Tujila 2:33 - Hudani Kielien

³³ Huda hhei undudaghazhi borun miendene soughawo. Ada dain giesan Shenlinni hhe jienliedene kie bouzheghawo. Eneshi ta chujieghezhi sonosusan wo.

Tujila 2:33 Referans Kwoze

Tujila 1:4

Ersa hhelare hhantulakude fenfulazhi kieliewo, "Ta Yelusalense likai bu giezhi bi tande kieliesan mutun Ada dain giesei saghei.

Tujila 5:31

Huda hhei undudaghazhi borun miendene khighawo. Hhei honshan, jiuichen danlaghazhi Isilie kunni geizhen gieghazhi zuini mienliene giezho.

Tujila 2:17

'Huda kieliewo, Duya baraku xienzide bi Shenlinne jien kunlai jiere kiene. Tai kewon, oqinla mini kielienyi kieliene. Tai nasuchighan kunla zhoujin mutun chanlane. Tai oqio kunla zhoujin zhoujiliene.

Yaheiya 14:26

Banjichen giezhi urusan Shenlin irese shiqinlai man tande surughane, bi tande kieliesan kielienlai man sumula ireghane. Hheshi Ada mini niereghala peizhi ireghasan wo.

Make 16:19

Ezhan Ersa hhelade kielie baludene hhei asiman jiere jienlie khirei Hudai borun miende soughawo.

1Beduru 3:22

Ersa asiman jiere khireizhi Hudai borun miende wo, qienxien, qienlitu, nenlitula man hhende shunjizho.

Jialatai 3:14

Ingiedene Iburaheimude ogisan fuqi Mexiha Ersai tungo giezhi niman kunlade kuruwo, matan xianxin giekui tungo giezhi dain giesan Shenlinni jienliewo.

Tujila 10:45

Bedurughala hhantu iresan Yutaini Mexihai xianxin giesan kunla Shenlinni nenjien niman kunlai jiere kie bouzhese ghanirakushi

Matai 28:18

Ersa melie ire hhelade kieliewo, "Asiman, zemin jieredu qienlilani man made ogiwo.

Yaheiya 14:16

Bi Adasene xiahua giezhi tande da nie banjichen ireghaye. Hhe tanre chan hhantula gie.

1Beduru 1:21

Ta Mexihai tungo giezhi hhei fugusan kun dundase aminne olughazhi hhende kuaikui ogisan Hudai xianxin giezho. Ingiese ta xianxin giesan, panjisanne man Hudade kouizho.

Xibolai 10:12

Zinie Mexiha 1 huide zui shuiku sidagha giezhi chanqi zoin khizheghazho. Ingiedene Hudai borun miende souzhi

Loma 5:5

Xiwon matai ulie kushidaghakushi Huda matande ogisan Shenlinni tungo giezhi orekune matai zhughede kie durughawo.

Qido 3:6

Huda mai jiuichen Ersa Mexihaghala Shenlinyi matanyi jiere zhengiejia olon kiewo.

Ifuso 4:8

Ingiese jinwun jiere kieliezho, "Hhe undude khireikude olon duitoulane barei khireiwo, kunlade nenlilai ogiwo."

Yaheiya 17:5

Ada, ede chii melie made famani ogi. Duyase melie matan hhantu xianshou giesan famani made ogi."

Yaheiya 15:26

"Bi Adane hhense banjichenyi peizhi ireghane. Hheshi Adai hhense iresan zhendaoni ruhher wo. Hhe irese made ganzhen beine.

Lujia 24:49

Adami dain giesan hhei bi tai jiere peizhi ireghane. Asiman jierese Hudai nenli tande olon iretula ta ene chenshide saghei."

Ifuso 1:13

Taye zhenzhenji daoli, jiushi tai jiuiku gouxioxii chenliedene Mexihani xianxin giese Huda dain giesan Shenlinni tande ogizhi zhanzi taiwo.

Xibolai 2:9

Matan chanlasanshi qienxienlase zhanshi jiere boghonidasan Ersa wo. Hhe fuguku kui shouidene fama, zhiguitu maghalai zhowo. Hudai nenjienghala jien kunlade oluzhi fuguzhi daozho.