Tujila 3:23 - Hudani Kielien

²³ Kien ene xienzhii kielienyi ulie chenliese Huda bexinlane dundase widaghane giezho.

Tujila 3:23 Referans Kwoze

Yaheiya 12:48

Mii ulie kerechen, kielienyimi ulie jienliechen kunni panjiku wine. Bi kieliesan kielien duya barakude hhei panjine.

Mejieghasan 20:15

Kienyi niere aminni benzi jiere uwoshi hhei khantu hude bendawo.

Xibolai 12:25

Ta xioxin giezhi tande kielien kieliesan hhei fandui bu gie. Eqighandei Isilie kunla zemin jiere goyalai jingao giesei fandui giedene zuise anda dazho, asiman jierese matanyi jingao giesei fandui giese matan zuise matugie andane?

Xibolai 10:39

Matanshi khuina tuidene widachen kun pusho, xianxin gieku bizhi jiuisan kun wo.

Mejieghasan 13:8

Jien zemin jiere sousan, niereini duyai zhayaghasanse alasan ghoni ghughanyi aminni jilasan benzi jiere ese jilasan kunla man hhei beiine.

Xibolai 2:3

Ingiese matan imekie fugie jiuikui yamacha ulie teise matugie faikuse andane? Ene jiuikushi Ezhan xien qinsi kieliesan wo, khuinashi Ezhanse chenliesan kunla matande zhenmin giewo.

Yaheiya 8:24

Ingiese ta zui dundane fugune giezhi bi kieliewo. Ta bishi hhe enbekui xianxin ulie giese zui dundane fugune."

Make 16:16

Xianxin giezhi xilii jienliese jiuine, xianxin ulie giese zui jinjine.

Tujila 2:41

Hhei kielienyi xianxin giesan kunla xili jienliewo. Hhe niudude xianxin giesan kun chabudu 3000 olodowo.