Tujila 15:22 - Hudani Kielien

²² Ingiedene shitu, zhanlao, jiohuini kunla hhelai dundase kun sunghuzhi Baolo, Banabare hhantu Anqiyade echighane giezhi jiejin giewo. Sunghusan kunshi Basaba giesan Yuda, pse Seila wo. Ene ghualashi jiohuini zhanlao wo.

Tujila 15:22 Referans Kwoze

Tujila 15:27

Ingiese bijien Yuda, Seilaghalai peizhi tande qinsi ene shiqinlai kielieghane.

Tujila 15:40

Baolo Seilai sunghusenu gaijiula hhelai Ezhanni nenjiende jiuizhi ogise yo qiiwo.

1Beduru 5:12

Bi Seilai tungo giezhi ene okho xinni tande huaiwo. Bi uzhese hheshi nie kekaotu gaijiu wo. Bi xin huaikushi eneshi Hudai zhenzhenji nenjien wo giezhi tande sughazhi kieliezhi ganzhen beine giezho. Ta ene nenjien jiere bei.

2Qiesalonijia 1:1

Baolo, Seila, Qimotai ghurulie mai Ada Huda, Ezhan Ersa Mexihai miendedu Qiesalonijiai jiohuide xin huaizho.

1Qiesalonijia 1:1

Baolo, Seila, Qimotai ghurelie Ada Huda, Ezhan Ersa Mexihai xianxin giesan Qiesalonijiai jiohuide xin huaizho. Tande nenjien, pinnan ogi gie!

Tujila 18:5

Seila, Qimotaighala Maqidunse iredene Baolo zhomen Hudai kielienyi chonjizhi Yutai kunlade, "Ersashi Mexiha wo." giezhi ganzhen beizho.

Tujila 15:32

Yuda, Seilaghalashiye xienzhi wo. Olon kielienghala gaijiulade surughazhi hhelai xianxin giekuni khiduzheghawo.

Tujila 1:23

Ingiedene hhela sunghune giezhi ghua kunyi khizheghawo. Nieshi Yusufu wo. Hhei Basabaye giene, Yushidu giezhiye uruzho. Da nieshi Maqiya wo.

Tujila 17:14

Ingiese gaijiula deigo Baoloi haibienzide echighawo. Seila Qimotaighala yen Biliyade feiliewo.

Tujila 17:10

Xienidei gaijiula Baolo Seilaghalai deigo Biliyade echighawo. Ghuala kudene Yutai kunlai huitande echiwo.

Tujila 17:4

Hhelai dunda ezighan kunlai kielie shundaghase Baolo Seilai daghazho. Pse Hudai beiisan olon Xila kun, minshentu biereilaye olon daghazho.

Tujila 16:29

Sagheisan kun zhulai kerezhi ire, jiuli bou, pugharazhi Baolo Seilani melie papalawo.

Tujila 16:25

Banye olukudeni Baolo Seilaghala onxian giezhi Hudade doulazho. Fanrenlaye chenliezho.

Tujila 16:19

Hoji oqinni loubanla uzhese baer ireku xiwon widase Baolo Seilaghalai bareidene geidoude khirei noyenyi shida lai echighawo.

Tujila 15:25

Ingie dajiala tunyigie giedun kun sunghu peizhi bijien oresan Banaba, Baolore hhantu tai hhende echighawo.

Tujila 15:23

Ingie hhelade bareighasan xin jiere kieliezho, "Ersai sudoro gaijiu danlasan shitu, zhanlaola Anqiya, Xiliya, Jilijiadedu xianxin giesan niman gaijiulade kielien asazho."

Tujila 11:22

Ene xioxi Yelusalenni jiohuii kunlai chighinde echiwo. Ingie hhela Banabai peizhi Anqiyade echighawo.

Tujila 8:14

Shitula Yelusalende bikude chenliese Samaliya kunla Hudai kielienyi jienliewo giese Beduru Yaheiyaghalai hhelai hhende echighawo.

Tujila 11:19

Ene shihoude Siqifanni shiqin jiere biisan kunla sandazhi Feiniji, Saipulusi, Anqiyade echidene zinie Yutai kunlade Hudai kielienyi jianjizhoma,

Tujila 11:20

Saipulusi, Gulinaise iresan niezhan kunla Anqiyade kurudene Xila kunladeye Ezhan Ersai gouxioxii jianjizho.

Tujila 11:27

Hhe xienzide giedun xienzhila Yelusalense Anqiyade bouzhi irewo.

Tujila 15:3

Ingiese jiohuini kunla hhelai khughowo. Hhela Feiniji, Samaliyani daokude niman kunla Ersai xianxin giesei kieliese hhendedu gaijiula man hende bayasuzho.

Tujila 15:30

Hhelani peizhi Anqiyade bou, xianxin giesan kunlai uruzhi hhantulagha xinni jiuizhi ogiwo.

2Gelindo 1:19

Bi, Seila, Qimotai ghuralie tai dunda chonjisan Hudai kewon, Ersa Mexihashi enbene giekude pusho giekui pusho. Hhende zinie enbekui wine.