Loma 8:4 - Hudani Kielien

⁴ Ingiedene beyeni ulie daghazhi Shenlinni daghasan mai jiere guijinyi yoqiui gholughawo.

Loma 8:4 Referans Kwoze

Jialatai 5:16

Bi kielieye, ta Shenlinni daghazhi gie, ingiese beyeni nefuxinni ulie giene.

Geloxi 1:22

ede Huda Mexihai beyei fugukui tungo giezhi tai goyarene goudaghawo. Ingiekushi tai zhiguitu, jienjien witu, yama kieliekui witui gholughazhi hhei melie beilaghane giezho.

Yuda 1:24

Huda tai baohu giezhi ulie hhengereighane, tai zannannilai man widaghazhi bayasughazhi goyane fama melie beigha shidane.

Xibolai 12:23

Ta asiman jiere nierei jilasan fugie kewonlai jiohui, soyujilai panjichen Hudai hhende irezho. Hulunshighasan gou kunni ruhherlai hhende wo.

Mejieghasan 14:5

Hhelai amanse ghudan ereizhi olu dane, hhelade jienjien goujida uwo.

1Yaheiya 3:2

Mii orentula, ede matanshi Hudai kesila wo. Jianlai matan matui gholukuni da ulie mejienema, Ersa Mexiha xienjikude matan hhei zhen yanziini chanlase matan hhe mutun gholukui mejiene.

Loma 2:26

Ingiese hetoune ese giesanla guijinni zunjise hetoune ese giezhoma hetoude ulie sananu?

Lujia 1:6

Hhe ghualashi Hudai melie gou kun wo. Hudai minlin, guijinni zunjizhi man giezho, yama kieliekui uwo.

Loma 3:31

Ingiese matan xianxin giekughala guijinni bendazhou? Kenjin uye! Khareidene guijinni khiduzheghazho.

2Gelindo 10:2

Bi xiahua gieye, bijien duyani banfaghala giezho giezhi sumulasanlade bi wizhade gienema, bi tai hhende echikude mii biizhi wizhade bu giegha.

2Gelindo 10:3

Bijien duyade udu daozhoma, duyani banfaghala zhan ese eghinduzho.