3 Bouisan kunla hhei bareidene idun eghi khosun khareighawo.
Ene Yutai kunla Ezhan Ersai, xienzhilai alazhi bijienyi tou khireighawo. Hhela Hudai ese bayasughazhi jien kunlare duitou gholuwo.
Alinie xienzhilai tai xienrenla ese heiwo? Hhela nie gou kun irene giezhi melie kieliesan xienzhilai alawo. Ede ta hhe gou kunni ghudanduzhi alawo.
Nie niman kunyi bierei hhe oronse khizhedene waradazhi kieliewo, "Ezhan, Dawudeni houdei, made ubali nie xii! Mii oqinyi sheitan heisan hen wo."
Shihou kuzhese nie hojine peizhi bouisan kunlase nexianne ghuraghale echiwo.
Pse nie hoji peizhi echighase hhela qiorunyini eghi ghalughazhi shizheghazho.