Mejieghasan 6:4 - Hudani Kielien

⁴ Pse nie morei khizhewo, hulanni wo. Morei unusande qienlini ogizhi zemin jierese pinnanni agi echise kunla nieniene alandune. Nie fugie khudoghoni hhende ogizho.

Mejieghasan 6:4 Referans Kwoze

Matai 10:34

"Bi irekushi zemin jiere pinnan deilazhi iresei ta bu sumula. Bi irekushi pinnan deilazhi ese iredene khudogho deilazhi irezho.

Mejieghasan 13:10

Qianla echiku kunyi kenjin qianla echine. Khudoghoghala alaku kunyi kenjin khudoghoghala alane. Ingiese shentulade bixi rennai, xianxin gieku bikui wo.

Mejieghasan 17:6

Bi pse chanlase hhe bierei shentulani chusun, Ersade oluzhi ganzhen beisan kunlai chusunyi ochi sudozho. Bi hhei chanlase hende ghanirazho.

Mejieghasan 17:3

Shenlin mii zhughei gojiolughazhi qienxien mii uduruzhi hontande echise nie bierei dahunse yewo jiere unusei bi chanlawo. Hhe yewode dolon qiorun, hharan gocha wo, hunshendeni Hudai sugieku niere wine.

Mejieghasan 12:3

Asimande pse nie zunji xienjizhi nie hulan lunde dolon qiorun, hharan gocha wo. Dolon qiorun jiereni dolon honshan zhoku ga maghala zhozho.

Yaheiya 19:11

Ersa kieliewo, "Asiman jierese chade qienli ese ogizhoshi chi mii yama gie dane. Ingiese mii chade jiuisan hhe kunde zui pse gundu wo."

Matai 24:6

Ta eghindusan, eghindune giesan xioxini sonosune. Ingiese goujida bu jinda. Ene shiqin kenjin fashen gienema, duya baraku shihou dou ese kuzhezho.