1Timothi 2:8 - Santali Common Language New Testament

⁸ Ińakʼ monejoṅakʼ do noage herel hopon do sanam jaegare edre se jhogṛa baṅkate sapha monte sonot ti tulkate jemonko koejoṅ.

সান্তালী বাইবেল

⁸ Ińakʼ monejoṅakʼ do noage, herel hopon do sanam jaegare edre se jhogṛa baṅkate sapha monte sonot ti tulkate jemonko koejoṅ.

1Timothi 2:8 Referans Kwoze

Ibriko 10:22

Onate pạtiạu talate oka khạṭitetʼ hijukʼkan, ona sạbit utạrakʼ khạṭi ontorte Isor samaṅre bon calakʼma; ente dusi bibek reakʼ ti khon aboakʼ ontor do mãyãm chiṭạukate sapha ocoakana ar phạriạ dakʼte hoṛmo do um sapha akan tabona.

Titus lạgitʼ Pạul Apostolakʼ ciṭhi 3:8

Noa do sạri katha kangea. Ińakʼ monejoṅakʼ do noage, am do noako babotre jor emakʼme, jemon Isorre okoeko biswạs akan onko do eṭakʼko bhạlạiko reakʼ kạmire lạgiạ paṛao akanko tahen. Noako do bhagegea ar hoṛko lạgitʼ porhoanakʼ kana.

Jakob 4:8

Isor ṭhen sorokʼpe, enḍekhan uni hõ ape ṭhene sorokʼa. E kạiyanko, ape do apnartege saphakʼpe. E bar monan hoṛko, apeakʼ ontor khạṭi dohoepe.

Luk 24:50

Jisu do acʼren celako sãote Bethaniạ hạbicʼe calaoena. Ar onḍe uni do acʼakʼ ti tiạrkate onkoe bhoratʼkoa.

1 Patras 3:7

Onkage ape hõ E jãwãeko, ape do buj sujte bạhuko tulucʼ tahenpe. Onko do aperen nijor soṅgeten kanako, ar onko hõ ape tulucʼ Isorakʼ daya reakʼ dan lekate jionko ńama. Onate onko manotkope jemon apeakʼ koejoṅ alo akoṭokʼtape.

1Timothi 5:14

Onate iń do noań hukumape kana, kom umerren rạnḍi maejiu doko baplakʼma, arko gidrạ eṅgatokʼma, apan ạpin gharońjko ńel todarotma ar teṅgo daramicʼe oktae reakʼ jãhãn dão aloko emaema.

Aposkạmi 21:5

Onako din paromen khan ale do onkole bạgiatʼkote aleakʼ hortele mohnḍayena. Unre sanam celako ar onkoren bạhuko ar gidrạko do ale sãote nagraha bahre hạbicʼko oḍok hecʼena. Ar doreão aṛere ikhṛumentele koeyana.

Aposkạmi 10:4

Kornelius doe botorente serma goḍet secʼ beṅgetʼkateye menkeda, “Roṛme, Probhu.” Serma goḍete menkeda, “Amakʼ koejoṅ ar reṅgecʼ orecʼkom dan akokan reakʼ katha do sermate seṭer akana ar Isor do onae disạ dohoakada.

Aposkạmi 10:2

Uni do Jihudi hoṛe baṅkanre hõ Isor bhokti hoṛe tahẽkana ar acʼ gharońjren sanamkoge Isorko sewawaekan tahẽkana. Uni do reṅgecʼ orecʼko ṭaka-poesakoe dan akokan tahẽkana ar Isor ṭhen jaogeye koejoṅkan tahẽkana.

Aposkạmi 7:60

Ar ikhṛumente ãṭ aṛaṅteye menkeda, “E Probhu, nokoakʼ noa kại do alom lekhawakoa,” Ar noa menkate uni doe gocʼena.

1 Korinthiko 7:7

Sanam hoṛge iń lekako hoyokʼma! Menkhan Isor ṭhen khon mimitʼ hoṛ do apan ạpin daya danko ńamakada. Mitʼ hoṛakʼ dan do mitʼleka ar eṭagicʼakʼ dan do eṭakʼleka.

Aposkạmi 10:31

‘Kornelius, Isor do amakʼ koejoṅe ańjom akada ar reṅgecʼ orecʼkom danakokan reakʼ katha hõ uni doe disạ akada.

Johan 4:21

Jisu do uniye metadea, “Ańjomme ar ińakʼ kathare pạtiạukʼme, ente nonkan okte hijukʼ kana unre Isor Baba do noa burure hõ baṅ ar Jerusalemre hõ bape sewawaea.

Luk 23:34

Unre Jisui menkeda, “E baba, ikạkakome, ente bako baḍaea cetʼko cekayeda.” Onko do gulibãṭkate Jisuakʼ kicricʼko hạṭińana.

Mathae 21:21

Jisui roṛ ruạṛatʼkoa, “Sạrigeń metapekana, biswạs tahentape ar bape digdhạkʼ enḍekhan loa darere okań cekaketʼ ape hõ onape daṛeakʼa. Eken ona do baṅ, menkhan noa buru hõpe metakʼ, ‘uṭhạukʼte jalapurire khadlekʼme,’ enḍekhan ona hõ hoyokʼgea.

Mathae 5:44

Menkhan ińiń metapekana, aperen bạiriko dulạṛkope. Ar okoe apeko santaoetʼpe onko do koeakope.

Mathae 6:12

Ar aleakʼ kạiko ikạ katalem, cetʼ leka ale hõ ale reakʼ kạkại kole ikạ katako kan;

2 Korinthiko 2:14

Isoriń sarhaoede kana, Mạsi tulucʼ bon mitʼ akante ar Isor do acʼakʼ jitạuakʼre jaogeye ạyuretʼbon kana. Mạsi baḍaeye do mitʼṭen mahkaokʼ kan so leka. Isor do acʼakʼ jitạuwakʼre ona jut so ale hotete sanam jaegareye mahkao ocoyeda.

Philipiko lạgitʼ Pạul apostolakʼ ciṭhi 1:12

E boehako, ińakʼ monejoṅakʼ do ape jemonpe baḍae daṛeakʼ, ińre oka hoeakan ona khạtirte bhage sombat porcar reakʼ kạmiko do arhõ laha idikʼkana.

1 Thessalonikikko 1:8

Eken Makedoniạ ar Akhaea Prodes motorege ape ṭhen khon Probhuakʼ katha pasnao akana ona do baṅ, menkhan Isorre apeakʼ biswạs reakʼ katha hõ sanam jaegarege seṭer akana. Ar noa babotre aleakʼ do mementeakʼ cetʼge jạruṛ bạnukʼtalea,