Ifuso 4:16 - Hudani Kielien

¹⁶ Mexihai kouizhi nie beyei sidasunla man chigharade lienjizho. Go iyanzi zoinlane khizheghazhi nie beyeni oreku dunda fugiedazhi hendaghazho.

Ifuso 4:16 Referans Kwoze

Geloxi 2:19

qiorunghala ese lienjizho. Hhense jinlian khizhezhi nie beyei go mouzi sidasunlai man lienjighazhi zhao Huda osighasan mutun osizho.

Yaheiya 15:5

Bishi putou mutun wo. Tashi chala wo. Kien mii sudoro beizhi bi hhei sudoro beise hhe alima olon soune. Mase likai giese ta yama gie dane.

Geloxi 2:2

Hhelai sidaghazhi orekughala nieniedene lienji giezho. Qinchude liojie gieku nenlighala Hudai mimini goude mejie giezho. Hheshi Mexiha wo.

Ifuso 4:12

Ingiezhi giekushi Mexihani wiliede oluzhi shentulai goude zhunbei gieghadene Mexihani beyeni hendaghane giezho.

1Gelindo 13:13

Xianxin gieku, xiwon gieku, oreku chan wine. Ene ghuron dundase orekushi zui fugieni wo.

Ifuso 4:15

oreku zhugheghala shuhua kieliezhi go fanmiende touzi danlasan Mexiha mutun hendane.

1Qimotai 1:5

Bi surughasan daolini mujishi oreku wo. Ene orekushi ganjin zhughe, gou lianxin, jia witu xinyanse khizhezho.

1Qiesalonijia 2:13

Bijien pse Hudade chan mafan kielieku dounie yenyinshi ene wo. Ta bijiense Hudai kielienyi jienliekude kunni kielien wo uye giedene Hudai kielien wo giezho. Hhe shuhua Hudai kielien enbene. Ene kielien ta xianxin giesan kunlade zoin wine.

Feilibi 1:9

Bi onxian giese tai oreku erlinji pandon gieku jiere yebeiye olodo,

Ifuso 3:17

Xianxin giekughala Mexiha tai zhughede souzhi tai oreku dunda genzi bareighazhi undanlagha gie.

1Beduru 1:22

Ta zhendaoi shunjizhi goyane ganjinraghazhi kunlade zhenzhenji orezho. Ingiese xiacha giezhi zhughesene nieniedene orendu.

Ifuso 3:7

Hudai nenjienghala bi gouxioxide hoji danlazho. Huda nenlighalane made ene nenlini ogizho.

Ifuso 1:4

Duyai zhayaghaku melie orekughala Mexihai miende matai sunghuzhi goyane melie zhiguishighazhi jienjien witui gholughane giezho.

Jialatai 5:22

Shenlinni jiegoshi, oreku, bayasuku, pinnan, rennai, goude gieku, gou zhughe, kekaoni,

1Yaheiya 4:16

Huda matande orekui matan mejiezho, xianxinye giezho. Hudashi oreku wo. Orechen kun Hudai sudoro beizho. Hudaye hhei sudoro beizho.

2Qiesalonijia 1:3

Gaijiula, bijien tande oluzhi Hudade chan mafan kieliese indanji wo. Tai xianxin gieku zhughe fugiedazhi, nieniedene oreku zhugheye olodozho.

1Qiesalonijia 3:12

Pse bijien tande olon oreku mutun Ezhan tande oreku zhughei ologhan ogizhi durughadene tai nieniedene oregha gie, jien kunladeye oregha gie.

1Qiesalonijia 1:3

Bijien mai Ada Hudai melie tai izhigie jilazhi kieliezho. Ta xianxin giekughala giesan wilie, orezhi khishulasan, pse mai Ezhan Ersa Mexihai panjizhi rennai giesei jilazhi onxian giezho.

Jialatai 5:6

Mexiha Ersai miende hetoune gie, ulie gie yama zhunyo uwo. Zhunyonishi orekughala khizhesan xianxin gieku wo.

1Gelindo 8:1

Nigiedade ogisan ijiunii kieliese matande man ene fanmienni erlin bikui matan mejienema, erlin kunni fugiede uzheghane, oreku kunni hendaghane.

Loma 12:4

Matanyi nie beye jiere iyanzi olon biliuzhe zoin buxian mutun

1Gelindo 10:17

Ginan niekozi wo, matan kun olon woma, nie beye wo. Matan man nie ginande hhantulazho.