Ifuso 4:10 - Hudani Kielien

¹⁰ Bouzhesan hheshi zui undu asimande khireisan Hhe wo. Ingiezhi giekushi soyujilai hulunshighane giezho.

Ifuso 4:10 Referans Kwoze

Xibolai 7:26

Intu zhiguitu, doghunnii wiku, zannannii wiku, zuirense ghugha keisan, asimanlase undudasan zui fugie buwa matande jian heshi wo.

Xibolai 4:14

Matande asimande khisan famatu niekozi zui fugie buwa wine. Hheshi Hudai kewon Ersa wo. Ingiese matan xianxin giesanne xiacha gieye.

Geloxi 2:9

Hudai soyuji tejienla kunni beyeghala iresan Mexihani jiere man wine.

Geloxi 1:19

Huda bayasuzhi hulunnine man hhei sudoro teizhi

Matai 24:34

Bi tande shuhua kielieye, ene idaini kunla fugutula ene shiqinla man gholune.

1Qimotai 3:16

Matanyi xinyanni mimi chijia wo. Enende yama kieliekuni uwo. Hhe kunni beyeghala khizhewo. Shenlin ganzhen beizhi hheshi gundanni wo giezho. Qienxienla hhei chanlawo. Hhei olon minzulade chonjidene Duyani kunla xianxin giewo. Famani dunda jienlie khireiwo.

Ifuso 3:19

hhei oreku kunni sumulakuse daosanyi tande mejieghazhi Hudai hulunshighakughala tai hulunshigha gie.

Tujila 1:9

Ene kielienyi kielie baraghadene hhela uzheku shihoude asiman jiere khireiwo. Niegieda olien hhei jienlie echise chanla dawo.

Xibolai 8:1

Ede kieliesan zhunyonishi matande intu nie zui fugie buwa wine. Hhe asiman jieredu famatu Hudai baozoi borun miende souzho.

Tujila 3:18

Huda eqighanse jien xienzhilani tungo giezhi Mexiha shouku giekui kieliewo. Ede qimutui gholuwo.

Tujila 2:33

Huda hhei undudaghazhi borun miendene soughawo. Ada dain giesan Shenlinni hhe jienliedene kie bouzheghawo. Eneshi ta chujieghezhi sonosusan wo.

Tujila 1:11

"Jialili kunla, ta yale beizhi asimanyi uzhene? Tanse likai giezhi asiman jiere khireisan Ersa, ta matugie uzhezhi khireighazhoshi yen qingiezhi irene."

Yaheiya 19:36

Ene shiqinla fashen giekushi jinwun jieredu kielienyi gholughane giezho, "Hhei yasun nieda ulie ghurane."

Yaheiya 19:28

Enense khuinashi Ersa shiqinlane gie baraghasanyi mejiedene jinwun jieredu kielienyi gholughane giezhi kieliewo, "Bi undasuzho."

Yaheiya 19:24

Hhela nieniedene kieliewo, "Matan sidazhi bu keighaye. Kiende irekui matan fendan qianguye." Ingiedene jinwun jieredu kielien mutun gholuwo, "Hhela mini jienni ghughane. Mii sudorodu jienni fendan qiangune." Buduila zhenzhenji ingiezhi giewo.

Yaheiya 1:16

Matan man hhei fugie nenjien jierese nenjien olon jienliezho.

Lujia 24:44

Ersa hhelade kieliewo, "Eneshi bi melieshida tanre hhantu bikude kieliesan wo. Musani guijinshu, xienzhishu, zeburei jiere mii zhiizhi huaisanlai man ijinyo gholughakuni wo."

2Gelindo 12:2

Bi Mexihai miende nie kunyi tanine. Hhei 14 nien qien ji 3 cen asiman jiere qila khireiwo. Beyere hhantu khireiwu beyese likai gie khireisei bi ulie mejiene, zinie Huda mejiene.