Loma 4:11 - Hudani Kielien

¹¹ Hhe giesan hetouneshi hetoune ese giekude xianxin giekughala gouni wo giesande zhanzi taisan hao wo. Ingiedene hhezighan hetoune ese gie xianxin giekughala gounide sanasan kunlade xienren danlawo.

Loma 4:11 Referans Kwoze

Loma 3:22

Hheshijiu Ersa Mexihai xianxin giesan jien kunlade olusan Hudai gundanni wo. Yan kunliuzhe niekielien wo.

Lujia 19:9

Ersa kieliewo, "Enedu jiuiku nenjien ene nie giede kuzhewo. Ene kunshiye Iburaheimuni houdei wo.

Xibolai 11:7

Xianxin giekughala Nuhha chanla dasan shiqinni Huda jingao giese zunjizhi fugie chonni zhunbei giedene giei kunlaini man jiuiwo. Xianxin giekughala Nuhha hhe idai kunlai zuini jinjiwo, goyai Hudai melie gounide sanawo.

2Gelindo 1:22

Hhe matai jiere zhanzi taizhi Shenlinni mai zhughede ogizhi yajin daruwo.

Feilibi 3:9

hhere hhantulane giezho. Made bisan gounishi guijinse iresan pusho, bi Mexihani xianxin giekughala Huda ogisan wo.

Ifuso 4:30

Hudai Shenlinni yuchou bu giegha. Hhe shuiku udude oluzhi tai jiere hhei zhanzii taizho.

Ifuso 1:13

Taye zhenzhenji daoli, jiushi tai jiuiku gouxioxii chenliedene Mexihani xianxin giese Huda dain giesan Shenlinni tande ogizhi zhanzi taiwo.

Jialatai 6:16

Jien ene daoli mutun giesan kunlade, Hudai Isilie bexinlade Huda pinnan, ubali xiikui ogi gie!

Jialatai 5:5

Bijien Shenlinde kouizhi xianxin giekughala gounide sanakui panjizhi sagheizho.

Jialatai 3:29

Tashi Mexihanughunshi Iburaheimui houdei wo, dain giesanzhe caichanni jienliechen wo.

Jialatai 3:22

Ingiezhoma, soyuji kunlai zuide qienji jiezho giezhi jinwun jiere kieliezho. Ingiedene Ersa Mexihai xianxin giezhi iresan dainni xianxin giesan kunlade ogizho.

Jialatai 3:7

Ingiese xianxin giesanlashi Iburaheimui houdei bikui ta mejie.

Loma 10:11

Jinwun jiere kieliezho, "Jien hhei xianxin giesan kunla jiuren ulie giene."

Loma 10:6

xianxin giekughala gounide sanaku daolii ingiezhi kieliezho, "Kien asiman jiere khireine giezhi chi zhughedene bu kielie." (Jiushi Mexihani jierese lai bouzheghane giezho.)

Loma 10:4

Mexihashi guijinni uzhu wo. Jien xianxin giesan kunlai gounide sanane.

Yaheiya 6:35

Ersa kieliewo, "Bishi aminni ginan enbene. Mii enende iresan kunla ulie oliesune. Mii xianxin giese ibeizi ulie undasune.

Mejieghasan 9:4

Hhelade fenfulazhi zemin jieredu osunji yanyanji noghon dunxi, mutunlai bu shanjidene zinie manlou jiere Hudai zhanzii ese taisan kunlai shanji giezho.

2Beduru 1:1

Ersa Mexihade hoji, shitu danlasan Ximun-Beduru mai Huda, jiuichen Ersa Mexihai gundanni tungo giezhi bijien mutun zhiguitu xianxin gieku bisan kunlade xin huaizho.

Loma 9:30

Ingiese matan matui kieliene? Hudare goudakui onxian ese giesan niman kunla xianxin giekughala Hudare goudawo.

Loma 9:6

Ingieseye bi Hudai kielienshi belienni wo giezhi ese kieliezho. Isiliese olusanlashi man Isilie kun pusho.

Loma 3:26

Edeku shihoude ingiezhi Huda goyaneshi gundan bikui, pse Ersai xianxin giesan kunlai gounii uzheghazho.

Yaheiya 8:33

Hhela kieliewo, "Bijienshi Iburaheimui houdei wo. Bijien kiemade hoji danlazhi ese daozho. Chi matui 'Bijienyi ziyushighane.' giezhi kieliene?"

Yaheiya 6:47

Bi shuhuajia kielieye, xianxin giesan kunde chanqiku amin wine.

Yaheiya 6:40

Adaimi isishi Kewonyini uzhedene xianxin giesan kunlade man chanqiku aminyi ogine. Duya barakudeni bi hhelai aminne olughane."

Yaheiya 3:36

Kewonyini xianxin giesan kunde chanqiku amin wine. Hhei ulie shunjichen kunde amin uwo. Hudai hokuku chan hhei jiere wo."

Matai 16:16

Ximun-Beduru kieliewo, "Chishi Mexiha wo. Chanqiku Hudai kewon wo."

Matai 8:11

Bi tande kielieye, dunmien ximiense olon niman kunla irezhi asiman gojiade Iburaheimu, Isaghei, Yagebure hhantu xi soune.

Loma 9:33

Jinwun jiere jilasan mutun, "Bi Xiwunde nie banjighaku tashi teiwo. Kunni banjighaku tashi wo. Hhei xianxin giesan kunla jiuren ulie giene."

Yaheiya 3:33

Hhei ganzhenyi xianxin giesan kunla Hudashi zhenni enbene giezho.

Loma 3:30

Hudashi nie wo. Hetoune giesanlai xianxin giekughala gounide sanane, hetoune uye giesanlaiye xianxin giekughala gounide sanane.

Loma 4:10

Hhei yan xienzide gounide sanazho? Hetoune gietula onu, hetoune giedene wo? Hetoune giedene pusho, gietula wo.