Tujila 13:39 - Hudani Kielien

³⁹ Musai guijinghala giese gounide sana danema, Ersai xianxin giesan kunlai man yanseliuzhe gounide sanane.

Tujila 13:39 Referans Kwoze

Jialatai 2:16

Kunyi gounide sanakushi guijinni zunjikughala pusho, Ersa Mexihani xianxin giekughala bikui matan mejiene. Matanye Mexiha Ersai xianxin giekushi guijinni zunjikughala pusho, Mexihai xianxin giekughala gounide sanaghaku wo. Kiemada guijinni zunjizhi gounide sanasei uwo.

Loma 10:4

Mexihashi guijinni uzhu wo. Jien xianxin giesan kunlai gounide sanane.

Loma 8:3

Kunde lilian wiku yenyinghala guijin gie dakui Huda giewo. Huda zuini widaghane giezhi Kewonne zuitu beyeni yanzighala peizhi ireghadene zuini kunlai ese gonjighawo.

Xibolai 7:19

Guijin yamai ese hulunshighawo. Pse niemande kieliese matande gou xiwon irezho. Ene xiwonyi tungo giezhi matan Hudai shigha shidane.

Loma 10:10

Kun zhughedene xianxin giese gounide sanane, amandene chenren giese jiuine.

Loma 8:1

Ingiese ede Mexiha Ersai miendedu kunlade zui jiedui ulie jinjine.

Loma 4:15

Guijin Hudai hokukuni ireghazho. Guijin wise guijinyi fanjiku shiqinye uwo.

Loma 3:19

Guijinshi guijintu kunlade kieliesei matan mejiene. Ingiedene soyuji kunlai amanni menjighazhi qienxiani kunlai man Hudai panjikude ireghane.

Loma 5:20

Guijin iredene zui olodozhoma, zui olodosan oronde nenjien genjia fugiedazho.

Loma 5:9

Ede Mexihai chusunyi tungo giezhi matai gounide sanawo, hhe Hudai hokusanse matai genjia jiuine.

Yaheiya 1:17

Guijinshi Musase irezho. Nenjien, zhennishi Ersa Mexihase irezho.

Xibolai 10:11

Jien buwala niudunie beidene wilie giezhi niekielienji sidagha giezhoma, eneghala zuini ibeizi widagha dane.

Xibolai 10:4

Jieniu, imanni chusun zuini widagha dane.

Loma 5:1

Ingiese matan xianxin giekughala gounide sanase matan mai Ezhan Ersa Mexihai tungo giezhi Hudare goudazho.

Loma 4:24

matandeye huaizho. Mai Ezhan Ersai fugusan kun dundase aminne olughasan Hudai xianxin giesan maiye gounide sanane.

Tujila 10:43

Xienzhila man hhende ganzhen beizhi kieliewo, 'Hhei xianxin giesan kunla hhei niereghala zuini mienliene.'"

Jialatai 5:3

Bi pse jien hetoune giesan kunlade jingao gieye. Tande guijinni man zunjiku zheren wine.

Jialatai 3:8

Niman kunlai xianxin giekughala Huda gounide sanakui jinwun jiere melie kieliezho. Ingie eqighanse Iburaheimude gouxioxini chonjizhi kieliezho, "Chii tungo giezhi soyuji minzulade fuqi irene."

Jialatai 2:19

Bi guijinni tungo giezhi guijinse fugudene Hudade amiturawo.

1Gelindo 6:11

Tai dunda niezhan kunla eqighandei intui giezhi daozhoma, ede Ezhan Ersa Mexihani niere, pse mai Hudai ruhherni tungo giezhi tai ijin waghazho, zhiguishighazho, gounide sanazho.

Loma 9:31

Guijinghala Hudare goudane giesan Isilie kunla khareidene guijinni mujide dai dazho.

Yaheiya 5:24

Bi tande shuhuajia kielieye, kien mii kielienyi chenliezhi mii peizhi ireghasan hhei xianxin giese chanqiku amin wine. Zui ulie soughane, fugukuse amitude ijin ireghawo."

Lujia 18:14

Bi tande kielieye, giedene echikude Huda gounide sanasanshi hhe kun pusho, ene kun wo. Kien goyane undudaghase boghonidaghane. Goyane boghonidaghase undudaghane."

Lujia 10:28

Ersa kieliewo, "Chi kieliesan oluzho. Chi qingiezhi giese amiturane."

Lujia 10:25

Nie jinwun loushi bosizhe Ersai shiizhi asazho, "Loushi, bi matui giese chanqiku aminni jienliene?"

Loma 3:20

Guijinni zunjizhi giedene Hudai melie gounide sanasan kun nieda uwo. Guijinni tungo giezhi zuini mejiene.