Loma 1:11 - Hudani Kielien

¹¹ Bi tai hende chujiegheku duranshi Hudai nenjienni tande deilazhi tai khiduzheghane giezho.

Loma 1:11 Referans Kwoze

2Beduru 1:12

Ta ijin enelai mejiezhi ede bisan zhendao jiere khidunde beizho, ingieliuzhe bi enelai chan tande jilaghaye.

Loma 16:25

Hudade kuaikui ogi. Bi chonjisan Ersa Mexihai gouxioxighala, eqighanku gonyinni niuighasan mimii mejieghakughala Huda tai khiduzhegha shidane.

2Qiesalonijia 3:3

Ezhanshi kekaoni wo, tai khiduzheghazhi doghunnise bouine.

Loma 15:29

Bi tai hhende irekude Mexihani olon nenjienni deilazhi irekui bi mejiene.

1Beduru 5:12

Bi Seilai tungo giezhi ene okho xinni tande huaiwo. Bi uzhese hheshi nie kekaotu gaijiu wo. Bi xin huaikushi eneshi Hudai zhenzhenji nenjien wo giezhi tande sughazhi kieliezhi ganzhen beine giezho. Ta ene nenjien jiere bei.

1Beduru 5:10

Nenjien durusan Huda, Mexihai tungo giezhi tai uruzhi hhei chanqiku famade ireghasan hhe zhanshi jiere shouku giesan tai qinsi hulunshighazhi khiduzheghane, lilian ogizhi undanlaghane.

2Qiesalonijia 2:17

tai sidaghazhi kielie gie. Pse ta shiheni gou wilie giezhi gou kielien kieliekude tande nenli ogi gie.

Tujila 19:6

Baolo hhelai jiere khane teise Shenlin hhelai jiere bouzhewo. Ingiese hhela shiheni kielienghala kieliezhi Hudai kielienyi kielie qiiwo.

Tujila 16:5

Ingiese jiohuilani kunlai xianxin gieku khiduzhezhi kun niudunie olodowo.

1Qiesalonijia 3:13

Ingiese zhughei tai khiduzheghazhi mai Ezhan Ersa soyuji shentularene hhantu irekude mai Ada Hudai melie zhiguitu yama kielieku witu gholugha gie.

1Qiesalonijia 3:2

Qimotaini tai hhende peizhi echighawo. Hheshi mai gaijiu wo. Bijienre hhantu Mexihani gouxioxii chonjizhi Hudade wilie giesan kun wo. Hhei echighakushi tai khiduzheghazhi xianxin gieku jiere zhichi gieghane giezho.

Feilibi 4:1

Ingiese bi orezhi sanasan gaijiula, tashi mii bayasuku wo, mii mienzi wo. Bi oresanla, ta Ezhanni kouizhi beizhi undanla.

Feilibi 2:26

Hhe ta dajialai hende sanazhi, da hhe giemeresei ta mejiese hhe hende nango giezho.

Feilibi 1:8

Bi Mexiha Ersai zhugheghala tai matugie sanasanyi Huda made ganzhen beine.

2Gelindo 9:14

Huda tande tebieji fugie nenjien ogizho. Ingiese hhela tande oluzhi onxian giezhi tai sanazho.

2Gelindo 1:21

Mexihai miende bijienyi tanre hhantu khiduzheghazhi teshu wiliede oluzhi matanyi sunghusanshi Huda wo.

Loma 15:32

Pse mii Hudai isighala tai hhende bayasuzhi iregha tanre hhantu hhamuragha gie."

Loma 15:23

Ede ene oronlade chonjiku oron widazho, pse haojinien bi tai hhende echiku duralazho.

Tujila 19:21

Ene shiqin daodene Baolo Maqidun, Yagaiya oronse daozhi Yelusalende echine giezhi zhughedene jiejin gie kieliewo, "Bi hhende kuruse bixi Lomade nie uzhele echine."

Xibolai 13:9

Ta goyalane yanyanji ghudureku sughasande bu echigha. Kunni zhughe ijiuni xigonde ulie kouidene nenjiende kouizhi khiduzhese gou wo. Hhezighan ijiuni xigonyi daghasanlade yama haochu uwo.

2Gelindo 11:4

Niezhan kunla irezhi bijien ese chonjisan da nie Ersai tande chonjise, pse ta jienliezhi ese daosan buxiantu ruhherni jienliezhi ta jieshou giezhi ese daosan buxiantu gouxioxii jieshou gieghase ta jienliezho!

Loma 1:12

Isishi matan nieniene xianxin giekughala nieniedene zhichi gieye giezho.

2Gelindo 1:15

Made intu xinxin bise sumulazhi xien tai hhende echizhi tande ghuareifa nenjien ireghaye giezho.