1Timothi 2:6 - Santali Common Language New Testament

⁶ Uni do sanam manwako chaḍaoko reakʼ dam lekate acʼakʼ jiwigeye emena. Isore ṭhik dohoakatʼ oktere ona reaṅ goha do em akana,

সান্তালী বাইবেল

⁶ Uni do sanam manwako chaḍaoko reakʼ dam lekate acʼakʼ jiwigeye emena. Isore ṭhik dohoakatʼ oktere ona reaṅ goha do em akana,

1Timothi 2:6 Referans Kwoze

Mathae 20:28

Manwa Hopon do sapʼsor ocokʼ do bae hecʼakana, bickom sapʼsosor lạgitʼge, ar ạḍi uṭạr hoṛko bodolte chaḍao reakʼ dam menkate acʼakʼ jiwi emokʼgeye hecʼakana.”

1 Patras 3:18

Mạsi hõ kại iạte mitʼ dhaogeye gocʼlena. Isor ṭhen idibon lạgitʼ uni dhorom hoṛ do kại hoṛko lạgitʼ, metakʼme, abo lạgitʼe gocʼlena. Uni do hoṛmo secʼteye gocʼ ocolena, menkhan Jiu secʼteye jiwetʼ beretʼ ocoyena ar bondi akan jiuko ṭhen hõ senkateye porcarleda.

Galathiko lạgitʼ Pạul Apostolakʼ ciṭhi 4:4

Menkhan oktetetʼ purạuen khan Isor do acʼren Hopone kolkedea. Uni Hopon do maejiuakʼ kukhireye janamena ar ạn gobolreye harayena.

Johan sodor 1:5

Jisu kangeae pạtiạricʼ goha do ar gocʼko khon unige pạhil dhaoe jiwetʼ beretʼlena, ar dhạrtiren rapajkoren raj doe uni kangea. Uni do aboe dulạṛetʼbona ar acʼakʼ mãyãmte kại khone chaḍaoketʼbona.

1 Johan 4:10

Isor do aboge bon dulạṛ akadea ona do baṅ, menkhan unigeye dulạṛketʼ bonte acʼren Hopone kolkedea, jemon Hopon do acʼakʼ jiwiye alaete aboakʼ kạiko meṭaokate Isore kusi ocoye. Ar noa kangea dulạṛ do.

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạte saphakote eken acʼrengeko hoyokʼte eṭakʼko bhạlại lạgitʼko ahkaokʼ.

1 Korinthiko 1:6

ente Mạsi reaṅ aleakʼ goha do apeakʼ ontorre gathao akana.

1Timothi 6:15

Uni maraṅ bhạgan Isor, one uni eskar cakʼlaoicʼ ar rapajkoren raj ar Probhukoren Probhu kan, unige acʼakʼ okte nạpitre Mạsiye sodorea.

Ephesiko lạgitʼ Pạul Apostolakʼ ciṭhi 5:2

Mạsi cetʼlekae dulạṛaketʼ bon ar abon lạgitʼ Isor ńutumte jut so lạgitʼ samaṅokʼakʼ lekate acʼtetʼgeye emen, ṭhik onkage ape hõ dulạṛ horte taṛampe.

1 Patras 2:24

Krus cetanre acʼakʼ hoṛmore uni do aboakʼ kạiko reakʼ bojhae ladeana, jemon kạiko secʼ gocʼ kate Isorakʼ monejoṅ leka senakʼ lạgitʼbon bańcao tahen. Ente acʼakʼ hoṛmo reakʼ ghạlkote uni do aboe boge akatʼbona.

Titus lạgitʼ Pạul Apostolakʼ ciṭhi 1:3

Aboren babańcaoicʼ Isorakʼ hukum leka okań lại jạhiretʼkan ona hotete Isor do acʼakʼ katha ṭhik okteregeye sodor akada.

2 Korinthiko 5:21

Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoe ocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.

Romiko lạgitʼ Pạul Apostolakʼ ciṭhi 5:6

Nijor bon tahẽkanre Mạsi do ṭhik okterege be-bhoktiae manwako lạgitʼ, metakʼme abon lạgitʼgeye gocʼlena. Jãhãe dhorom hoṛ lạgitʼ okoehõ jiwi do bako em lạgidokʼa.

Johan 6:51

Ińge ona jiwetʼ reakʼ piṭhạ oka do serma khon pheḍ hecʼakan. Ar okoe noa piṭhại jom uni do jaejug hạbicʼ jione ńama. Ińakʼ hoṛmoge ona piṭhạ do. Manwa jemon jionko ńam ona lạgitʼ iń do ińakʼ hoṛmoń emokʼa.”

Mark 10:45

Disạipe, Manwa Hopon do sapʼsor ocokʼ lạgitʼ do baṅ bickom sapʼ sosorgeye hecʼakana ar ạḍi utạr hoṛkoakʼ chaḍaokʼ reakʼ dam lekate onkoakʼ jiwi bodolte acʼakʼ jiwi emokʼgeye hecʼakana.”

Johan sodor 5:9

Onko do noa nawa sereńko sereńetʼkan tahẽkana: “Amge ona puthi hataokate mohor chapako raṛae reakʼ lek kanam, ente am dom gocʼ ocolena. Amge amakʼ mãyãmte mimitʼ bõsko, pạrsiko, disạmrenko ar jạtko mod khon Isor lạgitʼ hoṛkom kiriń akatʼkoa.

Ibriko 9:12

Merom ar ḍaṅgrakoakʼ mãyãmte Mạsi do ona sonot utạrakʼ ṭhạ̃ire bae bololena. Uni do acʼakʼ mãyãmte mitʼ dhaoge onḍeye boloyena. Nonkate uni do jaejug lạgitʼ kại khon bańcaokʼ reakʼ hore tearkeda.

2Timothi 1:8

Onate aboren Probhu reaṅ goha emokʼ do alom lajaokʼa, ar uni iạte hajotre minạń, onate hõ alom lajaokʼa. Ona bodolte Isor okaṭakʼ daṛeye emakatʼme ona daṛete uniakʼ bhage sombat porcar lạgitʼ iń tulucʼ duk jomme.

Romiko lạgitʼ Pạul Apostolakʼ ciṭhi 16:26

menkhan ńitokʼ bhage sombat hotete ona do sodor akana ar ona lekage iń hõń porcareda. Ar jaejugicʼ Isorakʼ hukum leka nạbikoakʼ olakʼ hotete sanam jạtren hoṛko ṭhen ona do baḍae ocoakana, jemon onko do Mạsireko pạtiạukʼte Isorren bataokoko hoedaṛeakʼ.

Ephesiko lạgitʼ Pạul Apostolakʼ ciṭhi 1:17

Ar koejoṅ jokhecʼ apeakʼ katha do bạń hiṛińeda. Iń doń koejoṅ kana jemon aboren Probhu Jisu Mạsiren Isor, metakʼme uni ṭhonokren Baba do jiu reakʼ akel ar bujhạu lạgitʼ daṛeye danape, jemon uni do arhõ bạ̃ṛtipe baḍae daṛeae.

Ephesiko lạgitʼ Pạul Apostolakʼ ciṭhi 1:7

Isorakʼ bin mucạtʼ dayate Mạsi tulucʼ bon jopoṛao akante uniakʼ mãyãm hotete bon chaḍao ocoakana, metakʼme kại reakʼ ikạ bon ńam akada.

Ephesiko lạgitʼ Pạul Apostolakʼ ciṭhi 3:5

Ona okoakʼ monsubạ do sonot Jiu hotete cetʼleka ńitokʼ uniren sonot apostolko ar nạbiko ṭhen sodor akan, onka do eṭakʼ piṛhiren hoṛko ṭhen baṅ sodorlena.

Mark 1:15

“Okte purạu akana, Isorakʼ raj do sorakana. Kại khon mon ạcurtape ar bhage sombatre pạtiạukʼpe.”

Galathiko lạgitʼ Pạul Apostolakʼ ciṭhi 1:4

Aboren Isor Babawakʼ sanaleka Mạsi do aboakʼ kạiko iạte apnarakʼ jiwiye emkeda, jemon noa bạṛicʼ piṛhirenko khone rukhiyạ bon.