Loma 16:7 - Hudani Kielien

⁷ Mare hhantu bafanzi sousan mii qingu Andonigu, Yuniyade kielien asa. Hhela shitulai dunda minshen fugie wo, mase melie Mexihai xianxin giezho.

Loma 16:7 Referans Kwoze

Loma 16:21

Mare hhantu wilie giesan Qimotai, mii qingu Luqiu, Yaso, Soxibade enela tande kielien asazho.

Loma 16:11

Mii qingu Xiloqiende kielien asa. Naqishu giei Ezhanyi miendedu kunlade kielien asa.

Feilimen 1:23

Mexiha Ersade oluzhi bighala hhantu bafanzi sousan Ibafu chade kielien asazho.

Geloxi 4:10

Mare hhantu bafanzi sousan Yalidagu, Banabani gujiu Make, Yushidu giezhi urusan Ersa enela tande kielien asazho. Makeni kieliese, tande fenfulazhi daozho. Hhe tai hhende irese ta hhei jienlie. Yutaini Mexihai xianxin giesan kun dunda zinie enela mare hhantu Hudai gojiade oluzhi wilie giezhi mii zhughei nanranshighazho.

Ifuso 2:10

Matanshi Huda giesan wo, gou wilie gieghane giezhi Mexiha Ersai miende zhayaghasan wo. Eneshi Huda matande matugie udu dao giezhi eqighan jihua gie goudaghasan wo.

Jialatai 1:22

Hhe xienzide Mexihai xianxin giesan Yudayani jiohuila mii chanlazhi ese daozho.

2Gelindo 5:17

Kien Mexihai miende bise hheshi shini giesan kun wo, khuichennila daozhi man shinii gholuwo.

Mejieghasan 1:9

Bishi tai gaijiu Yaheiya wo. Ersai miende tanre hhantu kunnan shouiku, Hudai gojia, rennai giekude guzide wine. Bi Hudai kieliende oluzhi Ersade ganzhen beiku yenyinghala Bamo giesan haini dao jiere bafanzi souzho.

1Yaheiya 5:20

Matan Hudai Kewon irezhi matande agheli, lijie gieku nenli ogidene zhenzhenji Hudai tanighasei, pse matan hhe zhennii sudoro, yejiushi hhei kewon Ersa Mexihai sudoro bikui mejiene. Hheshijiu zhenzhenji Huda wo, chanqiku amin wo.

1Yaheiya 4:13

Huda matande Shenlinne ogizho. Ingiese matan Hudai sudoro, Huda matanyi sudoro beisei mejiene.

Jialatai 6:15

Hetoune gie, ulie gie yama zhunyo uwo. Zhunyonishi shini kun wo.

Jialatai 5:6

Mexiha Ersai miende hetoune gie, ulie gie yama zhunyo uwo. Zhunyonishi orekughala khizhesan xianxin gieku wo.

Jialatai 2:6

Hhezighan lindao danlasanla bi chonjisan daolide yama ese jiaizho. Hhela eqighandei yan kun bikui made yama zoin uwo, Huda mienzighala ulie uzhene.

2Gelindo 11:23

Mexihani hoji onu? Bi ingie kieliese fenjiulizhoma, biye genjia enbene. Bi hhelase olon khishulazhi bafanzi olon souzhi olon mabienzi neizhi haojihui aminde wixien khizhezho.

2Gelindo 5:21

Huda hhe zui wituni matande oluzhi zuitu gholughakushi matanyi hhei sudoro Hudai gouni gholughane giezho.

1Gelindo 1:30

Ingiezhoma, Huda tai Mexiha Ersare hhantulaghazho. Hhe Hudase irezhi mai agheli, gundan, zhigui, shuiku gholuwo.

Loma 8:1

Ingiese ede Mexiha Ersai miendedu kunlade zui jiedui ulie jinjine.

Yaheiya 15:2

Hhe mii jiere alima ulie sousan chalai man ghigha widaghane. Alima souku chalai ulou giezhi goudaghase hhei jiere alima pse olon soughane.

Yaheiya 14:20

Hhe niudu kuse bi Adai sudoro wo, ta mii sudoro wo, biye tai sudoro bikui ta mejiene.

Yaheiya 6:56

Mighaimi ijiezhi chusunyimi ochisan kun mii sudoro beizho. Biye hhei sudoro beizho.

Jialatai 2:2

Bi khireikushi Huda made mejieghazho. Bi hhezighan lindaolai konkonji chujieghedene bi niman kunlade gouxioxi chonjisei kieliezhi minbai olughakushi bi melieshida, ede belien ese holuse giezho.

Loma 8:11

Ersai fugusan kun dundase aminne olughasan Hudai Ruhher tai sudoro souse Mexihai fugusan kun dundase aminne olughasan Huda tai sudoro sousan Shenlinne tungo giezhi tai fuguku beyeni aminne olughane.

Loma 9:3

Bi gaijiuladene oluzhi mii kharazhi Mexihare danlinraghaseye duran wine. Hhelashi mare nie minzu wo,

Loma 16:3

Baijila, Yajilade kielien asa. Hhela Mexiha Ersai miende mare hhantu wilie giezho.

Loma 16:6

Mereiyende kielien asa. Hhe tande oluzhi hende khishulazho.

Loma 16:8

Ezhanyi miende bi oresan Anbolide kielien asa.

Loma 16:9

Mexihai miende matanre hhantu wilie giesan Erbanu, pse bi oresan Shidagude kielien asa.

Loma 16:10

Mexihai miende olune giesan Yabilide kielien asa. Yalidobui giei kunlade kielien asa.

2Gelindo 12:2

Bi Mexihai miende nie kunyi tanine. Hhei 14 nien qien ji 3 cen asiman jiere qila khireiwo. Beyere hhantu khireiwu beyese likai gie khireisei bi ulie mejiene, zinie Huda mejiene.