Mejieghasan 20:12 - Hudani Kielien

¹² Bi pse chanlase fugusan kun gajii fugieiji baozo melie beizho. Shulani man keighawo. Da nie shuniye keighawo, hheshijiu aminni jilasan benzi wo. Fugusan kunlai zhao hhela giesanzhe shu jiere jilasan mutun panjine.

Mejieghasan 20:12 Referans Kwoze

2Gelindo 5:10

Matan man bixi Mexihani shenpantai melie xienjizhi khizheghadene zhao jien kun giesan gouni, doghunni mutun kharulune.

Matai 16:27

Kunnikewon qienxienlarene hhantu hhei adani fama dunda irene. Ingiekude zhao kunni giekughala jien kunde kharulune.

Mejieghasan 22:12

Ersa kieliewo, "Uzhe, bi deigo irene! Jianli ogiku, faiku made wo, jien kun giesanzhe bi kharulune.

Mejieghasan 2:23

Bi hhere niekielienji giesan kunlai alane. Ingiese soyuji jiohuila man bishi kunni sumuladanji zhughei uzhechen bikui mejiene. Bi tai giekuzhe jien kunde kharulune.

Mejieghasan 11:18

Gojiala noiwoma, chii hokuku irewo. Fugusan kunni panjiku shihou, chii hoji, xienzhi, shentu, jien chii jilasan kun fugiei gajiniji jianli linlaku shihou, Pse duyani pohai giesanlai chi widaghaku shihou irewo."

Mejieghasan 3:5

Injisan kunla ingiezhi chighan jien musizhi hhelai nierei aminni jilasan benzi jierese ulie widaghane. Bi adane melie, hhei qienxienlai melie hhelai nierei chenren giene.

Mejieghasan 20:13

Pse hai haide fugusan kunlai ogiwo. Fuguku, pse dozohei hhelai hhende fugusan kunlaiye ogiwo. Hhelai zhao hhelai giesan mutun panjine.

Mejieghasan 21:27

Jien ganjin witu, pse hanzhan gieghachen, ghudan kieliechenlai hhende ulie oroghane. Zinie ghoni ghughanyi aminni jilasan benzi jiere nierei jilasanlai oroghane.

Tujila 24:15

Pse ene kunla xianxin giesan mutun gou kun, gou witu kunla man fuho giekui bi Hudase panjizho.

Mejieghasan 20:11

Bi pse nie chighan fugie baozo, baozo jiere sousanyi chanlawo. Hhei meliese asiman, zemin piizhi hhelai pse chanla dawo.

Mejieghasan 19:5

Pse shenqi baozose khizhezhi kieliezho, "Hudai hojila, jien hhei zunjisan fugiei, gajii, man mai Hudade doula!"

Feilibi 4:3

Mii zhenzhenji gou lienshou, bi chiiye xiahua gieye. Chi ene funilade banman gie. Hhela gouxioxini wiliede mare, pse Gelimien, psedu lienshoulare hhantu khishulazhi daozho. Hhelai nierei aminni jilasan benzi jiere huaizho.

Lujia 10:20

Ingieliuzhe sheitanla tai feiwo giese bu bayasudene nierelaitai asiman jiere jilasande bayasundu."

Mejieghasan 13:8

Jien zemin jiere sousan, niereini duyai zhayaghasanse alasan ghoni ghughanyi aminni jilasan benzi jiere ese jilasan kunla man hhei beiine.

Loma 2:6

Huda kunla giekughala kunlade kharulune.

Mejieghasan 17:8

Chi chanlasan yewo eqighandei wine, ede uwo, jianlai jizi witu nokiense khizhezhi widakude echine. Jien zemin jiere sousanla, jiushi niereini duyai zhayaghasanse aminni jilasan benzi jiere ese jilasanla hhe eqighandei wine, ede uwo, jianlai ireku yewoni chanlase ghanirane.

1Gelindo 4:5

Ingiese shihou ese kuzhezhi Ezhan ese iretula ta kienyiliuzhe bu kielie. Hhe irese kharade niuighasanlai zhouizhi khizheghane, kunyi zhughei mujilai khizheghane. Hhe shihoude Huda jien kunlai kuaine.

Matai 11:22

Bi tande kielieye, panjiku udude ta shouiku zeinan Tuilo, Xidunse da fugie wo!

Mejieghasan 20:15

Kienyi niere aminni benzi jiere uwoshi hhei khantu hude bendawo.