Qido 2:12 - Hudani Kielien

¹² Ene nenjien mai donlien giezhi xienlian witu zhugheni, duyani nefuxinni widaghazhi ene duyade xioxinde, gundande, xienliande udu daoghazho.

Qido 2:12 Referans Kwoze

Matai 16:24

Ersa tujiladene kieliewo, "Kien mii daghane giese goyane sheidene shizijiane beiliezhi mii daghakuni wo.

Loma 6:19

Ta dunjire dakuse ayizhi bi ibanji kielienghala kielieye. Ta melieshida beyene ganjin winide, uhunnide ogizhi hoji danladene uhunni gholughasan mutun ede ta beyene gounide ogizhi hoji danladene zhiguitu gholugha.

2Beduru 2:9

Ingiese Ezhan xienliantu kunyi shiikuse matugie jiuizhi gou witu kunyi feilieghadene panjiku udude faikui mejiene.

1Yaheiya 2:6

Kien goyane Hudai sudoro beizho giezhi kieliese indan Ersa Mexiha mutun giekuni wo.

2Qimotai 3:12

Shijishan Mexiha Ersai sudoro xienliande udu daone giesan kunla man heikuni shouine.

Mejieghasan 14:12

Ingiese Hudai minlinyi zunjizhi Ersai xianxin gieku bisan shentulade bixi rennai bikui wo.

1Qiesalonijia 4:7

Huda matanyi urukushi ganjin wini bu giezhi, zhiguide gie giezho.

Qido 3:3

Yenlai matanye men wo, kielien ulie chenliene, miizho, yanyanji nefuxin, xianshou giekude hoji danlawo. Mouxien, dubilieku dunda udu daozho, chou bareizhi nieniene henjizho.

1Qiesalonijia 4:9

Gaijiulade oreku shiqinni kieliese tande xin huaiku biyo uwo. Nieniedene orekuni ta goyane Hudase suruzho.

Ifuso 2:2

Hhe shihoude ta ene duyai xigonyi daghazhi asimanyi doghun lilianyi gonjisan hhei daghazhi zui dunda udu daozho. Hhe jiushi kielienyi ulie chenliechen kunlai sudoro wilie giesan ruhher wo.

Loma 12:2

Ene duyani bu dagha. Sumulakune arunzhazhi shinishighadene Hudai gou, bayasuku, onqien isii shiizhi mejie.

Loma 6:12

Ingiese zuini tai fuguku beye jiere qienli bu bareighazhi zui gieku nefuxinyi bu dagha.

Matai 28:20

Bi tande fenfulasan soyujilai hhelade sughazhi zunjigha. Uzhe, bi duya baratula tanre chanqi hhantu wo."

1Yaheiya 2:27

Tai kieliese tai sudoro Ezhanse jienliesan tebieji nenjien wine. Ingiese tande kiema surughaku biyo uwo. Hhei tebieji nenjien tande man surughane. Surughasanshi jiani pusho, zhenni wo. Ingiese hhe surughasan mutun ta hhei sudoro bei.

2Beduru 3:11

Yanyanjila man ingie widase ta matunie kun danlane? Ta indan zhiguide, xienliande udu daokuni wo.

Xibolai 8:11

Jien kunla giebeizi, gaijiuladene chi ezhanni tani giezhi surughaku biyo uwo. Zui ganise zui fugienide kurutula man mii tanine.

1Qimotai 6:17

Chi ene duya jieredu bayan kunlai fenfulazhi goyane fugiede bu uzhe gie. Undan witu baerni bu koui, zinie shihenii zhengiejia olonde ogizhi mai xianshou gieghasan Hudade koui gie.

1Qimotai 4:12

Chi nasunchighanshi kunlai meilade bu uzhegha. Kielien kielieku, gieku, oreku, xinyan, ganjin fanmiende xianxin giechen kunlade yanzi uzhegha.

Geloxi 1:22

ede Huda Mexihai beyei fugukui tungo giezhi tai goyarene goudaghawo. Ingiekushi tai zhiguitu, jienjien witu, yama kieliekui witui gholughazhi hhei melie beilaghane giezho.

Jialatai 5:24

Mexiha Ersani kunla beyeji nefuxin gieku duranne hhantu shizijia jiere ghadawo.

Jialatai 1:4

Huda mai Adai isighala Mexiha ene doghun duyase mai andaghane giezhi mai zuide oluzhi goyane sheiwo.

2Gelindo 7:1

Ingiese mii orentula, matande enezighan dain giesan bise beye, zhughe jieredu zannannilane waghazhi man widaghadene Hudai zunjiku zhugheghala onqienji zhiguishighaye.

2Gelindo 1:12

Bijien duyade giekude, tebieshi tanre laiwon giekude Huda ogisan zhijieji shixinji zhugheghala giezho. Kunni jienzhaghala ese giezhi Hudai nenjienghala giezho. Enende bijienyi lianxin ganzhen beine. Ingiezhi giesande bijien goyane kuaine.

Loma 8:13

Ta beyeni daghazhi giese fugune. Shenlinde kouizhi beyeni doghun wiliei fugughase amiturane.

Tujila 24:25

Baolo gundande gieku, goyane kunzhi gieku, jianlai ireku shenpanni kieliese Feilisi hende ayidene kieliewo, "Chi xian echi, made fanbien winekude chii uruzhi ireye."

Tujila 24:16

Ingiese bi Hudai melie, kunlai melie chan lianxin ulie ghudandune giezhi xiacha giezho.

1Yaheiya 5:19

Matanshi Hudanughun bikui, duyashi man Ibilisii kha doura bikui matan mejiene.

Ifuso 1:4

Duyai zhayaghaku melie orekughala Mexihai miende matai sunghuzhi goyane melie zhiguishighazhi jienjien witui gholughane giezho.

Yaheiya 14:30

"Ene duyani touzi ede irewo. Ingiese bi tanre kielien kielieku shihou oloncha widazho. Hhe mini yama gie danema,

Yaheiya 6:25

Hhela hai duimiense Ersai ereizhi oludene kieliewo, "Loushi, chi yan xienzide enende irewo?"

Lujia 1:6

Hhe ghualashi Hudai melie gou kun wo. Hudai minlin, guijinni zunjizhi man giezho, yama kieliekui uwo.

Yuda 1:18

duya barakude xienlian witu kunla khizhese goya duranghalane suibiende giezhi kunlai uzhezhi xiniene giezho.

2Qimotai 4:10

Jima duyani shei dazhi mii benda jiedene Qiesalonijiade echiwo. Geleshi Jialataide echiwo. Qido Damataide echiwo.

Matai 12:32

Kunnikewonni fandui giezhi kieliese roulienema, Shenlinni fandui giezhi kieliese duyade ulie rouliene, houshideye ulie rouliene."

1Qimotai 6:9

Facailane giesan kunlai miizhi onde orone. Yanyanji bixin, heiku duranla hhelai miidene qida oluku, barakude anda bouwo.

Yagebu 1:27

Ada Hudai melie ganjin, zannan witu xienlianshi oliechen, guafulade kunnan bikude hhelai zhaogu giezhi da goyane baohu giezhi duyani zannanyi ulie cheiqighakui wo.