Loma 7:5 - Hudani Kielien

⁵ Matan beyenughun bikude zui gieku nefuxin guijinni tungo giezhi mai jiere wilie giedene fugukui ireghawo.

Loma 7:5 Referans Kwoze

Ifuso 2:3

Eqighandei matan man hhela mutun mai beyei nefuxinyi daghazhi udu daozho. Zui gieku duran, sumuladanni daghazhi giezho. Matan kunlare niekielien wo, olu bouzheghase Huda faichen kun wo.

Jialatai 5:24

Mexiha Ersani kunla beyeji nefuxin gieku duranne hhantu shizijia jiere ghadawo.

Jialatai 3:10

Guijinni zunjikude kouisan kunla man kharaku doura wo. Jinwun jiere jilasan mutun, "Guijinshu jiere jilasanlai man ulie zunjizhi ulie giesanlai man kharane."

Loma 6:13

Ta beye jieredu yama iyanzii zuide ogizhi gou winide jiaji bu danlagha. Khareidene fugusan kun dundase aminne olusan kun wo giezhi goyane Hudade ogi. Beye jieredulane man Hudade ogizhi gou jiaji danlagha.

Loma 6:21

Ingiese ta ede sumulase shizheku shiqinyi hhe xienzide giedene tande yan haochu wo? Hhei jiegoshi fuguku wo.

1Yaheiya 3:4

Kien zui fanjise guijinni fanjizho. Guijinni fanjise jiushi zui wo.

Geloxi 3:5

Ingiese tai sudoro bisan zemin jieredu zui gieku duranlai fugugha, jiushi lon kijieku, zannanni, nefuxin, doghunnii sumulaku, tanxin gieku wo. Tanxin giese nigiedai beiizho.

1Gelindo 15:56

Fugukui soyenshi zui wo, zuini lilianshi guijin wo.

Yagebu 4:1

Tai dundadu sugienduku eghinduku khalase irezho? Tai sudorodu nefuxin khudoghozhi khizhesan pushonu?

Yagebu 1:15

Nefuxinghala kieli fugiedase zui olune, zui fugiedase fugukui olune.

Qido 3:3

Yenlai matanye men wo, kielien ulie chenliene, miizho, yanyanji nefuxin, xianshou giekude hoji danlawo. Mouxien, dubilieku dunda udu daozho, chou bareizhi nieniene henjizho.

Ifuso 2:11

Ingiese ta jila, beyeghala kieliese eqighandei tashi niman kun wo. Hhezighan beye jiere kunni khaghala hetoune giesan kunla tai hetoune ese giesan kun giezhi uruzho.

Loma 7:23

beye jieremi pse nie guijin mii zhugheni guijinghala maodun giezhi mii bareidene beye jiere bisan zuini guijinde hoji danlaghasei bi chanlazho.

Loma 6:23

Zuini daijiashi fugukuni wo. Hudai nenjienshi mai Ezhan Mexiha Ersai sudoro bisan chanqiku amin wo.

Loma 6:19

Ta dunjire dakuse ayizhi bi ibanji kielienghala kielieye. Ta melieshida beyene ganjin winide, uhunnide ogizhi hoji danladene uhunni gholughasan mutun ede ta beyene gounide ogizhi hoji danladene zhiguitu gholugha.

Loma 5:20

Guijin iredene zui olodozhoma, zui olodosan oronde nenjien genjia fugiedazho.

Loma 4:15

Guijin Hudai hokukuni ireghazho. Guijin wise guijinyi fanjiku shiqinye uwo.

Loma 3:20

Guijinni zunjizhi giedene Hudai melie gounide sanasan kun nieda uwo. Guijinni tungo giezhi zuini mejiene.

Loma 1:26

Ingiese Huda hhelai ese gonjidene hhela shizheku nefuxin giezho. Hhelai biereila zhenchande giekui ulie giedene zhenchan wini giene.

Yaheiya 3:6

Beyese olusanshi beye wo, ruhherse olusanshi ruhher wo.

Matai 15:19

Zhughese khizhesanshi doghunde sumulaku, alaku, piofen gieku, lon kijieku, ghulaku, jia ganzhen beiku, sugieku wo.

2Gelindo 10:3

Bijien duyade udu daozhoma, duyani banfaghala zhan ese eghinduzho.