Tujila 1:8 - Hudani Kielien

⁸ Shenlin tai jiere bouzhese tande nenli irezhi ta Yelusalen, Yudaya, Samaliya, pse duyai uzhude kutula made ganzhen beine."

Tujila 1:8 Referans Kwoze

Matai 28:19

Ingiese ta echidene soyuji minzuni kunlai Ada, Kewon, Shenlinni niereghala xili gieghazhi tuji gholugha.

Make 16:15

Pse hhelade kieliewo, "Ta qienxiade man echizhi gouxioxii soyuji zhayaghasanlade chonji.

Loma 15:19

Ghudureqi, fugie shiqinyi nenlighala, pse Hudai Ruhheryi nenlighala giesan wo. Bi Mexihai gouxioxii Yelusalense izhi Ililigude man chonji kurughawo.

Tujila 5:32

Bijien ene shiqinlade ganzhen beine. Hudai shunjisan kunlade ogisan Shenlinye ganzhen beine."

Tujila 4:33

Shitula fugie nenlighala Ezhan Ersa fuho giesande ganzhen beizho. Ingiese kunlade Hudai fugie nenjien irewo.

Tujila 6:8

Siqifande Hudai nenjien, nenli olonshi kunlai dunda fugie shiqin, ghudureqi giezho.

Loma 10:18

Bi nie asaye. Kunla ese chenliewu? Kenjin chenliezho. "Hhelai shenqi qienxiade kuruwo. Hhelai kielien duyani uzhude kuruwo."

Yaheiya 15:27

Taye made ganzhen beine. Ta kaishi giesanse izhi bighala hhantu wo."

Lujia 10:19

Bi tande moghei, xiezilai taizhi duitoulai soyuji lilianse injizhi daoku qienli ogiwo. Yanliuzhe tai hei dane.

Tujila 1:5

Yaheiya usughala xili gieghawoma, giedudu ulie beizhi tai Shenlinghala xili gieghane."

Matai 24:14

Asiman gojiani gouxioxini qienxiade chonji kurughazhi soyuji minzulade ganzhen beidene caigie duya baraku kuzhene."

Tujila 2:32

Ene nie Ersai Huda aminne olughawo. Bijien man ene shiqinde ganzhen beine.

Tujila 22:15

Chi chanlasan, chenliesanne soyuji kunlai melie hhe kunde ganzhen beine.

Tujila 13:31

Ersaghala hhantu Jialilise Yelusalende khisan kunlade Ersa ezighancha xienjighawo. Hhela ede bexinlai dunda Ersade ganzhen beizho.

Lujia 1:35

Qienxien kieliewo, "Shenlin chini jiere irene. Zui Undu Hudai nenli chii jiere irezhi huine. Ingiese oluku zhiguitu kewonni Hudai Kewon giezhi urune.

Tujila 3:15

Ta alasanshi aminni Ezhan wo. Huda hhei fugusan kun dundase aminne olughawo. Bijien ene shiqinde ganzhen beine.

Geloxi 1:23

Ta indan xinyanne izhi goude bareizhi undanlagha. Ta chenliesan gouxioxini panjikuse likai bu gie. Ene gouxioxini qienxiani soyuji zhayaghasanlade man chonji kurughawo. Bi Baoloye ene gouxioxide hoji danlazho.

Tujila 8:1

Siqifanyi alasande Saolo tunyi giewo. Ene uduse Yelusalenni jiohuii hende heizho. Shitulase chugo psedu tujila sandazhi Yudaya, Samaliyani go oronde echiwo.

Lujia 24:29

Hhela ninkounin Ersai feilieghazhi kieliewo, "Ede nanran pudawo, khara oluwo. Matan enende hhantu souye." Ingiese Ersa hhelare hhantu echi souwo.