1 Johan 2:28 - Santali Common Language New Testament

²⁸ E gidrạko, onateń metapekana, ape do Mạsirege tahenpe jemon uniye sodorokʼre dil akae bon tahen are hijukʼre uni samaṅre lajaore alo bon paṛaokʼ.

সান্তালী বাইবেল

²⁸ E hoponińko, onateń metapekana, ape do Mạsirege tahenpe jemon uniye sodorokʼre dil akae bon tahen are hijukʼre uni samaṅre lajaore alo bon paṛaokʼ.

1 Johan 2:28 Referans Kwoze

1 Johan 4:17

Nonkatege dulạṛ do aboakʼ ontorre purạte hoeakana jemon bicạr hilokʼ dil bon ńam, ente noa dhạrtire aboakʼ jion do uniakʼ jion lekagea.

Mark 8:38

Niạ piṛhiren bepạtiạu ar kại hoṛko talare iń ar ińakʼ kathako iạte jãhãegeye lajaokʼ, enḍekhan Manwa Hopon hõ sonot goḍetko soṅgekate acʼren Apatakʼ ṭhonokanteye hijukʼre uni hoṛ iạteye lajaokʼa.”

1 Johan 3:2

E dulạṛiạ gidrạko, ńitokʼ do Isorren gidrạko kana bon, menkhan tayomte cetʼ hoyokʼa ona do ńit hõ baṅ sodor akana. Menkhan bon baḍaea, Mạsiye sodorokʼre abo do uni lekage bon hoyokʼa, ente uni doe okalekanicʼ kana, ona muṭhạntege bon ńelea.

1 Johan 3:21

Dulạṛiạ gidrạko, aboakʼ ontor bae dusile bon khan, enḍekhan Isor samaṅre aboakʼ dil do tahengea.

Kolossiko lạgitʼ Pạul Apostolakʼ ciṭhi 3:4

Okoe doe aperen jion kan uni Mạsiye sodorlenre ape hõ uni tulucʼ uniakʼ ṭhonokren bhạgiạdarko mentepe sodorokʼa.

1 Johan 2:1

E ińren dulạṛiạ gidrạko, jemon alope kại, onate ape ṭhen noako kathań olede. Ar jãhãegeye kại eman akatʼ khan enḍekhan Baba ṭhen roṛ goṛo abon lạgitʼ mitʼ hoṛ menaea; uni do Jisu Mạsige, one uni doe dhoromicʼkan.

1 Thessalonikikko 3:13

Enḍekhan uni do apeakʼ ontore kajak ocoetapea, jemon aboren Probhu Jisu do acʼren sanam hoṛko soṅgekateye hijukʼre aboren Isor ar Baba samaṅre niphuṭ ar sonotkope hoyokʼa.

1 Johan 5:14

Isorre aboakʼ khạṭitetʼ do noage, uniakʼ monejoṅakʼ leka jãhãnakʼ bon koe lekhan, enḍekhan uni do aboakʼ kathae ańjoma.

1 Patras 5:4

Enḍekhan maraṅ gupiyicʼe ńel ocokʼre ape do jit reakʼ mala lekate uniakʼ ṭhonokren bhạgiạdarkope hoyokʼa, ar ona do tis hõ baṅ mosodokʼtapea.

Johan sodor 1:7

Ńelpe, uni do rimilteye hijukʼkana. Ar mitʼke mitʼ mẽtʼ do uniko ńelea; ar okoeko sobokʼ bhugạkʼlede onko hõ uniko ńelea ar dhạrtiren sanam jạtko uni iạte koṛamko ceṭagokʼa. Onage hoyokʼ ma, Amen.

Ibriko 9:28

Ṭhik onkage ạdi utạr hoṛakʼ kại reakʼ bojha gokʼ idi lạgitʼ Mạsi hõ mitʼ dhãogeye dãṛẽyena. Uni do dosar dhaoe hijukʼa, menkhan unre kại ńutumte gujukʼ lạgitʼ do baṅ, bickom acʼ ńel horekanko bańcaoko lạgitʼgeye hijukʼa.

1 Thessalonikikko 2:19

Ente aboren Probhu Jisui hijukʼre apege cetʼ uni samaṅre aleakʼ as, rạskạ ar ṭhonok reakʼ mukuṭ dope baṅkana?

1 Korinthiko 1:7

Onate aboren Probhu Jisu Mạsiakʼ sodorokʼ reakʼpe ńel hohorkanre okaṭakʼ dante hõ bape khaṭo ocokʼkana.

Romiko lạgitʼ Pạul Apostolakʼ ciṭhi 9:33

Noa reaṅ sonot sostorre olakana, Ńelpe, Sionre tohotʼakʼ dhiri ar tạkicʼakʼ cạṭạniń dohoyeda, unire pạtiạuicʼ do baṅgeye lajao ocokʼa.

Titus lạgitʼ Pạul Apostolakʼ ciṭhi 2:13

ar aboren maraṅ Isor ar babańcaoicʼ Jisu Mạsiakʼ ṭhonok reakʼ sodorokʼ do rạskạte bon ńelhor akae tahen.

2Timothi 4:8

Onate iń lạgitʼ dhorom reakʼ jit ṭupri dohoakana. Bicạr dinre dhorom bicạricʼ Probhu do ona kuṛại lekate jit reakʼ malae danạńạ. Ar eken iń eskargeye danạńạ ona do baṅ, menkhan okoe soborikate uniakʼ ruạṛ hijukʼ reakʼko koyokʼ horakatʼ onko sanamkoe danakoa.

1Timothi 6:14

aboren Probhu Jisu Mạsi ạuriye sodorokʼ hạbicʼ ińakʼ hukumko doho idime, jemon okoe hõ aloko neṅghao daṛeam.

1 Thessalonikikko 5:23

Sulukren Isor do acʼgeye sonot utạrpema, ar aboren Probhu Jisu Mạsiye hijukʼre apeakʼ hoṛmo, mon ar jiu purạ puri bin dusạn baṛe dohoetape.

1 Korinthiko 15:23

Menkhan ona modre pạli menakʼa; pạhilre do Mạsige, ar ona tayom do Mạsirenko. Ar onko do uniakʼ seṭerokʼreko jiwetʼ beretʼ ocokʼa.

1 Patras 1:7

Noako biḍạu do hijukʼgea jemon apeakʼ biswạs khạṭi mente sạbudokʼtape, ar onate Jisu Mạsiye sodorokʼre ape do sarhao, ṭhonok ar manotpe ńama. Okaṭakʼ sona do heṛ idikʼ ona hõ seṅgelre khạṭi ocoe hoyokʼa; menkhan apeakʼ biswạs reakʼ dam do ona sona khon hõ artetʼ sorosgea.

Mathae 16:27

Manwa Hopon do acʼren goḍetko soṅgekate apat reakʼ ṭhonokanteye hijukʼa. Ar mimitʼ hoṛ akoakʼ kạmi lekae halawakoa.

Mathae 16:28

Sạrigeń metapekana, nonḍe teṅgo akanko modre adom hoṛ menakʼkoa onko do Manwa Hopon acʼakʼ rajre ạuriko ńele hạbicʼ bako gujukʼa.”

Luk 17:30

Oka hilokʼ Manwa Hopone sodorokʼ ona din hõ onkage hoyokʼa.

Ephesiko lạgitʼ Pạul Apostolakʼ ciṭhi 3:12

Mạsi tulucʼ mitʼkate ar unire biswạs hotete abo do Isor samaṅre sohosate hạjirokʼ reakʼ ạidạri bon ńamakada.