Matai 3:2 - Hudani Kielien

² "Ta geizhen giendu, asiman gojia chadashiwo!"

Matai 3:2 Referans Kwoze

Matai 4:17

Hhe shihouse kaishi giezhi Ersa chonjizhi kieliewo, "Ta geizhen giendu. Asiman gojia chadashiwo."

Make 1:15

"Udu kuruwo. Hudai gojia chadashiwo. Ta geizhen giezhi gouxioxini xianxin gie."

Lujia 24:47

Pse hhei niereghala geizhen giese roulieku gouxioxini Yelusalense soyuji minzulade chonji keine.

Matai 6:10

Chii gojiai iregha. Chi isine asiman jiere mutun zemin jiere chenjigha.

2Gelindo 7:10

Zhao Hudai isi mutun nango giese houhui ulie giezhi geidene jiuine. Duyai nango gieku kunyi fugughane.

Matai 10:7

Xien yo xien chonjizhi kielie, 'Asiman gojia chadashiwo!'

Tujila 3:19

Ingiese ta geizhen giezhi Hudai miende khareizhi irendu. Tai zuini widaghane.

Lujia 15:10

Bi tande kielieye, nie zuiren geizhen giese Hudai qienxienla hhende oluzhi ingiezhi bayasune."

Lujia 13:3

Uye. Bi tande kielieye, ta geizhen ulie giese hhela mutun fugune.

Lujia 11:20

Bi Hudai nenlighala sheitan touse Hudai gojia tande irezho.

2Beduru 3:9

Ezhan niezhan kunla sumulasan mutun dain giesanne danwu giezhi ulie chenjighakui pusho. Shijishan hhe tai rennai giezhi nieda ulie widaghadene jien kunlai geizhen gieghaku duran wo.

Tujila 17:30

Melieshida kunla mejie dazhi giesei ese gonjiwoma, ede Huda gochui kunlade fenfulazhi geizhen gie giezho.

Tujila 11:18

Hhela ene kielienyi chenliedene yama ese kieliezhi qinse Huda niman kunladeye geizhen giezhi amin ireku jihui ogiwo giezhi Hudai kuaizho.

Tujila 2:38

Beduru kieliewo, "Ta man geizhen giendu. Ersa Mexihai niereghala xilii jienliedene tai zuini mienlie gie. Ingiese Huda ogine giesan Shenlinni ta jienliene.

Lujia 6:20

Ersa qiorunne qila tujilane uzhedene kieliewo, "Jiahui kunlade fuqi wine, Hudai gojiashi tanughun wo.

Matai 13:52

Ersa kieliewo, "Jien asiman gojiade tuji danlasan jinwun hanjiala hoxian gieni zhanguijii xianli. Hhe kufansene shini, khuichen dunxilai agi khizhene."

Matai 13:47

"Pse asiman gojia hoxian haide xiaisan onni xianli. Yanyanji zhaghasunlai bareizhi

Matai 13:33

Pse hhelade bilazhi kieliewo, "Asiman gojia hoxian kuniegheni xianli. Nie bierei agizhi echidene nie deizi ghurunde teizhi man faighawo."

Matai 12:41

Panjiku udude Niniwi kunla bosizhezhi ene idai kunlai zuini jinjine. Ingiekushi Niniwi kunla Yunusi chonjisei chenliedene geizhen giewo. Uzhe, enende Yunusise pse fugieni wine!

2Qimotai 2:25

Fandui giesan kunde renyide sughakuni wo. Ingiese kenen Huda hhelade geizhen gieku zhughe ogise zhendaoni mejiene.

Geloxi 1:13

Ada kharanii qienlise matai jiuizhi khizhedene goya oresan kewonne gojiade ireghawo.

Tujila 20:21

Pse Yutai kun, Xila kunlade ganzhen beizhi Hudai melie geizhen giedene mai Ezhan Ersai xianxin gie giewo."

Lujia 15:7

Bi tande kielieye, nie zuiren geizhen giese asiman jiereye hhende oluzhi bayasune. Hhe geizhen gieku biyo wichen 99 gie gou kunlase pse olon bayasune."

Lujia 13:5

Uwo. Bi tande kielieye, ta geizhen ulie giese hhela mutun fugune."

Lujia 9:2

Hhelai peizhi echighadene Hudai gojiai chonjizhi gientulai goudagha giezho.

Make 6:12

Shitula khizhi echidene kunlade, "Geizhen gie!" giezhi chonjizho.

Make 1:4

Zhao ene kielien mutun xili gieghasan Yaheiya hontande irezhi kunlade xili gieghazhi, "Ta geizhen giendu, Huda tai zuini rouliene." giezhi chonjizhi kieliezho.

Matai 5:10

Gundannide oluzhi heikui shouisan kunlade fuqi wine, asiman gojiashi hhelanughun wo."

Matai 5:3

"Zhughede nanxin kunlade fuqi wine, asiman gojiashi hhelanughun wo.

Mejieghasan 2:21

Bi hhende geizhen gieku jihui ogizhi daozhoma, hhe lon kijiekune geizhen ulie geine.

Matai 13:31

Ersa hhelade pse bilazhi kieliewo, "Asiman gojia nie caizi furei xianli. Kun agizhi echi ghazhadene tareiwo.

Matai 13:11

Ersa hhelade kieliewo, "Hudai gojiai mimii zinie tande mejieghawoma, hhelade ese mejieghawo.

Matai 6:33

Ta xien Hudai gojia, hhei gundanni xiahua gie, ingiese enelai man tande ogine.

Mejieghasan 2:5

Ingiese chi nie sumula. Khalase banjizhoshi hhense geizhen giezhi dei qiikude giesan wilielai gie. Chi geizhen ulie giese bi chii hhende iredene zhula teiziichii yenlaiku oronse agi echine.

Xibolai 6:1

Ingiese matan Mexihani daolii kaishi giekui khuinane jiedene, fugughaku wilielai geizhen gieku, Hudai xianxin gieku, xilini surughaku, kha teizhi onxian gieku, fugusan kun aminne oluku, zuihou shenpan gieku enezighan jichulai pse bu daidene hulunshikude daiye.

Tujila 26:20

xien Damashigede, pse Yelusalende, Yudayani go oronlade, niman kunlade chonjizhi geizhen giedene Hudade shunjizhi geizhen giesan shiqinne giezhi uzhegha giewo.

Matai 22:2

"Asiman gojia hoxian nie honshan kewondene bierei agizhi xi beilasei xianli.

Matai 25:1

"Hhe shihoude asiman gojia hoxian hharan shini bierei zhula bareidene shini khughonyi jienliekui xianli.

Matai 23:13

"Ta jiazhon giesan jinwun hanjia, Falisai kunlade gou widawo! Ta kunlade asiman gojiani wijienyi khazhi goyalane ese orozho, orone giechen kunlaiye ese oroghazho."

Matai 20:1

"Asiman gojia hoxian nie gieni zhanguijii xianli. Eqiemagha eqie khizhi echizhi kun guidene putou yenzidene wilie gieghane giezho.

Matai 18:23

Ingiese asiman gojiashi hoxian honshan hojilarene zhan sanaku niekielien wo.

Matai 11:20

Hhe xienzide Ersa nenlitu shiqin olon giese chenshii kunla geizhen ese giese hhelade jingao giezhi kieliewo,

Lujia 21:31

Taye niekielien wo. Ta ene shiqinla fashen giesei chanlase Hudai gojia chadashisei mejiene.

Lujia 16:30

Hhe kieliewo, 'Ulie olune, mii xienren Iburaheimu, fugusan kun aminne oludene echise hhela geizhen giene.'

Matai 25:14

"Asiman gojia hoxian nie kun gholode echine giezhi hojilane uruzhi ire baerne hhelade jiuizhi gonjighakui xianli.

Matai 13:24

Ersa hhelade pse bilazhi kieliewo, "Asiman gojia hoxian kun ghazhadene boudei fure shizhisei xianli.

Matai 4:23

Ersa Jialilini gochude man yozhi hhelai huitanlade sughazhi Hudai gojiai gouxioxini chonjizhi bexinlai yanyanji gien nouzhi giemeresanlai goudaghazho.

Lujia 1:16

Hhe olon Isilie kunlai Ezhan Hudai miende khareizhi ireghane.