhage sombat moto do bale emapekana, bickom ape lạgitʼ apnarakʼ jiwi sudhạ emokʼ lạgitʼ hõ rạjigele tahẽkana, ente aleren do ạḍi dulạṛiạko kanape.

1 Johan 2:9

Okoe hoṛ marsalre menaea menteye menetʼkan, ar acʼren boehae kurudaekan uni do ńit hõ ńutrege menaea.

2 Korinthiko 4:12

Onate alere do morone kạmikana menkhan apere do jionge.