Yaheiya 14:10 - Hudani Kielien

¹⁰ Bi Adai sudoro wo, Ada mii sudoro bikui chi xianxin ulie gienu? Bi tande kieliesan kielienshi bi goyane kieliesan pusho. Mii sudoro sousan Adami goya wiliene giezho.

Yaheiya 14:10 Referans Kwoze

Yaheiya 5:19

Ersa hhelade kieliewo, "Bi tande shuhuajia kielieye. Kewon goyane kouizhi yama gie dane. Zinie Ada giesanyi uzhedene giezho. Ada giesan wilielai Kewon ye giene.

Yaheiya 10:38

Bi giese ta mii xianxin ulie gieliuzhe bi giesan shiqinlai xianxin gie. Ingiese Adami mii sudoro wo, bi Adane sudoro bikui ta qinchude mejiene."

Tujila 10:38

Nasale kun Ersade Huda Shenlin, nenlini olon ogiwo. Huda hheghala hhantushi hhe gochude yozhi gouni giezho. Ibilisi heisanlai man uzhezhi goudaghawo.

Yaheiya 12:49

Bi kieliesanshi goyane sumulazhi kieliesan pusho. Mii peizhi ireghasan Adami made minlin ogizhi mii yan kielieghase bi yan kieliezho.

Yaheiya 10:30

Bi Adaghalaneshi nie wo."

Yaheiya 8:28

Ingiese Ersa kieliewo, "Ta Kunnikewonyi qila qiighakude bishi hhe enbekui mejiene. Bi goya isighalane uye giezho, Adami sughasan mutun kieliesei ta mejiene.

Geloxi 2:9

Hudai soyuji tejienla kunni beyeghala iresan Mexihani jiere man wine.

Yaheiya 17:8

Chi made ogisan kielienyi bi hhelade ogise hhela jienliewo. Hhela bishi chii hhense iresanyi mejiewo. Chi mini peizhi ireghasanyiye xianxin giewo."

Yaheiya 5:17

Ersa hhelade kieliewo, "Adami izhi eli kutula wilie giezho, biye giezho."

1Yaheiya 5:7

Ganzhen beisanshi ghuran wo.

2Gelindo 5:19

Eneshijiu Huda duyai kunlai zuini ese asadene Mexihai tungo giezhi goyarene goudaghazho. Pse goudaghaku daolini matande jiuizhi ogiwo.

Yaheiya 8:38

Bi Adane hhense chujieghesei kieliezho. Ta adane hhense chenliesei giezho."

Geloxi 1:19

Huda bayasuzhi hulunnine man hhei sudoro teizhi

Yaheiya 14:20

Hhe niudu kuse bi Adai sudoro wo, ta mii sudoro wo, biye tai sudoro bikui ta mejiene.

Yaheiya 7:16

Ingiese Ersa kieliewo. "Bi sughasanshi minughun pusho. Mii peizhi ireghasan hhenughun wo.

Yaheiya 8:40

Bi Hudai hhense chenliesan zhendaoi tande kieliese, ta mii alane giezho. Eneshi Iburaheimu gieku wilie pusho.

Yaheiya 11:26

Kun amitu bikude mii xianxin giese chanqi ulie fugune. Chi eneni xianxin gienu?"

Yaheiya 3:2

Ene kun xienidei Ersai ochirale ire hhende kieliewo, "Labi, chi Hudai hhense iresan loushi bikui bijien mejiene. Huda chighala hhantu wise chi giesan ghudureqini kiemada gie dane."

Yaheiya 14:11

Bi Adai sudoro wo, Ada mini sudoro wo giesan ene kielienyi ta xianxin gie. Xianxin gie dase bi giesan wilielani uzhedene xianxin gie.

Yaheiya 14:24

Made ulie orechen kun mini kielienyi ulie zunjine. Ta sonosusan kielienshi minughun pusho, mini peizhi ireghasan Adaimi kielien wo."