Tujila 3:20 - Hudani Kielien

²⁰ Ingiese futanni shihou Ezhanyi hhense irene. Huda eqighanse jinjisan Mexihai tande oluzhi ireghane. Hheshijiu Ersa wo.

Tujila 3:20 Referans Kwoze

Mejieghasan 1:7

Uzhe, hhe olien jiere irene. Jien kunla hhei uzhene. Hhei chujisan kunlaye uzhene. Duya jieredu minzula man hhei yenyinzhe wilane. Shuhuajia ingiene. Amine!

2Qiesalonijia 2:8

Ingiedene hhe fugie zuitu xienji khizhene. Ezhan Ersa amanne hoghala hhei widaghane, ireku gonqighala hhei fugughane.

2Qiesalonijia 2:2

Ezhanni udu ijin kuzhewo giezhi kunla kieliese ta suibien bu gojioluzhi bu jinda. Hhelade kenen Shenlin mejieghazho, loushila jianjizho, pse shitulai xin wo giezhi maochun giene.

Lujia 19:11

Kunla zhen chenliekude Ersa Yelusalense chadashiwo. Kunla sumulazhi Hudai gojia ede kuzhewo giezho. Ingie Ersa nie bilazhi kieliewo.

Xibolai 9:28

Mexihaye olon kunlai zuini danjine giezhi goyane niefade sidagha giewo. Jianlai ji 2 hui xienjizhi khizhezhi zuini danjikughala gonxi widene hhei hende sagheisan kunlai jiuine.

Tujila 17:31

Huda sunghusan hhe kunghalane duyai gundande panjiku udui ijin jinji goudaghawo. Hhe kunyi fugusan kun dundase aminne olughazhi soyuji kunlade xianxin gieku zhenmin ogiwo."

Lujia 21:27

Ingiekude Kunnikewon nenli, famanude olien jierese irekui kunla chanlane.

Make 13:26

Ingiekude Kunnikewon fugie nenlighala famade olien jierese irekui kunla chanlane.

Matai 24:3

Ersa Ganlanshande soukude tujila konkonji ire asazho, "Yan xienzide ene shiqinla fashen giene? Chi irezhi duya barakude yan zunji bikui bijiende nie kielie."

Matai 16:27

Kunnikewon qienxienlarene hhantu hhei adani fama dunda irene. Ingiekude zhao kunni giekughala jien kunde kharulune.

Tujila 3:19

Ingiese ta geizhen giezhi Hudai miende khareizhi irendu. Tai zuini widaghane.

Tujila 3:21

Zhen Huda eqighandei zhiguitu xienzhilane tungo giezhi kieliesan mutun duyani cunxin goudaghaku shihou olutula Ersa Mexiha bixi asiman jiere feiliene.