Xibolai 6:1 - Hudani Kielien

^1-2 Ingiese matan Mexihani daolii kaishi giekui khuinane jiedene, fugughaku wilielai geizhen gieku, Hudai xianxin gieku, xilini surughaku, kha teizhi onxian gieku, fugusan kun aminne oluku, zuihou shenpan gieku enezighan jichulai pse bu daidene hulunshikude daiye.

Xibolai 6:1 Referans Kwoze

Xibolai 9:14

Mexiha chanqiku Ruhherni tungo giezhi goyane goujida zannan wizhi Hudade ogise hhei chusun fugughaku shiqinse tai lianxinni zhiguishighazhi tai chanqiku Hudai genjia ulie shunjighanu?

2Gelindo 7:1

Ingiese mii orentula, matande enezighan dain giesan bise beye, zhughe jieredu zannannilane waghazhi man widaghadene Hudai zunjiku zhugheghala onqienji zhiguishighaye.

Tujila 26:20

xien Damashigede, pse Yelusalende, Yudayani go oronlade, niman kunlade chonjizhi geizhen giedene Hudade shunjizhi geizhen giesan shiqinne giezhi uzhegha giewo.

Xibolai 12:13

Kondene oluzhi moni giezhi zhidagha, ingiese dogholosan shighara ulie banjizhi goudane.

Matai 21:32

Yaheiya tai hhende irekude gou moni uzheghazho. Ta hhei xianxin ulie giene, shui shanjisan kun, biozila hhei xianxin giezho. Ta hhela xianxin giesei uzhedene dou geizhen ulie giezhi xianxin ulie giene."

Xibolai 7:11

Isilie kunla Liwi paini buwai zhidui doura guijinni jienliewo. Ene zhiduni tungo giezhi hulunshise yale Hharuneni zhidui ese daghadene Maijixidei zhidui daghasan da nie buwai khizheghazho?

Ifuso 4:12

Ingiezhi giekushi Mexihani wiliede oluzhi shentulai goude zhunbei gieghadene Mexihani beyeni hendaghane giezho.

Yaheiya 12:44

Ersa fugiede kieliewo, "Kunla mii xianxin giese zinie mii xianxin giesan pusho, mii peizhi ireghasan hhei xianxin giezho.

Yaheiya 5:24

Bi tande shuhuajia kielieye, kien mii kielienyi chenliezhi mii peizhi ireghasan hhei xianxin giese chanqiku amin wine. Zui ulie soughane, fugukuse amitude ijin ireghawo."

Matai 3:2

"Ta geizhen giendu, asiman gojia chadashiwo!"

1Qimotai 3:16

Matanyi xinyanni mimi chijia wo. Enende yama kieliekuni uwo. Hhe kunni beyeghala khizhewo. Shenlin ganzhen beizhi hheshi gundanni wo giezho. Qienxienla hhei chanlawo. Hhei olon minzulade chonjidene Duyani kunla xianxin giewo. Famani dunda jienlie khireiwo.

2Gelindo 7:10

Zhao Hudai isi mutun nango giese houhui ulie giezhi geidene jiuine. Duyai nango gieku kunyi fugughane.

2Qimotai 2:19

Ingieliuzhe Hudai khidun jichu tashi undan wo. Jiereni, "Ezhan kienshi hhenughun bikui mejiene." pse, "Kien Ezhanyi nierei waradase gou winise likai gie." giezhi huaizho.

Tujila 20:21

Pse Yutai kun, Xila kunlade ganzhen beizhi Hudai melie geizhen giedene mai Ezhan Ersai xianxin gie giewo."

Tujila 11:18

Hhela ene kielienyi chenliedene yama ese kieliezhi qinse Huda niman kunladeye geizhen giezhi amin ireku jihui ogiwo giezhi Hudai kuaizho.

Tujila 3:19

Ingiese ta geizhen giezhi Hudai miende khareizhi irendu. Tai zuini widaghane.

Yaheiya 14:1

"Ta zhughedene nango bu gie. Ta Hudai xianxin gie, miiye xianxin gie.

Make 6:12

Shitula khizhi echidene kunlade, "Geizhen gie!" giezhi chonjizho.

Make 1:1

Hudai kewon Ersa Mexihani gouxioxi ingiezhi kaishi giezho.

Matai 4:17

Hhe shihouse kaishi giezhi Ersa chonjizhi kieliewo, "Ta geizhen giendu. Asiman gojia chadashiwo."

1Yaheiya 4:12

Kun Hudai uzhezhi ese daozhoma, matan nieniedene orese Huda mai sudoro beizho. Hhei oreku mai dunda chengun oluwo.

1Beduru 1:21

Ta Mexihai tungo giezhi hhei fugusan kun dundase aminne olughazhi hhende kuaikui ogisan Hudai xianxin giezho. Ingiese ta xianxin giesan, panjisanne man Hudade kouizho.

Yagebu 1:4

Ta rennaini xiogoni man khizhegha. Ingiese ta fugiedazhi hulunshidene yama ulie chaine.

Xibolai 11:6

Xianxin gieku wise Hudai bayasugha dane. Hudai melie irechen kun ijinyo Huda winekui xianxin giezhi hhei ereisan kunlade jianli ogikui xianxin giekui wo.

Geloxi 4:12

Mexiha Ersade hoji danlasan tai hhendeduku kun Ibafu tande kielien asazho. Hhe chan tande oluzhi xiacha giezhi onxian giese ta Hudai isi jiere man hulunshizhi xianxin gieku duruzhi beizhi undanlase giezho.

Geloxi 1:28

Bijien hhei chonjizhi olon aghelighala jien kunyi jingao giezhi jien kunde surughakushi jien kunyi Mexihai miende hendaghazhi Hudai melie beilaghane giezho.

Ifuso 2:5

matan codasan dunda fugukudeni matanyi Mexihare hhantu aminne olughawo. Tai jiuikushi nenjienghala wo.

1Beduru 5:10

Nenjien durusan Huda, Mexihai tungo giezhi tai uruzhi hhei chanqiku famade ireghasan hhe zhanshi jiere shouku giesan tai qinsi hulunshighazhi khiduzheghane, lilian ogizhi undanlaghane.

Ifuso 2:1

Eqighandei ta codasan dunda zui dundane fuguzho.

1Gelindo 13:10

hulunni irese ezighanla man widane.

Tujila 17:30

Melieshida kunla mejie dazhi giesei ese gonjiwoma, ede Huda gochui kunlade fenfulazhi geizhen gie giezho.

Tujila 2:38

Beduru kieliewo, "Ta man geizhen giendu. Ersa Mexihai niereghala xilii jienliedene tai zuini mienlie gie. Ingiese Huda ogine giesan Shenlinni ta jienliene.

Matai 7:25

Ghura bou, fugie usu chunji, kei hende feiliezhi eghiliuzhe gieni ulie enbereine. Gieni jigunni fugie tashi jiere giezho.

Matai 5:48

Ingiese asiman jieredu Adatai onqien biku mutun taye onqienshi."

1Qimotai 6:19

Ingiese goyadene oluzhi jianlaide boubei sunjizhi undan jichu daidene zhenzhenji aminyi barei shidane.

Lujia 6:48

Hhe hoxian nie goude gie beighasan kunyi xianli. Zeminni waizhi gundaghadene jigunni fugie tashi jiere giezho. Fugie usu irezhi gieni chunjiliuzhe ulie gojiolune.

Matai 21:29

Kewonni kieliewo, 'Bi ulie echine.' Khuinashida houhui giedene echiwo.

1Gelindo 2:6

Ingiezhoma, xinyan jiere qiendasan kunlade bijien aghelini jianjizho. Eneshi duyai agheli pusho, duyai qienlini bareizhi widachen kunlai agheliye pusho.

Geloxi 3:14

Enelase chugo orekui musi. Oreku manlai lienjighazhi hulunshighane.