1Timothi 4:8 - Santali Common Language New Testament

⁸ Hoṛmo bhańjaore thoṛa porho do ńamokʼgea, menkhan Isor bhokti do joto secʼ khon porhowanakʼ kana; onare do nahakʼ reakʼ ar darakan jion reakʼ as menakʼa.

সান্তালী বাইবেল

⁸ Hoṛmo bhańjaore porho do ńamokʼgea, menkhan Isor bhokti do joto secʼ khon porhowanakʼ kana; onare do nahakʼ reakʼ ar darakan jion reakʼ as menakʼa.

1Timothi 4:8 Referans Kwoze

Mathae 6:33

Menkhan pạhilre ape do Isorakʼ raj ar dhorom ńam maṛaṅpe. Enḍekhan ona sanamakʼpe ńama.

1Timothi 6:6

Menkhan kusi monte Mạsiakʼ dhorom biswạs lekate colonle khan do maraṅ labjoṅakʼ kangea.

1 Johan 2:25

Noa kangea jaejug jion, one okaṭakʼ Mạsi do abo emabon lạgitʼe gokʼakatʼ.

Mark 10:30

uni do niạ purire mitʼ sae doboṛ ḍher oṛakʼ-duạr, boeha-misera, eṅgat-apat, gidrạko ar ot-baṛgekoe ńama ar ona são sãote uni doe santao ocokʼa; ar hana purire jaejug jione ạidạri joṅa.

Ibriko 13:9

Aema lekan nawa nawa cecetʼakʼte bhul horte jemon aloko bulạu idipe. Aboakʼ mon do dãṛẽ samaṅ akatʼ jomakʼre tahẽ baṅkate Isorakʼ dayare jemon kajakte ṭarhao akae tahen. Okoe ona jomakʼreko ṭehãḍokʼkan tahẽkan, onko do ona jomakʼ khon jãhãn porho baṅ hoelentakoa.

Johan sodor 3:21

“Jitạukʼkate cetʼleka iń do ińren Baba tulucʼ uniakʼ siṅghạsonreń duṛupʼ akan, onkage okoeye jitạukʼa, uni do iń tulucʼ ińakʼ siṅghạsonre duṛupʼ reakʼ ạidạriń emaea.

Titus lạgitʼ Pạul Apostolakʼ ciṭhi 3:8

Noa do sạri katha kangea. Ińakʼ monejoṅakʼ do noage, am do noako babotre jor emakʼme, jemon Isorre okoeko biswạs akan onko do eṭakʼko bhạlạiko reakʼ kạmire lạgiạ paṛao akanko tahen. Noako do bhagegea ar hoṛko lạgitʼ porhoanakʼ kana.

Johan sodor 3:12

Ar okoeye jitạukʼa unige ińren Isorakʼ oṛakʼ reakʼ mitʼṭen khũnṭiń teṅgoyea; uni do tisge bahrete bae calakʼa. Iń do unire ińren Isorakʼ ńutum ar ińren Isorakʼ nagraha reakʼ ńutumiń ola. Ona nagraha do nawa Jerusalemge. Serma khon ińren Isor ṭhen khon noa nagraha do pheḍ hijukʼa. Ar okoeye jitạukʼa, iń do unire ińakʼ ńutumiń ola.

1 Korinthiko 8:8

Menkhan jomakʼ hotete Isor ṭhen do babo teṅgo ṭarhao daṛeakʼa. Ente babon jomle khan aboakʼ do cetʼ loksan hõ baṅ hoyokʼtabona; ar bon jom lekhan hõ jãhãn lab do bạnukʼa.

Romiko lạgitʼ Pạul Apostolakʼ ciṭhi 8:28

Baḍaegea bon okoe Isorko dulạṛede, metakʼme Isor acʼakʼ monsubạ leka okoekoe hohoakatʼko onko bhạlạiko lạgitʼ jotowakʼge mitʼ sãoteye kạmikana.

1 Korinthiko 3:22

baṅ do Pạul, baṅ do Apolloss, baṅ do Kephas, baṅ do dhạrti, baṅ do jion, baṅ do moron, baṅ do ńit menakʼakʼko, baṅ do tayom daramakʼko, onako sanamakʼge apeakʼkana;

Mathae 19:29

Ar iń iạte okoe do acʼakʼ oṛakʼ-duạr, se eṅgat-apat, se boeha-miserako, se gidrạko se ot-baṛgekoe bạgi oṭoakatʼ, uni do mitʼ sae doboṛ bạ̃ṛtiye ńama ar jaejug jion hõe ạidạri joṅa.

Mathae 12:32

Manwa Hopon birudre jãhãege jãhãnakʼe roṛ ona do ikạkʼtaea, menkhan sonot Jiu birudre kathae roṛlekhan baṅ ikạkʼtaea, niạ jugre hõ baṅ ar darakan jugre hõ baṅ.

1Timothi 4:7

Bhõnḍ ar alatʼ bakatʼ kạhniko khon sahaṛ akae tahenme; ente onako do haṛam ar buḍhikoakʼ benaoakʼ kạhni kana. Ona khon bickom Isor bhokti lạgitʼ hewakʼme.

1Timothi 6:3

Jãhãe hoṛ judạwakʼe lại cecetʼ khan ar sạriakʼ kathako, metakʼme aboren Probhu Jisu Mạsiakʼ kathako ar Isor bhokti sikhạunako bae aṅgoc enḍekhan uni do bạḍạiteye phulạu akana.

1Timothi 6:5

ar mon baṅgla bhat akantako hoṛko talare mitʼ talao gulmal. Noko hoṛkore Isorakʼ sạritetʼ do bạnukʼa; Mạsiakʼ dhorom pạtiạu onko do dhạrti secʼte mitʼṭen lab reakʼ upại menteko bujhạueda.

2Timothi 3:5

Onkoakʼ bahretetʼem ńelle khan Isor bhokti menakʼtakoa mentem bujhạukea, menkhan Isor bhokti reakʼ daṛege onko doko baṅetʼkana. Nonkan hoṛko khon do pharak akae tahenme.

Luk 5:38

Onate nawa darkha rasa do nawa kumrege dul dohoe jạruṛa.