Mejieghasan 13:1 - Hudani Kielien

¹ Bi chanlase nie yewo haise khizhezhi hharan gocha, dolon qiorun wine. Hharan gocha jierene hharan honshan zhoku ga maghala zhozho. Dolon qiorun jiereni Hudai sugieku niere wine.

Mejieghasan 13:1 Referans Kwoze

Mejieghasan 12:3

Asimande pse nie zunji xienjizhi nie hulan lunde dolon qiorun, hharan gocha wo. Dolon qiorun jiereni dolon honshan zhoku ga maghala zhozho.

Mejieghasan 17:3

Shenlin mii zhughei gojiolughazhi qienxien mii uduruzhi hontande echise nie bierei dahunse yewo jiere unusei bi chanlawo. Hhe yewode dolon qiorun, hharan gocha wo, hunshendeni Hudai sugieku niere wine.

Mejieghasan 11:7

Hhela ganzhen bei balukude jizi witu nokiense khizhesan yewo hhelare eghinduzhi injidene hhelai alane.

Mejieghasan 17:16

Chi chanlasan hharan gocha, yewo hhe biozini henjine. Hhei yanyanjilai qianlazhi hulan muchughun gholughadene mighaini ijiezhi khanghala sidera widaghane.

Mejieghasan 15:2

Bi chanlase khan huisan boli mutun hai wine. Yewo, yewoni nigieda, yewoni nierei daibio giesan shuzise injisan kunla boli hai jiere beizhi Hudai qinni bareidene

Mejieghasan 17:5

Manlou jiereni fugie Babilun wo, zeminni biozila, yanyanji hanzhan gieghakulani Ana wo giezhi mimitu niere huaizho.

Mejieghasan 13:11

Bi chanlase da nie yewo zeminse khizhezhi ghua gocha bisan ghoni ghughanyi xianli, kielien kieliese lunni xianli.

Mejieghasan 13:14

Ene yewo qienlini jienliedene tou 1 gie yewoni melie ghudureqilai giezhi zemin jiere sousan kunlai miizho. Pse khudoghoghala shan deiladene ese fugusan yewode nie nigieda gie giezhi hhelade kieliezho.

Mejieghasan 13:15

Hhe nenlini jienliedene nigiedade ho ogizhi kielien kielieghazho, pse soyuji nigiedai ese beiisan kunlai man alaghazho.

Mejieghasan 16:13

Bi pse chanlase baghai xianlitu ghuran zannan ruhher lun, yewo, jia xienzhilai amanse khizhezho.

Mejieghasan 19:19

Bi pse chanlase yewo, zemin jieredu honshanla, pse hhelai buduila hhantuladene chighan morei unusan, da hhei buduilare eghindune giezho.