Lujia 10:16 - Hudani Kielien

¹⁶ "Kun tai kielienyi chenliese mini kielienyi chenliezho. Tai kielienyi ulie chenliese mini kielienyi ese chenliezho. Mii ulie jienliese mii peisan Hudai ese jienliezho."

Lujia 10:16 Referans Kwoze

Yaheiya 13:20

Bi tande shuhuajia kielieye, kun bi peisan kunlai jienliese mii jienliezho. Mii jienliese mii peizhi ireghasan hhei jienliezho."

Matai 10:40

"Kun tai jienliese mii jienliezho. Mii jienliese mii peizhi ireghasan hhei jienliezho.

1Qiesalonijia 4:8

Ingiese ene sughasei ulie chenliechen kunshi kunni ulie chenlieku pusho, tande goya Shenlinne ogisan Hudai uye chenliezho.

Yaheiya 12:48

Mii ulie kerechen, kielienyimi ulie jienliechen kunni panjiku wine. Bi kieliesan kielien duya barakude hhei panjine.

Yaheiya 12:44

Ersa fugiede kieliewo, "Kunla mii xianxin giese zinie mii xianxin giesan pusho, mii peizhi ireghasan hhei xianxin giezho.

Make 9:37

"Kien mii niereghala intu kewosii jienliese mii jienliezho. Kien mii jienliese mii ese jienliezho, mii peizhi ireghasan hhei jienliezho."

Matai 18:5

Kien mii niereghala intu kewosii jienliese mii jienliezho."

Tujila 5:4

Ghazhane uye huikude ghazhashi chinughun pushonu? Ede huise baerne chi zozhu giezhola? Chi yale intui giezho? Chi kunni ese piendazho. Hudai piendazho."

Lujia 9:48

hhelade kieliewo, "Kien mii niereghala ene kewosii jienliese mii jienliezho. Mii jienliese mii peisan Hudai jienliezho. Tai dunda kien zui meilashi hhe zui fugie wo."

Jialatai 4:14

Beyemi tande achan ogiwoma, ingieliuzhe ta mii gajide ese uzhezhi ese duisadene kharei Hudai qienxien mutun, Mexiha Ersa mutun jienliewo.