Loma 7:7 - Hudani Kielien

⁷ Ingiese matan matui kieliene? Guijinshi zui onu? Kenjin pusho! Guijin uwoshi bi yanshi zui bikui ulie mejiene. Guijin jiere tanxin bu gie giezhi ese kieliezhoshi bi tanxinshi yan bikui ulie mejiene.

Loma 7:7 Referans Kwoze

Loma 3:20

Guijinni zunjizhi giedene Hudai melie gounide sanasan kun nieda uwo. Guijinni tungo giezhi zuini mejiene.

Loma 4:15

Guijin Hudai hokukuni ireghazho. Guijin wise guijinyi fanjiku shiqinye uwo.

1Gelindo 15:56

Fugukui soyenshi zui wo, zuini lilianshi guijin wo.

Loma 13:9

Piofen bu gie, kun bu ala, bu ghula, tanxin bu gie giesan minlin, psedu guijinla man goyadene mutun giebeidene ore giesan ene minlinde bouizho.

Loma 7:8

Zui minlinghala jihui ereizhi mii zhughede yanyanji tanxin giekui khizheghazho. Guijin uwoshi zuishi fugusei wo.

1Qiesalonijia 4:5

Hudai tani dasan niman kun mutun lon gieku nefuxinni daghazhi hu ulie gieghane.

Loma 3:5

Matanyi gou wiku Hudai gounii khizheghase matan matui kieliene? Huda matanyi faise gundan uwonu? Bi kunni jiodughala kieliezho.

Geloxi 3:5

Ingiese tai sudoro bisan zemin jieredu zui gieku duranlai fugugha, jiushi lon kijieku, zannanni, nefuxin, doghunnii sumulaku, tanxin gieku wo. Tanxin giese nigiedai beiizho.

Ifuso 5:3

Lon kijieku, yanyanji zannanni gieku, tanxin giekulai tai dunda qiizhi da ulie olune. Shentula ingiezhi giese heshi uwo.

Loma 7:13

Qinse gouni khareidene mii fugughanu? Kenjin pusho! Mii fugughasanshi zui wo. Zuishi zui bikui mejieghane giezhi gounii tungo giezhi mii fugughawo. Minlinyi tungo giezhi zui zhenzhen doghunne khizheghazho.

Loma 7:11

Zui minlinni jihuighala mii piendadene hhei tungo giezhi mii fugughawo.

Loma 7:5

Matan beyenughun bikude zui gieku nefuxin guijinni tungo giezhi mai jiere wilie giedene fugukui ireghawo.

Loma 6:15

Qinse matugiene? Matan guijin doura uwo, nenjien dourashi zui fanjise olunu? Kenjin ulie olune!

Loma 4:1

Ingiese bijienyi minzui xienren Iburaheimui matui kieliene? Hhe yan mejiewo?

Tujila 20:33

Bi kiemai antan, miengu, jienni nienhei giezhi ese daozho.

Lujia 12:15

Ingie pse kieliewo, "Ta xioxin giezhi yanyanji tanxin giekulase gholodo. Kunni amin olon baerghala gonxi uwo."

Matai 5:28

bi tande kielieye, biereini uzhezhi hu sumulase ijin zhughedeni piofen giewo.

Lujia 20:16

Ezhan iredene bouisan kunlai man alazhi psedu kunlade bouizhi ogine." Chenliesan kunla kieliewo, "Imutu shiqin jiedui uwo!"

Loma 5:20

Guijin iredene zui olodozhoma, zui olodosan oronde nenjien genjia fugiedazho.

Xibolai 7:19

Guijin yamai ese hulunshighawo. Pse niemande kieliese matande gou xiwon irezho. Ene xiwonyi tungo giezhi matan Hudai shigha shidane.