Ifuso 3:9 - Hudani Kielien

⁹ Pse soyujilai zhayaghasan Hudai sudoro eqighanse izhi niuighasan mimitu jihuai olon kunlade man minbai olugha giezho.

Ifuso 3:9 Referans Kwoze

Geloxi 1:26

Ene mimii melieshidaku olon shidaini kunlade niuighazhoma, ede shentuladene mejieghawo.

Matai 13:35

Ingiekushi Ezhan xienzhini tungo giezhi kieliesan kielien mutun gholughane giezho, "Bi bilazhi kielieye. Duyai zhayaghasanse niuighasan shiqinlai kieliezhi khizheghaye."

2Qimotai 1:9

Huda mai jiuizhi zhiguide urukushi matan giesanghala pusho, hhe goya jihua, nenjienghalane giesan wo. Ene nenjienshi Mexiha Ersai tungo giezhi duyai zhayaghasanse melie matande ogisan wo,

Geloxi 3:3

Ta ijin fuguzhi tai amin Mexihare hhantu Hudai sudoro niuizho.

Matai 28:19

Ingiese ta echidene soyuji minzuni kunlai Ada, Kewon, Shenlinni niereghala xili gieghazhi tuji gholugha.

Mejieghasan 4:11

"Mai Ezhan, mai Huda kuaiku, zhigui, nenlini pei shidane. Chi yanyanjilai zhayaghazho. Yanyanjilashi chii isighala zhayaghadene bisan wo."

Qido 1:2

Ene zhendaode chanqiku aminni xiwon wine. Eneshi ghudan ulie kieliechen Huda duyai zhayaghaku melie matande dain giesan wo,

1Qimotai 3:16

Matanyi xinyanni mimi chijia wo. Enende yama kieliekuni uwo. Hhe kunni beyeghala khizhewo. Shenlin ganzhen beizhi hheshi gundanni wo giezho. Qienxienla hhei chanlawo. Hhei olon minzulade chonjidene Duyani kunla xianxin giewo. Famani dunda jienlie khireiwo.

Mejieghasan 13:8

Jien zemin jiere sousan, niereini duyai zhayaghasanse alasan ghoni ghughanyi aminni jilasan benzi jiere ese jilasan kunla man hhei beiine.

1Beduru 1:20

Huda Mexihai duya zhayaghaku melie jinjiwoma, duya barakude tande oluzhi xienjizhi khizheghawo.

2Qimotai 4:17

Ingieliuzhe Ezhan mii kanzide beizhi made lilian ogiwo. Mii gouxioxii chonji baraghadene niman kunlade man chenlieghawo. Hhe dou mii shizii amanse jiui khizhewo.

2Qiesalonijia 2:13

Ezhan oresan gaijiula, tande oluzhi bijien Hudade chan mafan kieliekuni wo. Huda eqighanse tai sunghuzhi Shenlinghala zhiguishighadene zhendaoni xianxin gieghazhi tai jiuiwo.

Geloxi 1:23

Ta indan xinyanne izhi goude bareizhi undanlagha. Ta chenliesan gouxioxini panjikuse likai bu gie. Ene gouxioxini qienxiani soyuji zhayaghasanlade man chonji kurughawo. Bi Baoloye ene gouxioxide hoji danlazho.

Ifuso 1:4

Duyai zhayaghaku melie orekughala Mexihai miende matai sunghuzhi goyane melie zhiguishighazhi jienjien witui gholughane giezho.

1Gelindo 2:7

Bijien jianjisanshi eqighandei niuighasan Hudai mimitu agheli wo. Eneshi Huda duyai zhayaghaku melie matande famai ogine giezhi jinjisan wo.

Tujila 15:18

Eneshi dei qiikude ene shiqinlai mejieghasan Ezhan kieliesan wo.'

Yaheiya 10:30

Bi Adaghalaneshi nie wo."

Yaheiya 5:19

Ersa hhelade kieliewo, "Bi tande shuhuajia kielieye. Kewon goyane kouizhi yama gie dane. Zinie Ada giesanyi uzhedene giezho. Ada giesan wilielai Kewon ye giene.

Yaheiya 5:17

Ersa hhelade kieliewo, "Adami izhi eli kutula wilie giezho, biye giezho."

Lujia 24:47

Pse hhei niereghala geizhen giese roulieku gouxioxini Yelusalense soyuji minzulade chonji keine.

Matai 25:34

Ingie honshan borun mienne kunlade kieliene, 'Adami fuqi ogisan kunla, irendu. Duyai zhayaghazhi iresanse tande zhunbei giesan gojiani jienliendu.

Matai 10:27

Bi tande beichazide kieliesei ta mindamin kielie. Ta chighindene chenliesei gie jierese fugiede kielie.

Mejieghasan 17:8

Chi chanlasan yewo eqighandei wine, ede uwo, jianlai jizi witu nokiense khizhezhi widakude echine. Jien zemin jiere sousanla, jiushi niereini duyai zhayaghasanse aminni jilasan benzi jiere ese jilasanla hhe eqighandei wine, ede uwo, jianlai ireku yewoni chanlase ghanirane.

Mejieghasan 14:6

Bi chanlase da nie qienxien asimande musizhi zemin jiere sousan go gojia, go pai, go kielien, minzulade chonjiku chanqiku gouxioxii bareizho.

Loma 11:25

Gaijiula, bi ene mimii tande mejieghaku duran wo. Pse ta goyalane jienzha wo giene. Ene mimishi niman kunlai jiuiku shuzi kurutula niezhan Isilie kunlai zhughei khiduzheghazho.

Ifuso 3:2

Huda tande oluzhi nenjienghalane made nie tebieji renwu ogisei ta kenjin chenliezhi daozho.

Ifuso 6:19

Madeye oluzhi onxian gie. Bi kieliekude Huda made heshini kielien ogizhi fugie danzighala gouxioxii mimii jianjizhi minbai olugha gie.

Geloxi 4:3

Pse bijiende oluzhiye onxian gie. Huda bijiende daoli chonjiku wijienyi keighazhi Mexihai mimini jianjigha gie. Bi ene yenyinde bafanzi souzho.