Lujia 8:15 - Hudani Kielien

¹⁵ Gou ghazhaghunshi kun kielienyi chenliedene gou lianxintu zhughedene teizhi izhigie rennai giedene zhonjia souwo."

Lujia 8:15 Referans Kwoze

Xibolai 10:36

Ta Hudai isii gie baraghazhi dain giesei jienliene giese rennai gieku biyo wine.

Lujia 6:45

Gou kunlai zhughede gounishi yen gouni khizheghane. Doghun kunlai zhughede doghunnishi yen doghunni khizheghane. Zhughede durusei amande kielie khizheghane."

1Yaheiya 2:3

Matan Hudai minlinyi zunjise matan Hudai tanikui mejiene.

Geloxi 1:10

Ingiedene ta udu daokude Ezhanyi pei shidaku mutun giezhi yandeliuzhe hhei bayasugha, yanyanji gou wilie jiere olon jiego khizheghazhi Hudai olon tani.

Geloxi 1:6

Tai hhende iresan ene gouxioxi qienxiade chonji kurudene olodozhi jiego khizhezho, zhen ta gouxioxini chenliedene Hudai nenjienni zhenzhenji dunjireku hhe uduse qiizhi tai dunda jiego khizhesanghala niekielien wo.

Yaheiya 14:15

"Ta made orese mini minlinni zunji.

Lujia 11:28

Ersa kieliewo, "Hudai kielienni zunjizhi giesan kunde zhenzhen fuqi wine."

Feilibi 1:11

Ersa Mexihani kouizhi gou wilielai olon giedene kuaiku, zanjikuni Hudade ogi giezho.

Loma 7:4

Mii gaijiula, taye niekielien wo. Ta Mexihani beyei tungo giezhi guijinse fuguwo. Ingiedene pse nienughun gholuzhi matan Hudade gou jiego ireghane. Hheshi fugusan kun dundase aminne olusan Mexiha wo.

Loma 6:22

Ede tai zuise andaghazhi Hudai hoji danlaghawo. Tai haochushi zhigui wo. Jiegoshi chanqiku amin wo.

Yaheiya 15:10

Ta mii minlinyi zunjise mii oreku sudoro beizho. Eneshi bi Adane minlinyi zunjizhi hhei oreku sudoro beikughala niekielien wo."

Matai 24:13

Ingieliuzhe rennai giezhi zuihou kusanlai jiuine.

Xibolai 2:1

Ingiese matan chenliesan daolini ijinyo genjia goude jilakuni wo. Pse daolise wirulane.

Ifuso 2:8

Tai jiuikushi nenjienghala wo, xianxin giedene jiuiwo. Eneshi goyase iresan pusho, Huda ogisan mure wo.

1Gelindo 7:19

Hetoune gie, ulie gie zhunyo uwo. Zui zhunyonishi Hudai minlinyi goude zunji.

Loma 7:18

Mii sudoro, mii beye jiere gouni uwokui bi mejiene. Bi gounii gieku duran winema, gie dane.

Loma 2:7

Gou wilieni izhi giezhi kuaiku, gou minshen, chanqi ulie qida olukuni giesan kunlade Huda chanqiku aminni ogine.

Yagebu 1:4

Ta rennaini xiogoni man khizhegha. Ingiese ta fugiedazhi hulunshidene yama ulie chaine.

Lujia 8:14

Eghesun dunda luisanshi kun kielienyi chenliedene duyade munan gieku, bayazheku, xianfugiekughala jigheidazhi yama sou dazho.

Lujia 8:16

"Zhulai jienjidene huapinghala khaghachen kun uwo, chonban douraye ulie teine. Zhula teiku teizi jiere jiene. Ingiese kunla orozhese chujieghene.

Loma 8:25

Matan chujieghe dakune onxian giese rennai giezhi panjikuni wo.