1 Johan 2:20 - Santali Common Language New Testament

²⁰ Menkhan ape do uni sonoticʼ ṭhen khonpe ojokʼ ocoakana, metakʼme sonot jiupe ńam akadea ar jotoge sạriakʼpe baḍae akada.

সান্তালী বাইবেল

²⁰ Menkhan ape do uni sonoticʼ ṭhen khonpe ojokʼ ocoakana, metakʼme sonot jiupe ńam akadea ar jotoge sạriyakʼpe baḍae akada.

1 Johan 2:20 Referans Kwoze

Johan 14:26

Uni sohotʼicʼ sonot Jiu one okoe do Baba iń ńutumteye kolape, unige sanamakʼkoe cetʼapea, ar okakoń lạiakawatʼpe onako joto doe disạ ocopea.

1 Johan 2:27

Menkhan ape do Mạsi ṭhen khonpe ojokʼ ocoakana, metakʼme sonot Jiupe ńam akadea. Uni do apeakʼ ontoreye tahena. Onate eṭakʼ okoeakʼ hõ cecetʼakʼ do baṅ jạruṛapea. Sanamakʼ reaṅ sonot Jiugeye cetʼapea. Uni doe sạriyicʼ kana, ar bae eṛea. Onate cetʼleka Mạsire tahene cetʼape onkage Mạsire tahenpe.

Aposkạmi 10:38

Ar noa hõpe baḍaegea je, Isor do Nasaretren Jisuge sonot Jiu ar daṛeteye ojokʼlede tahẽkana. Isor do uni tulucʼe tahẽkante bhageakʼkoe kạmiyetʼ tahẽkana ar Soetanakʼ tire okoeko kosṭoko ńametʼkan tahẽkan onko sanamkoe bogeyetʼko tahẽkana.

Johan 16:13

Menkhan uni sạriakʼren Jiu tinreye hijukʼa unre uni do hore udukʼapete sạriakʼreye ạyurpea. Uni do acʼte bae roṛa, menkhan okaṭakʼe ańjom onageye roṛa ar okaṭakʼ hoyokʼ lạgidokʼ ona hõe baḍae ocopea.

Ibriko 1:9

Am do dhoromem dulạṛeda ar bedhorom dom kurudakʼ kana; onate Isor, amren Isor do, amren soṅgetenko khon hõ bạ̃ṛti hulạs sunum lekae ojokʼ akatʼmea.”

1 Johan 4:13

Uni do acʼren Jiue dan akatʼ bona, ar noatege bon baḍae daṛeakʼa je, abo do unire menakʼ bona ar uni hõ aboakʼ ontorre menaea mente.

Aposkạmi 3:14

Ape do uni sonoticʼ ar dhoromicʼpe baṅkedete mitʼṭen khũniạhi aṛakʼape lạgitʼpe khojleda.

Luk 4:18

“Probhuren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombat iń porcarako. Ar bondi akanko ṭhen chaḍaoko reakʼ katha, kãṛã hoṛko ṭhen ńeńel reakʼ katha baḍae ocoko lạgitʼ uni doe kolakadińạ. Ar khed ocokʼkanko hõ, chaḍaoko lạgitʼe kolkedeńa.

Mark 1:24

Uni do ãṭ aṛaṅte hohoateye menkeda, “E Nasaretren Jisu, ale tulucʼ amakʼ do cetʼ? Nosṭole lạgitʼem hecʼ akana? Baḍaegeạń am dom okoe kana; am do Isorren uni sonoticʼ kanam.”

Johan sodor 4:8

Noko ponea jiwiyanko do hoṛo hoṛo turui goṭecʼkate phạ̃kṛạ̃kʼ ar sanam jaegakore mẽtʼkote perecʼ tahẽkantakoa. Onko do siń ńindạ mitʼ kathageko menetʼ tahẽkana, “Sanam daṛeanicʼ Probhu Isor, okoe doe tahẽkan, okoe do menaege, okoe doe hijukʼkan uni doe sonot, sonot, sonotgea.”

Johan sodor 3:7

“Philạḍelphiạ nagraha reakʼ manḍerren goḍet ṭhen noa katha olme: Okoe do sonot are sạriyicʼkan, ar okoe ṭhen Dạudakʼ choṛan menakʼ, one uniye jhicʼlere okoege bako siń daṛeakʼ are sińlere okoe hõ bako jhicʼ daṛeakʼ,

Ibriko 8:11

Apnar ato oṛakʼrenko ar apnar boehako, okoe hõ noa menkate do ar tishõ bako cetʼakoa, ‘Probhu baḍaeyeme mente,’ ente sanamkoge iń doko oromińạ.

1 Korinthiko 2:15

Okoe hoṛ doe Jiutenicʼ kan uni do jotowakʼkoe tojbijeda, menkhan okoe hõ uni do bako tojbij daṛeaea.

Luk 4:34

“E Nasaretren Jisu, ale tulucʼ amakʼ do cetʼ? Nosṭole lạgitʼem hecʼakana? Baḍaegeạń okoe kanam; am do Isorren uni sonoticʼ kanam.”

Mathae 13:11

Uniye roṛ ruạṛatʼkoa, “Ape do serma raj reakʼ okoakʼkope baḍae ocoakana, menkhan onko do baṅ emakatʼkoa.

Jihudạwakʼ ciṭhi 1:5

Ape do noako reaṅ bestegepe baḍaegea; enrehõ iń do noako kathań disạ ocoyetʼpe kana je, Misor disạm khon Israelko bańcaokate ạguko tayom okoe bako pạtiạulen Probhu do onkoe ḍahao maraoletʼkoa.