Qido 1:8 - Hudani Kielien

⁸ Bayasuzhi zhochen jienliene. Gounide xiqi wo. Goude, gundande, zhiguide giene. Goyane kunzhi giene.

Qido 1:8 Referans Kwoze

1Qimotai 3:2

Lindao danlachen kun goyane kunlai yama ulie kielieghane, zi niekozi biereide zhanguiji danlane, goyane kunzhi giene, jinxin giene, kunla man zunzhun giene, zhochenlai goude jienliene, kunlade goude surughane,

Qido 2:7

Chi yan shiqindeliuzhe goyane gouni giezhi yanzi uzhegha. Chi sughakude loushide, renzhende sugha.

1Yaheiya 5:1

Kien Ersashi Mexiha wo giezhi xianxin giese hheshi Hudase iresan kewosi wo. Adade oresan kun hhei kewosideye orene.

1Yaheiya 3:14

Matan gaijiulade orese fugukuse amitude iresei mejiene. Ulie orechenla fugukude beizho.

1Qimotai 6:11

Ingiezhoma, chishi Hudai kun wo, enezighan shiqinlase piidene gouni, xienlian, xinyan, oreku, rennai, renyini dagha.

1Qimotai 4:12

Chi nasunchighanshi kunlai meilade bu uzhegha. Kielien kielieku, gieku, oreku, xinyan, ganjin fanmiende xianxin giechen kunlade yanzi uzhegha.

1Qiesalonijia 2:10

Ta xianxin giesan kunlade bijien giesanshi zhigui, gundanni wo, yama kieliekuni uwo. Enende ta ganzhen bei, Hudaye ganzhen beine.

2Qimotai 3:3

zhughede orekui uwo, kunlai ulie rouliene, doghun kielienghala beimiende kieliene, goyane kunzhi ulie giene, yedou no wo, gouni giekude xiqi uwo,

2Qimotai 2:22

Chi nasuchighan kunni nefuxinni piizhi ganjin zhugheghala Ezhanse waradachen kunlare hhantu gundanni, xinyanni, orekuni, heqini dagha.

Lujia 2:25

Yelusalende nie kunni niereini Ximien giene. Hheshi nie gou kun wo, jiomun jiereye chighara wo, chanqi Isilie kunni jiuise giezhi panjizho. Hhende Shenlin duruzho.

Tujila 24:25

Baolo gundande gieku, goyane kunzhi gieku, jianlai ireku shenpanni kieliese Feilisi hende ayidene kieliewo, "Chi xian echi, made fanbien winekude chii uruzhi ireye."