Lujia 24:44 - Hudani Kielien

⁴⁴ Ersa hhelade kieliewo, "Eneshi bi melieshida tanre hhantu bikude kieliesan wo. Musani guijinshu, xienzhishu, zeburei jiere mii zhiizhi huaisanlai man ijinyo gholughakuni wo."

Lujia 24:44 Referans Kwoze

Tujila 13:33

Ersai aminne olughazhi matan houdei danlasan kunde chenjighawo. Zeburei ji 2 piende jilasan mutun, 'Chishi mii kewon wo. Enedu bi chade ada danlawo.'

Lujia 9:22

"Kunnikewon matugieseda hende shouku giezhi zhanlao, fugie buwa, jinwun hanjiala mii fandui giezhi alane. Ghurudude aminne olune."

Mejieghasan 19:10

Ingie bi hhei kon konde papaladene hhei beiine giese hhe kieliezho, "Ulie olune! Biye chighala, pse chii hhezighan Ersade ganzhen beisan gaijiulare hhantu hoji danlasan wo. Chi Hudai beii. Hudai kielienyi jianjiku dunda zui zhunyonishi Ersade ganzhen beiku wo."

Xibolai 10:1

Guijinshi jianlai ireku gounii xiujie wo, zhenzhenji yanzi pusho. Ingiese niehonnie niekielienji sidagha giekughala Hudai melie iresan kunlai jiedui hulunshigha dane.

Yaheiya 5:46

Ta Musai xianxin giese miiye xianxin giekui wo. Hhe huaisanshi mii zhiizhi kieliezho.

Xibolai 9:8

Enelai tungo giezhi Shenlin mejieghakushi tou 1 gie gie bikude zui zhiguitu oronde echiku moni da ese keighazho.

Yaheiya 5:39

"Ta sumulase jinwunyi uzhezhi suruse hhe jierese chanqiku aminyi ereine giezhoma, jinwun zhen made ganzhen beizho.

Yaheiya 3:14

Musa hontande mogheini qila qiighaku mutun Kunnikewonniye qingiezhi qila qiighane.

Lujia 24:46

hhelade kieliewo, "Jinwun jiere ingiezhi huaizho, Mexiha irese ijinyo shouku giezhi duya ijiedene ghurudushi aminne olune.

Xibolai 7:1

Ene Maijixideshi Salenni honshan wo, pse Zui Undu Hudai buwa wo. Iburaheimu honshanlai eghi injidene khareizhi irekude Maijixide hhei jienliezhi gouni kieliezho.

Xibolai 3:5

Musa Hudai gieni soyuji kunlade hoji danladene shixinde giezhi jianlai kielieku shiqinde ganzhen beizhoma,

Tujila 7:37

"Eneshijiu Isilie kunlade 'Huda tai dundase bi mutun nie xienzhi khizheghane.' giezhi kieliesan hhe Musa wo.

Lujia 22:37

Bi tande kielieye hhei zuirende sanawo giezhi jinwun jiere mii zhiizhi kieliesanla kenjin gholune. Enbene, mii zhiizhi kieliesan ene zhen gholuzho."

Lujia 21:22

Enezighan udushi faiku udu wo. Jinwun jiere huaisan kielienyi gholughane.

Lujia 9:44

"Ta ene kielienyi goude chenliezhi jila, Kunnikewonyi kunlai khade jiuine."

Matai 26:56

Enela man fashen giekushi xienzhini shu jieredu kielienyi gholughane giezho." Ingiekude tujila man Ersase likai gie holu widawo.

Matai 26:54

Qingiese bixi fashen giene giezhi kieliesan jinwunlani matugie gholughane?"

Matai 16:21

Hhe shihouse Ersa matugieseda Yelusalende echidene zhanlao, fugie buwa, jinwun hanjialase hende shouku giezhi goyai aladene ghurudude aminne olukui tujiladene kielie qiiwo.

1Beduru 1:11

Hhela Mexihashi kien bikui, yan xienzide irekui yenjiu giezho. Mexiha shouku giedene khuinashi fama irekui Mexihani ruhher hhelai sudoro melie kieliezho.

Tujila 3:18

Huda eqighanse jien xienzhilani tungo giezhi Mexiha shouku giekui kieliewo. Ede qimutui gholuwo.

Make 9:31

Ingiekushi Kunnikewonyi kunlai khade jiuidene hhela alase ghurudude aminne olune giezhi Ersa tujiladene sughazho.

Matai 1:22

Ene shiqinla man fashen giekushi Ezhan xienzhini tungo giezhi kieliesan kielien mutun gholughane giezho,

Tujila 2:27

Chi mii ruhherni dozode ulie bendane. Zhiguitu kunne ulie fughane.

Tujila 13:40

Ingiese ta xioxin gie, pse xienzhila kieliesan tai jiere gholune.