1Timothi 5:22 - Santali Common Language New Testament

²² Usạrate okoe cetanre hõ ti capokate jãhãn hudạre alom bahalea, ar eṭakʼkoakʼ kạikore hõ alom bhạgiạrikʼa, ar napaete tahenme.

সান্তালী বাইবেল

²² Usạrate okoe cetanre hõ ti capokate jãhãn hudạre alom bahalea, ar eṭakʼkoakʼ kạire hõ alom bhạgiạrikʼa, ar napaete tahenme.

1Timothi 5:22 Referans Kwoze

Ephesiko lạgitʼ Pạul Apostolakʼ ciṭhi 5:11

Ńut reakʼ bin joanakʼ kạmikore alope seledokʼa; bickom onako reakʼ dos udukʼakope,

1Timothi 3:10

Laharege biḍạu maṛaṅko hoyokʼa, ar inạ tayom bin dusạnko sạbudlen khan onko do sapʼ dapʼkoko hoedaṛeakʼa.

1Timothi 3:6

Manḍerren ạyuricʼ do nawa biswạsi hoṛ hõ alo jemone hoyokʼ, ente nawa biswạsicʼ do bạḍạiteye phulạukʼa ar Soetan reakʼ bicạrreye khańjo botecʼkokʼa.

1Timothi 4:14

Manḍerren murubiko capokateko koeyatʼme tahẽkanre nạbi lekate katha roroṛ hotete okaṭakʼ dan ematʼme tahẽkan, ona daya dan do alom ḍhilạua.

Aposkạmi 6:6

Onko do apostol ṭhenko idiketʼkoa. Ar apostolko do onko lạgitʼko koekeda ar kạmire bahalko lạgitʼ capokateko bhoratʼkoa.

2 Johan 1:11

Okoe uniye joharae uni do uniakʼ bạṛicʼ kạmi reakʼ hõ bhạgiạdare hoyokʼa.

2Timothi 1:6

Onate iń do arhõ noa kathań disạ ocoyetʼme kana, jemon ińakʼ tikin capote amre menakʼ Isorakʼ daya danem salgao aroe.

Ibriko 6:2

eṭakʼakʼ bạptisma reaṅ cecetʼakʼ, capo reakʼ, gocʼko jiwetʼ beredokʼ ar jaejug reakʼ sạjại; noako etohopʼ reakʼ kathate arhõ nawate jemon rehetʼ alo bon bạisạu.

2Timothi 2:2

Aema gohako talare ińakʼ mocate okako cecetʼakʼem ańjomakatʼ ona sapʼ dohoe lạgitʼ am do nonkan hoṛko jimạwakome one okoe do eṭakʼko hõko cetʼ daṛeako.

1Timothi 4:12

Amakʼ koṛa umer do okoe hõ aloko neṅghaotam ma. Menkhan pạtiạuko lạgitʼ nạmuna hoyokʼme, amakʼ kathare, amakʼ cạl-colonre, amakʼ dulạṛre, amakʼ biswạsre ar sonotre.

Aposkạmi 13:3

Unre onko do upạskateko koejoṅkeda arko capoketʼkinte unkinko bidạgotʼkakʼ kinạ.

Johan sodor 18:4

Ona tayom iń do serma khon ar mitʼ hoṛ roroṛ kaniń ańjomkedea, “E ińren hoṛko, ape do Babel khon oḍok hijukʼpe jemon uniakʼ kại reakʼ bhạgiạdarko alope hoyokʼ, ar okako sạjại unire ńurokʼ ona okaṭakʼge jemon alo paṛaoape.

Aposkạmi 20:26

Onate teheń pusṭạuteń lạiape kana, iń do okoeakʼ mãyãm reakʼ hõ dạyik doń baṅkana,

Aposkạmi 18:6

Menkhan Jihudiko do tinre Pạul birudre katha roṛ ar uni opomaneko ehopʼena unre Pạul do onko birudre acʼakʼ kicricʼkoe koṭakeda are metatʼkoa, “Apeakʼ mãyãm do apeakʼ bohokʼrege paṛaokʼma. Noa babotre ińakʼ jãhãn dos do bạnukʼtińạ. Ńit khon iń do boṅgan hoṛ jạtrenko ṭheniń calakʼa.”

1Timothi 3:2

Onate manḍer ạyuricʼ do nonkanicʼ hoyokʼ jạruṛa jemon okoe hõ uni do aloko dusi daṛeae. Uniren do mitʼṭen erae tahentaema. Uni do sote ar apnarte sambṛaokʼicʼ ar bhage bud akel tahen jạruṛtaea. Uni do soṛa ar peṛayicʼ hoyokʼ jạruṛtaea. Ar eṭakʼko cetʼako reakʼ daṛe hõ tahen jạruṛtaea.