Tujila 10:38 - Hudani Kielien

³⁸ Nasale kun Ersade Huda Shenlin, nenlini olon ogiwo. Huda hheghala hhantushi hhe gochude yozhi gouni giezho. Ibilisi heisanlai man uzhezhi goudaghawo.

Tujila 10:38 Referans Kwoze

Lujia 4:18

"Ezhanni Ruhher mini jiere wine. Mii sunghuzhi jiahui kunlade gouxioxini chonjighawo. Hhe mini peizhi kunlade man kielieghawo. Bareisan kunlai andaghane. Nudun sugho olusan kunlai goudaghane. Qifulasan kunlai pse ulie qifulaghane. Huda jiuiku shihou kuzhewo."

Tujila 2:22

"Isilie kunla, ene kielienyi chenliendu. Huda Nasale kun Ersai tungo giezhi tai dunda nenlitu shiqin, fugie shiqin, ghudureqi xienjighadene Ersade ganzhen beizho. Enei ta goyalane mejiene.

Yaheiya 3:34

Huda peizhi ireghasan hhe Hudai kielienyi kieliene. Huda hhende Shenlinni shuzi witui ogizho.

Xibolai 1:9

Chi gundannide xiqi wo, doghunnii henjizho. Ingiese Huda, yeshijiu chii Huda chade bayasukui ogizhi hhantu kunlase daoghawo." giezho.

Yaheiya 3:2

Ene kun xienidei Ersai ochirale ire hhende kieliewo, "Labi, chi Hudai hhense iresan loushi bikui bijien mejiene. Huda chighala hhantu wise chi giesan ghudureqini kiemada gie dane."

Matai 12:28

Bi Hudai Ruhherghala sheitan touse Hudai gojia tande irezho.

Lujia 3:22

Shenlin hhei jiere bouzhewo. Yanzini ghoghochenyi xianli. Ingiedene asiman jierese shenqi irezhi kieliewo, "Chishi bi oresan kewon wo. Bi chade xiqi wo."

Yaheiya 10:32

Ersa hhelade kieliewo, "Bi Adane hhendedu gou wiliei giezhi tande uzheghazho. Ta alinie shiqinde mii eghine giezho?"

Yaheiya 16:32

Uzhe, ta sandazhi goya oronladene echiku shihou kuzhene, shijishan ede kuzhewo. Ta mini niezheghan benda jiene. Bi niezheghanne pusho, Adaghalane hhantu wo.

1Yaheiya 3:8

Zui fanjisan kunshi Ibilisinughun wo. Ibilisi dei qiisanse zui fanjizho. Ibilisini giekuni widaghane giezhi Hudai Kewon irezhi daozho.

Yaheiya 6:27

Ta widaku ijiunide oluzhi wilie bu gie. Chanqiku amin wineku ijiunide oluzhi gie. Enei Kunnikewon tande ogine. Kunnikewonshi Huda Ada renjisan wo."

Matai 9:35

Ersa go chenshi, aghinlai yo baraghazhi hhelai huitanlade kunlade sughazhi asiman gojiani gouxioxini chonjizho. Yanyanji gien nouzhi giemeresanlai goudaghazho.

1Beduru 5:8

Ta xioxin giezhi jinxin gie. Tai duitou Ibilisi onghonosan shizi mutun eneman hhemanji yozhi ijieku kun ereizho.

Lujia 9:42

Hhe irekude sheitan qila benda hende tigharaghawo. Ersa zannan ruhheryi nie sugie kewonni goudagha adadei jiuizhi ogiwo.

Matai 12:15

Ersa mejiedene hhense likai giewo. Tebieji olon kunla hhei daghazho. Hhe gientulai man goudaghadene

Make 6:6

Hhela xianxin ese giese Ersa ghanirawo. Ersa go aghinlai yo baraghazhi sughazho.

Lujia 9:56

Ingiedene hhela pse nie aghinde echiwo.

Tujila 10:37

Yaheiya xili giekui jianjizhi daodene ene daolii Jialilise kaishi giezhi Yudaya go oronlade chonji kuruwo.

1Yaheiya 2:20

Ta hhe zhiguituse tebieji nenjienni jienliezho. Ingiese ta man mejiene.

Matai 9:19

Ersa bosizhedene tujilarene hhantu hhei daghazhi echiwo.