Loma 11:22 - Hudani Kielien

²² Ingie uzhese Huda renyi, yenge wo. Hhezighan xinyan jiere banjisan kunlade yenge wo, tande renyi wo. Chi renyideni chanqi kouise beizhoma, pse chiiye ghigha widaghane.

Loma 11:22 Referans Kwoze

Xibolai 3:14

Matan dei qiikude xianxin giesanne zuihou kutula izhi xiacha giese Mexihare hhantu nexian jienliene.

Xibolai 3:6

Mexiha Hudai giede kewon danlazhi shixinde giezho. Matan danzine fugiedaghazhi panjisanne goude bareise matanshi mechi wo.

1Gelindo 15:2

Bi tande chonjisanni ta belien xianxin ese giedene goude bareizhoshi enei tungo giezhi tai jiuine.

Yaheiya 15:2

Hhe mii jiere alima ulie sousan chalai man ghigha widaghane. Alima souku chalai ulou giezhi goudaghase hhei jiere alima pse olon soughane.

Mejieghasan 2:5

Ingiese chi nie sumula. Khalase banjizhoshi hhense geizhen giezhi dei qiikude giesan wilielai gie. Chi geizhen ulie giese bi chii hhende iredene zhula teiziichii yenlaiku oronse agi echine.

Jialatai 6:9

Matan gouni giekude fanqi bu giezhi zhazhen giema, heshitu shihou kuzhese ghurakui wine.

Loma 2:7

Gou wilieni izhi giezhi kuaiku, gou minshen, chanqi ulie qida olukuni giesan kunlade Huda chanqiku aminni ogine.

Xibolai 10:23

Matande dain giesan hheshi kekaotui wo. Ingiese matan chenren giezhi xiwon giesei ulie gojiolughazhi goude bareiye.

Tujila 14:22

Hhela tujilai zhugheini khiduzheghazhi izhi xianxin gie giezhi sughazhi kieliezho. "Matan Hudai gojiade orone giese bixi olon ku shouine."

Yaheiya 8:31

Ingiese Ersa hhei xianxin giesan Yutai kunlade kieliewo, "Ta mii kielienyi chan zunjizhi giese mii zhenzhenji tuji wo.

1Qiesalonijia 3:8

Ta Ezhanyi miende beizhi undanlase bijien ede amiturawo.

Tujila 11:23

Hhe kurudene Hudai nenjienyi chanla bayasuzhi kunlade khidunde beidene izhi Ezhanni koui giezhi sughazhi kieliezho.

Lujia 8:15

Gou ghazhaghunshi kun kielienyi chenliedene gou lianxintu zhughedene teizhi izhigie rennai giedene zhonjia souwo."

1Qiesalonijia 3:5

Ingiese bi pse bazilie dadene Qimotaini peizhi tai xianxin gieku matugiezho giezhi daqinlaghale echiwo. Hhe miichen tai miizhi bijien khishulasan wilielani belien gholughakuse ayizho.

1Yaheiya 2:19

Hhela matanyi dundase khizhi echise matannughun pusho. Matanughun enbese izhi matanre hhantu wo. Hhela khizhi echise matannughun pusho bikui zhenmin giewo.

Loma 11:21

Huda yenlaiku chalai sheise chiiye sheine.