9 Khuichudu hhela yozhi hhe chenshide kurukude Beduru zhunwude gie jiere onxian giele khireiwo.
Ingiese matan zhomen onxian giezhi pse Hudai kieliende giene."
Hhe hhelai khozhi yolaghadene goyane ula jiere khisenu onxian giele echiwo.
Khuichuduni eqiemagha ese ogheikude Ersa bosizhedene hontande echi onxian giezho.
Zhunwuse xiawu 3 jien olutula zemin man kharalazho.
Gie jieredula, giederase dunxi agile bu bouzhe.
Ingie hhela echiwo. Xiawu 12 jien, pse 3 jien olukude zhanguiji khizhi echidene ye ingiezhi giewo.
Ta onxian giekude giedera orodene wijienyi khadene beichazide bisan Adasene onxian gie. Beichazide uzhesan Adachii jianli ogine.
Ingiese mii xiwonshi ere kunla hokuzhi bu jianjindudene zhiguitu khane zhadeighazhi alinie orondeliuzhe onxian gie.
Yan shihoudeliuzhe Shenlinde kouizhi olon onxian giezhi xiahua gie. Enende oluzhi jinxin giezhi chan zhazhen giezhi soyuji shentulade xiahua gie.
Niudude xiawu 3 jien olukude hhe zhoujin mutun qinchude chanlase Hudai nie qienxien oro ire Geniliu giezhi uruwo.